SAAMUNƆ 139
139
Dii yã sãnda píngi dↄ̃
Dauda lɛ̀.
1Dii, n ma yã gwàgwa ń dↄ̃̀,
2ń ma vɛ̃ɛna kↄ̃n ma fɛɛnao dↄ̃,
zaa zã̀azã ń ma laasuunↄ dↄ̃.
3Nɛɛ̀ ma táa'ona kↄ̃n ma daɛnao tàasi kɛ,
n kↄ̃ dↄ̃̀ kↄ̃n ma yãnↄ píngi.
4Lɛ yã kpɛ́ à bↄ ma lɛ́n,
Dii, ń dↄ̃ sãnsãn.
5Ń ligamazi kpɛɛ kↄ̃n aɛo,
n ↄↄ kúmala.
6Dↄ̃na beee dɛmɛ dabuyã ũmɛ,
à dɛmala, ma ↄ̃ndↄ̃ↄ e káaro.
7Mán mɛ́ gán mà kɛ̃ n Niniia?
Mán mɛ́ bàa sí mà gán mà koranzii?
8Tó ma fɛɛ ma gaa musu, ń kú gwe!
Tó ma daɛkii kɛ̀ gɛ̀wãan, ńyɛ gwa!
9Tó ma fɛɛ ma gaa ↄfãntɛ̃bↄɛ kpa,
tó ma gaa vɛ̃ɛ ísia baa ↄfãntɛ̃gɛ̃kpɛn kpa,
10baa gwemɛ má na n ↄzĩ,
nɛ́gↄ̃ ma kũna n ↄplaao.
11Tó ma bè gusiaa damala,
ke gupuraa kɛ̀ ligamazii li gwãavĩ ũ,
12guu ègↄ̃ siannɛro,
gwãavĩ ègↄ̃ dɛnnɛ lán fãantɛ̃ bàmɛ,
gupura kↄ̃n gusiaao ègↄ̃ sɛ̃nkpɛnnɛmɛ.
13Ḿbe n ma guu kɛ̀,
n ma í kàsa ma da gbɛɛɛn.
14Ma sáabu kɛ̀ kɛ̀nnɛ ma kɛna naasi vĩ
bensↄ̃ à yãbↄnsaɛ vĩ.
N yãkɛnanↄ è bↄ ń saɛ,
má dↄ̃ sãnsãn ma nↄ̀sɛn.
15Gurↄↄ kɛ̀ n ma í kàsa nɛ́'isↄ guu,
ma wá kee utɛnannɛro.
Kɛ̀ ma mɛ̀ e lii asii guu gwe,
16n wɛ́ɛ sì ma nɛ́gberelɛ.
Lán n ma gurↄↄ dìɛ nà píngi,
à lɛ́ kú n takadan
zaalɛ à kee e naaro.
17Luda, n laasuu bɛ̀ɛ vĩmɛ maamaa,
à lɛ́ vĩro fá!
18Tó má yezi mà naro,
aↄ̃ↄ pari dɛ bùsu'ãatɛ̃la.
tó ma vu,
mɛɛ̀gↄ̃ kúnyo ai tia.
19Luda, tó nɛ́ gbɛ̃ zaaanↄ dɛdɛ dé?
À gumala a gbɛ̃dɛrinↄ!
20N ibɛɛnↄ è n yã o kↄ̃n nↄ̀sɛ zaaao,
n tↄ́ bɛ̀ɛ vĩ n lɛ́nlo.
21Dii, mɛɛ̀ za gbɛ̃ kɛ̀ aↄ̃ zanguunↄnloo?
Mɛɛ̀ gí gbɛ̃ kɛ̀ aↄ̃ fɛ̀ɛnzinↄ kãzi.
22Má yãke vĩńnɛro, se zangu,
mɛɛ̀ ń diɛ ma ibɛɛnↄ ũmɛ.
23Luda, ǹ ma gwagwa ǹ ma nↄ̀sɛ dↄ̃,
ǹ ma yↄ̃ ǹ ma gwa ǹ ma laasuu dↄ̃.
24Ǹ gwa tó má laasuu zaa ke vĩ,
ǹ ma da zɛ́ kɛ̀ ègↄ̃ kuu gurↄ píngia guu.
Currently Selected:
SAAMUNƆ 139: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
