SAAMUNƆ 67
67
Aubarika gbekana Ludaa
Lɛ̀ kɛ̀ wè sí kↄ̃n mↄrↄnↄo.
1Luda, ǹ wa wɛ̃nda gwa,
ǹ n uu werewa ǹ aubarika dawagu,
2lɛ anduna gbɛ̃nↄ gↄ̃ n zɛ́ dↄ̃,
bori píngi dↄ̃ lán nɛɛ̀ gbɛ̃ mì sí nà.
3Wà n táaki lɛ́ Luda,
baade píngi n táaki lɛ́.
4Boriinↄ pↄnnaa kɛ à guda kɛ,
zaakɛ nɛɛ̀ yãkpaɛ kɛ kↄ̃n gbɛ̃nↄ a zɛ́a,
nɛɛ̀ dↄ anduna boriinↄnɛ aɛ.
5Wà n táaki lɛ́ Luda,
baade píngi n táaki lɛ́,
6gbasa tↄↄtɛ blɛɛ kɛ,
Luda wa Luda é aubarika dawagu.
7Luda é aubarika dawagu,
anduna lɛzɛkideenↄ é vĩa kɛnɛ ń pingi.
Currently Selected:
SAAMUNƆ 67: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
