SAAMUNƆ 125
125
Luda gbɛ̃nↄ kuuna aafia
Gana Yerusalɛmu lɛ̀.
1Dii náanɛkɛrinↄↄ dɛ lán Zayↄn kpiii bà,
à degena vĩroo, ègↄ̃ kuu gurↄ píngi.
2Lán kpiiinↄↄ ligana Yerusalɛmuzi nà,
lɛn Dii ligana a gbɛ̃nↄzi lɛ
zaa tia ai gurↄ píngi.
3Gbɛ̃ zaaanↄ é e wàgↄ̃ kí blee
gbɛ̃ maaanↄ bùsun wàgↄ̃ gaaro,
lɛ gbɛ̃ maaanↄ tón ↄ da zaakɛnanlo yãnzi.
4Dii, ǹ à maaa kɛ gbɛ̃ maaanↄnɛ,
gbɛ̃ kɛ̀ aↄ̃ nↄ̀sɛ puraanↄ.
5Gbɛ̃ kɛ̀ aↄ̃ zɛ́ kotina sɛ̀nↄ sↄ̃,
Dii é ń wara kↄ̃n zaakɛrinↄmɛ.
Luda Isarailinↄ gba aafia!
Currently Selected:
SAAMUNƆ 125: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
