NARONAA 23

Balamu yã káaku kũ à è onaa

1Balamu pì Balakinɛ: Ǹ gbagbaki bomɛnɛ la mɛ̀n suppla, ǹ sumɛnɛ kũ zùsanɔ mɛ̀n suppla kũ sãkaronɔ mɛ̀n suppla. 2Balaki kɛ̀ lákũ Balamu ònɛ nà, akũ ò sa ò kũ zùsaao kũ sãkarooo gbagbaki pìnɔa pínki. 3Akũ Balamu pìnɛ: Ǹ zɛ n sa'opɔi. Mani gɛ́ mà gwa tó Dikiri ni su yã omɛnɛ, mani yã kũ ani omɛnɛ onnɛ. Akũ à gɛ̀ɛ à zɛ̀ gulei gbáagbaaa. 4Luda sù à a lè, akũ Balamu pìnɛ: Ma gbagbaki bò mɛ̀n suppla, akũ ma sa òḿma pínki kũ zùsaao kũ sãkarooo. 5Dikiri yã dànɛ a lɛ́n, akũ à pì: Ǹ ɛra ǹ gɛ́ ǹ Balaki le ǹ onɛ lákũ ma dànnɛ nà. 6Akũ à ɛ̀ra à gɛ̀ɛ à a lè zɛna a sa'opɔi kũ Mɔabu kínanɛnɔ ń pínki, 7akũ à yã kũ à èe ò à pì:

Mɔabunɔ kína Balaki ma sisi Siria bùsun,

akũ ma bo ifãboki kpa kpinɔ kĩnaa ma su.

À pì mà boarɛ Isarailanɔ kpɛ,

mà su mà sa vãni oarɛ Yakubu buri pìnɔnɛ.

8Mani kɛ dera mà gbɛ̃ kũ Luda dí ń káronɔ káa?

Mani kɛ dera mà bo gbɛ̃ kũ Dikiri dí bo ń kpɛronɔ kpɛɛ?

9Zaa kpi mìsɔ̃ntɛa matɛni ń e,

zaa gu lei musu matɛn wɛ́ sińlɛ.

Gbɛ̃ pìnɔn kú ńdona,

ò ń zĩda dìtɛ ńdona kũ buri pãndenɔ.

10Yakubu burinɔn dasi lán bùsu'atɛ̃ bà,

oni fɔ̃ ò Isarailanɔ naro ò ń lɛ́ dɔ̃ro.

Luda tó ma ga gɔ̃ de lán a gbɛ̃nɔ pɔ́ bà,

ma lakana gɔ̃ de lán ń pɔ́ bà.

11Akũ Balaki pìnɛ: N kɛ̀mɛnɛ deran gwee? Ma su kũnwo de ǹ ma ibɛrɛnɔ kámɛnɛ, akũ sa manan n òńnɛ yá? 12À wèa à pì: Yã kũ Dikiri dàmɛnɛ ma lɛ́nn mani oroo?

Balamu yã plade kũ à è onaa

13Balaki pìnɛ: Ǹ mɔ́ ò gɛ́ gu pãndea, gu kũ ĩni ń en. Ǹ ń kámɛnɛ gwe, zaakũ ń kpadomɛ ĩni e, ĩni ń e ń pínkiro. 14Akũ à gɛ̀ɛ kãao gudãkpãrinɔ buran Pisiga kpi mìsɔ̃ntɛa. À gbagbaki bò gwe mɛ̀n suppla, akũ à sa òḿma pínki kũ zùsaao kũ sãkarooo. 15Akũ Balamu pìnɛ: Ǹ zɛ n sa'opɔi la, mani gɛ́ mà a le gwe. 16Akũ Dikiri sù à yã dànɛ a lɛ́n, akũ à pìnɛ: Ǹ ɛra ǹ gɛ́ ǹ Balaki le ǹ onɛ lákũ ma dànnɛ nà. 17Akũ à ɛ̀ra à gɛ̀ɛ à a lè zɛna a sa'opɔi kũ Mɔabu kínanɛnɔo. Balaki a là à pì: Dikiri pì deramɛɛ? 18Akũ à yã kũ à èe ò à pì:

Zipo nɛ́ Balaki,

ǹ sã kpá ǹ ma yã ma!

19Luda bi bisãsirinlo kũ à gbasa à ɛ́kɛ to,

àdi nɛ̀sɛ litɛ lán bisãsiri bàro.

Ani gí yã kũ à ò kɛi yá?

Ani gí lɛ́ kũ à gbɛ̃̀ńnɛ papai yá?

20À pìmɛnɛ mà sa mana ońnɛmɛ.

À arubarikaa dàńgu, mani fɔ̃ mà gíro.

21Mádi yã vãni ke e Yakubu burinɔaro,

mádi yã'ũmmana ke e Isarailanɔaro.

Dikiri ń Luda kú kũńwo,

òdi a kíkɛ tɔ́ sɛ́ lei ń tɛ́.

22Luda ń bɔ́tɛ Misila,

ò gbãna vĩ lán zùsɛ̃ntɛ bà.

23Oni fɔ̃ ò pɔ́ da Yakubu burinɔaro,

oni fɔ̃ ò àlesi bɛ̃̀nɛ kpá Isarailanɔnɛro.

Zaa gbãra onigɔ̃ o ń yã musu,

yã kũ Luda kɛ̀n gwe.

24Buri pìi dì futɛ lán músuda bà,

àdi a zĩda bi lán músusaa bà.

Àdi wútɛro ari à gɛ́ pɔ́ kũ à só,

ari à gɛ́ pɔ́ kũ à dɛ̀nɔ aru mi.

25Balaki pìnɛ: Ǹsun ń káro. Ǹsun sa mana ońnɛ sero. 26Balamu pìnɛ: Mádi onnɛ kũ yã kũ Dikiri dàmɛnɛn mani oroo?

Balamu yã aakɔ̃de kũ à è onaa

27Balaki pì Balamunɛ: Ǹ mɔ́ sà, mani gɛ́ kũnwo gu pãnden. Òdigɔ̃ dɔ̃ro tó ani kɛ Ludanɛ ǹ gbɛ̃ pìnɔ kámɛnɛ gwe sà. 28Akũ Balaki gɛ̀ɛ kãao Peo kpi musu kũ à arɛ dɔ gbárannaa. 29Balamu pìnɛ: Ǹ gbagbaki bomɛnɛ la mɛ̀n suppla, ǹ mɔmɛnɛ kũ zùsanɔ mɛ̀n suppla kũ sãkaronɔ mɛ̀n suppla. 30Balaki kɛ̀ lákũ à ònɛ nà à sa òḿma kũ zùsaa pìnɔ kũ sãkaroo pìnɔo.

Currently Selected:

NARONAA 23: BB2005

Highlight

Copy

Compare

Want to have your highlights saved across all your devices? Sign up or sign in

Bisã Bible © SIM International, 2005.

Learn More About Bisã Bible 2005