SAAMUNƆ 4
4
Uusiɛ aduakɛna
Dauda lɛ̀. Wè sí kↄ̃n mↄrↄlɛnaomɛ.
1Tó ma n sisi, ǹ wemala Luda ma zɛnyode,
tó má kú nawɛ̃a guu, ǹ ma gba mɛ̀porokii,
ǹ ma wɛ̃nda gwa ǹ ma aduakɛna sí.
2Gbɛ̃nↄ, é gí àgↄ̃ wí daa ma Luda Gakuidea ai bↄrɛmɛ?
Égↄ̃ ye pↄ́ pãanↄzi àgↄ̃ tɛ́ tãanↄzin yↄ́?
3Àgↄ̃ dↄ̃ kɛ̀ Dii a gbɛ̃nↄ dìɛ ńdona,
tó ma à sìsi, eé ma yã ma.
4Tó a pↄ fɛ̃̀, àton durun kɛro,
à laasuu lɛ́ a daɛbↄ musu à yĩtɛ.
5À saa kɛ̀ dɛ à oo o,
à Dii náanɛ kɛ.
6Gbɛ̃ paridee è be: Dé bé eé yã maaa kɛwee?
Ǹ uu werewa, Dii, ǹ aubarika dawagu.
7Baa tó pↄ́wɛɛ kↄ̃n wɛ̃ɛo dińzi,
pↄnnaa kɛ̀ ń dàmɛ ma swɛ̃̀n dɛ ń pↄ́la.
8Mɛɛ̀ daɛ mà ii o nnanna,
zaakɛ Dii, ḿbe nɛɛ̀ tó màgↄ̃ kú ma làakaria.
Currently Selected:
SAAMUNƆ 4: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
