AYUBA 14
14
Ayuba yã'ona Ludanɛ
1Gbɛ̃ntee è bↄ nↄgbɛ̃ kiiamɛ,
à wɛ̃̀ndi kusu, ègↄ̃ kuu yãkete sairo.
2È pia lán lávu bà è kori kũ,
è gɛ̃tɛ lán ↄra bà è gì kɛro.
3Gbɛ̃ beee takan nɛ́ wɛ́ɛ dↄnɛ
ǹ yãkpaɛ kɛoↄ́?
4Pↄ́ gbãsĩ é fↄ̃ à pↄ́ gbãsĩsai iↄ́?
Eé sí kɛro.
5N gbɛ̃ntee gurↄↄ dìɛnɛ,
à mↄ lɛ́ kú n ↄzĩ,
n à wɛ̃̀ lɛ́ dànɛ, eé fↄ̃ à vĩàlaro.
6Ǹ wɛ́ɛ goa ǹ à tó gwe
ai à gurↄ lɛ́ papa lán ayazĩkɛri bà.
7Lí ègↄ̃ tãmaa vĩmɛ,
zaakɛ tó wà zↄ̃̀, è ɛara à pìto pá,
bensↄ̃ à pìto dufu pì è furo.
8Baa tó à kãsãa zi kũ̀ tↄↄtɛ guu,
bensↄ̃ à kusu gà bùsun,
9tó à í gũu mà, eé pìto pá,
eé gã̀ bↄ lán lí kɛ̀ wà pɛ̀ bà.
10Tó gbɛ̃ gà sↄ̃, ègↄ̃ daɛna sↄ̀rↄrↄ,
è tá ègↄ̃ kuu dↄro.
11Lán sɛ̀bɛ'i è lago nà,
bensↄ̃ swa'i è baba à yãa,
12lɛn gbɛ̃ntee è daɛ lɛ è fɛɛ dↄro,
ai ludambɛɛ gá gɛ̃tɛo, eé vuro,
eé vu kↄ̃n ii pìoro.
13Tó nɛ́ ma utɛ gɛ̀wãan
ǹ ↄ kúma ai n pↄↄ wèrema dé!
Tó nɛ́ gurↄ lɛ́ diɛmɛ gwe
gbasa ǹ dↄ ma yãn dé!
14Tó gbɛ̃ gà, eé ɛara àgↄ̃ kuuↄ́?
Tó lɛmɛ, mɛ́gↄ̃ wɛ́ɛ dↄↄ ma vunazi
ma ↄsikana guu gurↄ píngi.
15Nɛ́ lɛ́ zumazi mɛ́ wenla,
nɛ́ mamↄma kɛ̀ má dɛ n ↄzĩi ũu bɛgɛɛ kɛ.
16Gurↄↄ beeea n wɛ́ɛ égↄ̃ tɛ́ ma yãkɛnanↄzi,
mↄde nɛ́ ma durun yã da dↄro.
17Nɛ́ ma taarinↄ ká bↄ̀kↄn ǹ yi ǹ diɛ,
nɛ́ lá kú ma zaakɛna pìnↄla.
18Lán kpiii è gboro à fãakↄ̃a nà,
bensↄ̃ sĩ̀sĩ musu gbɛ̀ gbɛ̃̀ntɛ̃ è sↄ̃ki kpá,
19lán swa'i è gbɛ̀ lↄ́lↄ nà,
bensↄ̃ í è bùsu sɛ́ɛ à táo,
lɛn nɛɛ̀ gbɛ̃ntee tãmaa nɛnɛ lɛ.
20Nɛɛ̀ gbãaa mↄ́nɛ à tá, è su dↄro,
nɛɛ̀ tó à uu liɛ à anduna tó.
21Tó à nɛ́nↄ gↄ̃̀ gbɛ̃ bɛ̀ɛdeenↄ ũ, eé dↄ̃ro,
tó aↄ̃ kɛ̀ gbɛ̃ fétenↄ ũmɛ sↄ̃, eé ero.
22Wãwãan eégↄ̃ maa ado,
à zĩnda pↄsiaan ègↄ̃ kɛɛ.
Currently Selected:
AYUBA 14: BBB
Highlight
Copy
Compare
Share
Want to have your highlights saved across all your devices? Sign up or sign in
Bokobaru Bible with New Testament and OT Portions © Sim International, 2005.
