SAAMUNƆ 101
101
Kína lɛ́gbɛ̃na Ludanɛ
Dauda lɛ̀.
1Mɛ́ lɛ̀ da n gbɛ̃kɛ kↄ̃n yãzɛdeeo musu,
mɛ́ lɛ̀ sínnɛ, Dii.
2Mɛ́ làakari kɛ màgↄ̃ kuu taari sai,
bↄrɛn nɛ́ mↄ́mazii?
Mɛ́gↄ̃ kú ma ua kↄ̃n nↄ̀sɛpuraao,
3Ma wɛ́ɛ égↄ̃ kú pↄ́ ginaaro,
mɛ́ za yãdↄrↄsaikɛnan, eé namaro.
4Ma nↄ̀sɛ égↄ̃ mↄnafiki vĩro,
ma bà égↄ̃ kú kↄ̃n yã zaaaoro.
5Mɛ́ gbɛ̃ kɛ̀ è a gbɛ̃daaa yaka à kpɛɛ kaatɛ,
mɛ́ sùu fↄ̃ kↄ̃n wadadeenↄ kↄ̃n ĩadãrinↄoro.
6Ma wɛ́ɛ égↄ̃ kú ma bùsu náanɛdeenↄa,
lɛ aↄ̃gↄ̃ kúmao,
gbɛ̃ kɛ̀ ègↄ̃ kú taari sai égↄ̃ dɛ ma zĩkɛri ũ.
7Mɛ́ we gbɛ̃sãsãri gↄ̃ kú ma bɛro,
mɛ́ tó mↄnafikidee zɛ ma aɛro.
8Mɛ́gↄ̃ ma bùsu gbɛ̃ zaaanↄ kaatɛ lán guu e dↄↄ nà,
mɛ́gↄ̃ zaakɛrinↄ borii bↄↄ Dii wɛ́tɛ guu.
Currently Selected:
SAAMUNƆ 101: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
