SAAMUNƆ 21
21
Zĩ̀blena sáabu
Dauda lɛ̀.
1Dii, kína e pↄnnaa kɛɛ kↄ̃n n gbãaao,
à pↄↄ nna maamaa kɛ̀ ń tò à zĩ̀ blè.
2N pↄ́ kɛ̀ à pↄↄ yezi kpàa,
nɛ́ɛ gí à wɛ́ɛkɛna síziro.
3N daàlɛ kↄ̃n aubarika bítao,
n vura fùra kùnɛ.
4À wɛ̃̀ndi gbèkamma, ben ń kpàa,
ń tò àgↄ̃ kuu ai gurↄ píngi.
5À gakui bíta kɛ̀ ń tò à zĩ̀ blè,
n bɛ̀ɛ kↄ̃n bítakɛɛo kpàa.
6Nɛɛ̀gↄ̃ aubarika daan gurↄ píngi,
n kuuna bé à tò à pↄↄ kɛ̀ nna.
7Zaakɛ kína náanɛ dↄ̀ Diia,
Luda Musude gbɛ̃kɛ yãnzi eé nigãro.
8N ↄↄ é n ibɛɛnↄ kũ ń píngi,
nɛ́ n zangurinↄ kũ kↄ̃n n ↄplaao.
9Nɛ́ ń kɛ mↄ̀datɛ yàka ũ n mↄ́gurↄ,
Dii é ń kaatɛ a pↄfɛ̃gurↄ, eé tó tɛ́ ń ble.
10Nɛ́ ń nɛ́nↄ mì dɛ anduna guu,
nɛ́ ń boriinↄ kɛ̃ gbɛ̃nteenↄa.
11Baa tó aↄ̃ lɛ́ kpàkↄ̃sↄ̃nzi,
aↄ̃ pↄyeziyã é zĩi kɛro.
12Nɛ́ kà dↄdↄ ń wɛ́ɛa,
nɛ́ tó aↄ̃ kpɛɛ li.
13N gbãakɛɛ guu, Dii, ǹ n zĩnda sɛ́ lezĩ,
wé lɛ̀ sí wà n bítakɛɛ sáabu kpá.
Currently Selected:
SAAMUNƆ 21: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
