SAAMUNƆ 51
51
Yãnza wɛ́ɛkɛna Ludaa
Lɛ̀ kɛ̀ Dauda dà gurↄↄ kɛ̀ annabi Natã gàa à kiia à zinakɛna kↄ̃n Basɛbao gbɛra
1Luda, ǹ ma wɛ̃nda gwa n yenzi guu,
ǹ ma taarinↄ gogo n maa bíta yãnzi.
2Ǹ ma yã zaaa kɛ̃ma mà gↄ̃ wásawasa,
ǹ ma durun kɛ̃mɛ míↄmiↄ.
3Má a taarinↄ dↄ̃ sa,
ma durun ègↄ̃ sãamaguro.
4Ḿbe ma durun kɛ̀nnɛ,
ma yã kɛ̀ ń yeziroo kɛ̀.
Tó n yã ò, n yã égↄ̃ zɛ́ vĩ,
tó n yãkpaɛ kɛ̀mao, n yã égↄ̃ nna.
5Zaa ma da nↄ̀sɛn má zaa,
má durun vĩ zaa ma igurↄmɛ.
6Nↄ̀sɛ maaa bé è kánnɛ,
ǹ ↄ̃ndↄ̃ↄ damɛ ma swɛ̃̀ guu.
7Ǹ ma zú o kↄ̃n saboo lɛ mà zɛ̃ wásawasa,
ǹ ma nↄ̀sɛ pípimɛ lɛ mà gↄ̃ pú fénfen.
8Ǹ tó mà pↄnnaa kɛ kↄ̃n yáadↄnao,
ǹ tó ma wá kɛ̀ ń bùsanↄ were.
9Ǹton ma durunnↄ yã daro,
ǹ ma yã zaaanↄ bↄ ǹ zĩnna píngi.
10Luda, ǹ nↄ̀sɛpuraa damɛ,
ǹ ɛara ǹ tó ma làakari gↄ̃ kpaɛna.
11Ǹton ma zĩnnaro,
ǹton n Ninii símaro.
12Ǹ ɛara ǹ tó ma pↄↄ kɛ nna
kɛ̀ n ma mì sì yãnzi.
Ǹ ma ninii gbaa màgↄ̃ n yã maa
13mɛ́ gbasa mà n yã dada zaakɛrinↄnɛ,
durunkɛrinↄ é ɛara wà aɛ dↄmma.
14Ǹ ma bↄ gbɛ̃dɛna yãn,
Luda, Luda ma mìsiri,
mɛ́ lɛ̀ sí n yãkɛna a zɛ́a musu.
15Dii, ǹ ma gba lɛ́
mà n sáabu kpá.
16Sa'ona è kɛnnɛ nnaro,
tó lɛnlo lɛ má ò.
Sa'opↄ kɛ̀ wè ká tɛ́n à tɛ́ kũ è kánnɛro.
17Saa kɛ̀ mɛ́ɛ oommaan ma nↄ̀sɛyĩi ũ,
nɛɛ̀ kya ká wɛ̃ndade sùudeenlo.
18Luda, ǹ aubarika da Zayↄn
n pↄyezi maaa guu,
ǹ Yerusalɛmu bĩi gba gbãaa,
19sa'ona a zɛ́a é gbasa à kánnɛ
kↄ̃n sa'opↄ kɛ̀ wè ká tɛ́n à tɛ́ kũo,
weé saa o kↄ̃n zùswareenↄ n gbãgbãkiia.
Currently Selected:
SAAMUNƆ 51: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
