SAAMUNƆ 63
63
Luda nidɛna
Lɛ̀ kɛ̀ Dauda dà gurↄↄ kɛ̀ à kú Yuda gbáan.
1Luda, ḿbe ma Luda ũ,
mɛ́ɛ n wɛ́ɛ wɛtɛɛ,
ma ninii yenzi, mɛ́ɛgↄ̃ lugaanzi
lán tↄↄtɛ kori kɛ̀ ye ízi bà.
2Ma n e n kúkiin,
ma wɛ́ɛ sì n gbãa kↄ̃n n gakuiolɛ.
3Zaakɛ n gbɛ̃kɛɛ maamɛ dɛ wɛ̃̀ndila,
n sáabukpana égↄ̃ kú ma lɛ́n.
4Mɛ́gↄ̃ n tↄ́ kpaa ai ma wɛ̃̀ndi lɛ́n,
mɛ́ ↄ sɛ́ musu mà n sísi.
5Ma nↄ̀sɛ é kã lán wè pↄ́ maaa ble wà kã nà,
n táakilɛna égↄ̃ kú ma lɛ́n kↄ̃n gudakɛnao.
6N yã è dↄmagu ma daɛkiia,
mɛɛ̀ laasuu lɛ́nzi gwãavĩ.
7Ma sↄtↄna n ↄru, mɛ́ɛ lɛ̀ sii,
zaakɛ ḿbe ma dↄnlɛri ũ.
8Ma ninii namma,
ń ma kũna n ↄplaan.
9Gbɛ̃ kɛ̀ aↄ̃ↄe ma wɛɛnↄ é kaatɛ,
aↄ̃é gɛ̃ tↄↄtɛn.
10Luda é tó wà ń dɛdɛ kↄ̃n fɛ̃ɛdaao,
aↄ̃é gↄ̃ gbɛ̃ngboonↄ pↄ́blee ũ.
11Kína sↄ̃ é pↄnnaa kɛ kↄ̃n Ludao.
Gbɛ̃ kɛ̀ aↄ̃è be wà sì kↄ̃n Ludaonↄ é à sáabu kpá,
ɛgɛdeenↄ sↄ̃ lɛ́ égↄ̃ nakↄ̃ana.
Currently Selected:
SAAMUNƆ 63: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
