SAAMUNƆ 24
24
Dii gɛ̃na a kpɛ́ guu
Dauda lɛ̀.
1Tↄↄtɛ kↄ̃n pↄ́ kɛ̀ kúnnↄ píngi nɛ́ Dii pↄ́mɛ,
anduna kↄ̃n gbɛ̃ kɛ̀ aↄ̃ↄ kúnnↄ ń píngi.
2À tↄↄtɛ kãsãa pɛ̀ɛ ísiaan,
à anduna kàɛ kↄ̃n swaanↄo.
3Dé bé à zɛ́ vĩ à didi Dii kpiii musuu?
Dé bé eé fↄ̃ à gɛ̃ à ua?
4Gbɛ̃ kɛ̀ taari vĩro bensↄ̃ à nↄ̀sɛ puraa,
gbɛ̃ kɛ̀ a làakari è tá tãanↄ kparo
bensↄ̃ è yã sí kↄ̃n tãa tↄ́oroo.
5Dii é aubarika da adeen,
Luda à mìsiri é tó yã bↄo nna.
6Lɛn à dɛ lɛ kↄ̃n à kii wɛ̀tɛrinↄ,
Yakubu boriinↄ Luda wɛ́ɛ wɛ̀tɛrinↄ.
7À bĩilɛnↄ wɛ̃wɛ̃,
à gbà ziinↄ wɛ̃wɛ̃,
à tó Kína gakuidee gɛ̃.
8Dén Kína gakuidee pì ũ sↄ̃ↄ?
Dii gbãabitademɛ,
àmbe Dii zĩ̀kari gbãadee pì ũ.
9À bĩilɛnↄ wɛ̃wɛ̃,
à gbà ziinↄ wɛ̃wɛ̃,
à tó Kína gakuidee gɛ̃.
10Dén Kína gakuidee pì ũ sↄ̃ↄ?
Dii Zĩ̀kpɛden Kína gakuidee pì ũ.
Currently Selected:
SAAMUNƆ 24: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
