NARONAA 24
24
1Kũ Balamu è sa mana ona Isarailanɔnɛ kà Dikirigu, adi gɛ́ màso kɛ lán yã bà doro, akũ à arɛ dɔ̀ gbárannaa. 2Kũ à wɛ́ zù, akũ à Isarailanɔ è katɛna ń buria. Luda Nini kìpaa, 3akũ à yã kũ à èe ò à pì:
Bɛɔ nɛ́ Balamu yãn dí,
makũ kũ ma wɛ́ kɛ̃na yãn dí.
4Makũ kũ madì Luda yã ma yãn dí.
Ma Gbãnasĩndapinkide wɛ́gupu è,
ma wutɛ nɛ̀sɛlɛ kutɛna, ma wɛ́ wɛ̃na.
5Yakubu burinɔ bùrakatɛna mana fá!
Isaraila bizakutanɔn mana!
6Ò katɛna lán guvutɛ dàkonɔ bà,
lán swa dɔ̀rɔ kara búnɔ bà.
Ò de lán zà lí kũ Dikiri bànɔ bà,
lán sida lí kũ ò kú í sarɛnɔ bà.
7Í ni ń orozãnɔ pa yɛ́rɛrɛ,
ń pɔ́tɔ̃nanɔ ni í le manamana.
Ń kína gbãna nigɔ̃ de Agaga pɔ́la,
ń kpata ni tɔ́ bo.
8Luda ń bɔ́tɛ Misila,
ò gbãna vĩ lán zùsɛ̃ntɛ bà.
Òdi zĩ̀ ble buri kũ ò ibɛrɛɛ kpà kũńwonɔa,
òdi ń wánɔ wíwi òdi ń pápa kũ kàao.
9Òdi sɔ̃pɛtɛ ò wútɛ lán músuu bà,
dí mɛ́ ani fɔ̃ à ń futɛɛ?
Luda arubarika da gbɛ̃ kũ oni sa mana ońnɛnɔgu,
à gbɛ̃ kũ oni sa vãni ońnɛnɔ ká.
10Balaki pɔ fɛ̃̀ Balamui à ɔnɛ dɔ̀a à pì: Ma ibɛrɛnɔ kana yãin ma n sisi, akũ n sa mana òńnɛ gɛ̃̀n aakɔ̃ yá? 11Ǹ tá n bɛa gɔ̃̀nɔ. Ma pì mani gba kɛnnɛmɛ yã, akũsɔ̃ Dikiri gìnnɛ ǹ láada le. 12Balamu pìnɛ: Mádi o gbɛ̃ kũ n ń zĩmanɔnɛroo! 13Ma pì bee tó n ma gba n bɛ kũ à pana kũ andurufuuo kũ wuraao, mani bo Dikiri yã kpɛ mà yã kɛ kũ ma zĩda pɔyeinaaoro, a mana ke a vãni. Yã kũ Dikiri pì mà on mani o. 14Matɛn tá ma gbɛ̃nɔ kĩnaa sà. Ǹ mɔ́ mà onnɛ lákũ gbɛ̃ pìnɔ ni kɛ n gbɛ̃nɔnɛ nà zia.
Balamu yã siikɔ̃de kũ à è onaa
15Akũ Balamu yã kũ à èe ò à pì:
Bɛɔ nɛ́ Balamu yãn dí,
makũ kũ ma wɛ́ kɛ̃na yãn dí.
16Makũ kũ madì Luda yã ma yãn dí.
Má Luda Musude nɛ̀sɛgũnyã dɔ̃.
Ma Gbãnasĩndapinkide wɛ́gupu è,
ma wutɛ nɛ̀sɛlɛ kutɛna, ma wɛ́ wɛ̃na.
17Matɛn Isarailanɔ e, adi kɛ teranlo,
matɛni ń gwa, a gɔrɔ dí ká gĩaro.
Susunɛ ni bo Yakubu burinɔ tɛ́,
kpatableri ni bo Isarailanɔ tɛ́,
ani Mɔabunɔ mì wíwi,
ani zukakari pìnɔ mìtoko fɔ̃fɔ̃.
18Ɛdɔmu bùsu ni gɔ̃ a pɔ́ ũ,
a ibɛrɛ Sei bùsu ni gɔ̃ a pɔ́ ũ,
Isarailanɔ gbãna nigɔ̃ karamɛ.
19Yakubu buri ke ni kí bleḿma,
ani gbɛ̃ kpara kũ ò gɔ̃̀nɔ kakatɛ.
20Balamu Amalɛki burinɔ è, akũ à yã kũ à èe ò à pì:
Amalɛki burinɔ bi burinɔ mìdemɛ,
ama oni kakatɛ zã.
21Kũ Balamu Keninɔ è, akũ à yã kũ à èe ò à pì:
Á kúki gbãna gíngin,
á sà kú gbɛ̀ musu.
22Bee kũ abireo oni á kakatɛmɛ,
Asirianɔ ni á kũkũ zĩ̀zɔnɔ ũ.
23Balamu yã kũ à èe ò dɔ à pì:
O'o, tó Luda kɛ̀ lɛ, dí mɛ́ ani boo?
24Gó'itɛnɔ ni bo Sipiru bùsun,
oni zĩ̀ ble Asirianɔ kũ Eberunɔa,
ama mɔ́kɔ̃nɔ ni kakatɛmɛ se.
25Balamu fùtɛ à tà a bɛa, akũ Balaki dà zɛ́n se.
Currently Selected:
NARONAA 24: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
NARONAA 24
24
1Kũ Balamu è sa mana ona Isarailanɔnɛ kà Dikirigu, adi gɛ́ màso kɛ lán yã bà doro, akũ à arɛ dɔ̀ gbárannaa. 2Kũ à wɛ́ zù, akũ à Isarailanɔ è katɛna ń buria. Luda Nini kìpaa, 3akũ à yã kũ à èe ò à pì:
Bɛɔ nɛ́ Balamu yãn dí,
makũ kũ ma wɛ́ kɛ̃na yãn dí.
4Makũ kũ madì Luda yã ma yãn dí.
Ma Gbãnasĩndapinkide wɛ́gupu è,
ma wutɛ nɛ̀sɛlɛ kutɛna, ma wɛ́ wɛ̃na.
5Yakubu burinɔ bùrakatɛna mana fá!
Isaraila bizakutanɔn mana!
6Ò katɛna lán guvutɛ dàkonɔ bà,
lán swa dɔ̀rɔ kara búnɔ bà.
Ò de lán zà lí kũ Dikiri bànɔ bà,
lán sida lí kũ ò kú í sarɛnɔ bà.
7Í ni ń orozãnɔ pa yɛ́rɛrɛ,
ń pɔ́tɔ̃nanɔ ni í le manamana.
Ń kína gbãna nigɔ̃ de Agaga pɔ́la,
ń kpata ni tɔ́ bo.
8Luda ń bɔ́tɛ Misila,
ò gbãna vĩ lán zùsɛ̃ntɛ bà.
Òdi zĩ̀ ble buri kũ ò ibɛrɛɛ kpà kũńwonɔa,
òdi ń wánɔ wíwi òdi ń pápa kũ kàao.
9Òdi sɔ̃pɛtɛ ò wútɛ lán músuu bà,
dí mɛ́ ani fɔ̃ à ń futɛɛ?
Luda arubarika da gbɛ̃ kũ oni sa mana ońnɛnɔgu,
à gbɛ̃ kũ oni sa vãni ońnɛnɔ ká.
10Balaki pɔ fɛ̃̀ Balamui à ɔnɛ dɔ̀a à pì: Ma ibɛrɛnɔ kana yãin ma n sisi, akũ n sa mana òńnɛ gɛ̃̀n aakɔ̃ yá? 11Ǹ tá n bɛa gɔ̃̀nɔ. Ma pì mani gba kɛnnɛmɛ yã, akũsɔ̃ Dikiri gìnnɛ ǹ láada le. 12Balamu pìnɛ: Mádi o gbɛ̃ kũ n ń zĩmanɔnɛroo! 13Ma pì bee tó n ma gba n bɛ kũ à pana kũ andurufuuo kũ wuraao, mani bo Dikiri yã kpɛ mà yã kɛ kũ ma zĩda pɔyeinaaoro, a mana ke a vãni. Yã kũ Dikiri pì mà on mani o. 14Matɛn tá ma gbɛ̃nɔ kĩnaa sà. Ǹ mɔ́ mà onnɛ lákũ gbɛ̃ pìnɔ ni kɛ n gbɛ̃nɔnɛ nà zia.
Balamu yã siikɔ̃de kũ à è onaa
15Akũ Balamu yã kũ à èe ò à pì:
Bɛɔ nɛ́ Balamu yãn dí,
makũ kũ ma wɛ́ kɛ̃na yãn dí.
16Makũ kũ madì Luda yã ma yãn dí.
Má Luda Musude nɛ̀sɛgũnyã dɔ̃.
Ma Gbãnasĩndapinkide wɛ́gupu è,
ma wutɛ nɛ̀sɛlɛ kutɛna, ma wɛ́ wɛ̃na.
17Matɛn Isarailanɔ e, adi kɛ teranlo,
matɛni ń gwa, a gɔrɔ dí ká gĩaro.
Susunɛ ni bo Yakubu burinɔ tɛ́,
kpatableri ni bo Isarailanɔ tɛ́,
ani Mɔabunɔ mì wíwi,
ani zukakari pìnɔ mìtoko fɔ̃fɔ̃.
18Ɛdɔmu bùsu ni gɔ̃ a pɔ́ ũ,
a ibɛrɛ Sei bùsu ni gɔ̃ a pɔ́ ũ,
Isarailanɔ gbãna nigɔ̃ karamɛ.
19Yakubu buri ke ni kí bleḿma,
ani gbɛ̃ kpara kũ ò gɔ̃̀nɔ kakatɛ.
20Balamu Amalɛki burinɔ è, akũ à yã kũ à èe ò à pì:
Amalɛki burinɔ bi burinɔ mìdemɛ,
ama oni kakatɛ zã.
21Kũ Balamu Keninɔ è, akũ à yã kũ à èe ò à pì:
Á kúki gbãna gíngin,
á sà kú gbɛ̀ musu.
22Bee kũ abireo oni á kakatɛmɛ,
Asirianɔ ni á kũkũ zĩ̀zɔnɔ ũ.
23Balamu yã kũ à èe ò dɔ à pì:
O'o, tó Luda kɛ̀ lɛ, dí mɛ́ ani boo?
24Gó'itɛnɔ ni bo Sipiru bùsun,
oni zĩ̀ ble Asirianɔ kũ Eberunɔa,
ama mɔ́kɔ̃nɔ ni kakatɛmɛ se.
25Balamu fùtɛ à tà a bɛa, akũ Balaki dà zɛ́n se.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.