SAAMUNƆ 76
76
Ludan zĩ̀blena gbãaa ũ
Asafa lɛ̀. Wè sí kↄ̃n mↄrↄnↄo.
1Wà Luda dↄ̃ Yuda bùsummɛ,
à tↄ́ bíta Isarailinↄ tɛ́.
2À bisakutaa kú Salɛmu,
à kúkii kú Zayↄn.
3Zaa gwen à kà wãaanↄ ɛ̀'ɛn
kↄ̃n sɛngbangonↄ kↄ̃n fɛ̃ɛdaanↄ kↄ̃n zĩ̀kabↄnↄo.
4Nɛɛ̀ guu pu nɛɛ̀gↄ̃ tɛ́ kɛɛ,
n bítakɛɛ dɛ kpiii kɛ̀ aↄ̃ kuu gurↄ pínginↄla.
5N kùgbãadeenↄ gbãaa sìḿma,
aↄ̃ↄ daɛna kↄ̃n ga'iio,
gↄ̃ gbãaa pìnↄ dokee e fↄ̃ à a ↄↄ sɛ̀ro.
6Yakubu Luda, n kpãkɛ̃ńzi,
ben sↄ̃nↄ kↄ̃n ń sↄ̃goronↄ gↄ̃̀ kaɛna.
7Ḿbe ń naasi vĩ ndo,
tó n pↄ́ bↄ̀ n yĩzĩ,
dé bé eé fↄ̃ à zɛ n aɛɛ?
8Zaa musu n yãkpaɛ kɛ̀,
vĩa anduna kũ̀, à yĩ̀tɛ kítikiti,
9zĩ kɛ̀ Luda, n fɛɛ ǹ yã gↄ̃gↄ̃ andunanɛ
lɛ ǹ gbãasaideenↄ mì sí.
10N pↄfɛ̃na gbɛ̃nↄzi è n tↄ́ bↄ,
n pↄfɛ̃ kpaaa ègↄ̃ dↄ n pii.
11À lù sɛ́ Dii a Ludanɛ à à fĩa bo.
Amↄa kɛ̀ á ligawaziinↄ, à mↄ́
à Luda kɛ̀ dɛ wàgↄ̃ à vĩa vĩi gba pↄ́.
12È kpatablerinↄ kã busa,
è tó vĩa anduna kínanↄ kũ.
Currently Selected:
SAAMUNƆ 76: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
