SAAMUNƆ 88
88
Kuuna gaa lɛ́zĩ aduakɛna
Ɛzɛra bori Emani lɛ̀.
1Dii Luda ma Mìsiri,
mɛ́ɛ wii pɛɛnzi fãantɛ̃ kↄ̃n gwãavĩo.
2Ǹ tó ma aduakɛna ká n kiia,
ǹ swã kpá ma wiipɛnazi.
3Zaakɛ yã'ↄ̃amma ma nↄ̀sɛ pà,
ma wɛ̃̀ndi kú gaa lɛ́zĩ.
4Wà ma da gbɛ̃ kɛ̀ aↄ̃ↄe sii gɛ̀wãannↄ tɛ́,
ma gↄ̃ gbãasaidee ũ.
5Wà pã kpàmazi wà ma da gɛ̀nↄ tɛ́
lán gbɛ̃ kɛ̀ aↄ̃ↄ daɛna miran sↄ̀rↄrↄnↄ bà,
lán gbɛ̃ kɛ̀ aↄ̃ yã dↄngu dↄro
aↄ̃ bà kúnyo dↄroonↄ bà.
6N ma zu wɛ̀ɛ zã̀n
ai tↄↄtɛ tú kokotɛ̃wɛɛ gusiaan.
7N pↄfɛ̃ tↄ̃̀ma,
à ísↄ̃ dàmala.
8Ń tò ma gbɛ̃nↄ ma zĩnna,
ń tò aↄ̃ↄ ye ma kãziro.
Wà ma kagura kɛ̀, bↄkii kuuro,
9nawɛ̃a ma wɛ́ɛ sìsi.
Mɛ́ɛ n sisii zaa kↄngↄ ai uusiɛ,
ma ↄↄnↄↄ dↄnzi.
10Gɛ̀nↄn nɛɛ̀ yãbↄnsaɛ kɛńnɛↄ́?
Gɛ̀wãadeenↄ bé wè fɛɛ wà n sáabu kpáↄ́?
11Wè n gbɛ̃kɛɛ tↄ̃kɛ̃ mira guun yↄ́?
Wè n náanɛkɛyã o gɛ̀wãann yↄ́?
12Wà n dabuyãnↄ dↄ̃ gusiaa guun yↄ́?
N maakɛnanↄ dↄ̃na kú yãsãngukii guun yↄ́?
13Dii, mɛ́ɛ wii pɛɛnzi,
ma aduakɛna kↄngↄ è ká n kiia.
14Bↄ́yãnzin nɛ́ɛ giimazizi, Dii?
À kɛ̀ dia n mìkpɛɛ zùmɛɛ?
15Má kú gaa lɛ́zĩ wɛ̃ndawɛ̃nda zaa ma gↄ̃kparɛkɛgurↄ,
n yã pãsĩnↄ tↄ̃̀ma, ma gↄ̃ sã̀ii.
16N pↄfɛ̃namazii dàmala,
n vĩapↄnↄ ma kaatɛ.
17Aↄ̃ dàmala lán í bà zaa kↄngↄ ai uusiɛ,
aↄ̃ lìgamazi mámmam.
18Ń tò ma gbɛ̃nↄ kↄ̃n ma gbɛ̃nnanↄ ma zĩnna,
gusiaa bé à gↄ̃̀ ma kpàasi ũ.
Currently Selected:
SAAMUNƆ 88: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
