YƆSUA 3
3
Isarailanɔ bikũna Yodaa
1Yɔsua fùtɛ kɔnkɔkɔnkɔ kũ Isarailanɔ ń pínki. Bona Sitimu ò gɛ̀ɛ Yodai, akũ ò bùraa kàtɛ gwe ari ògɔ̃ gɛ́ bikũ. 2Gɔrɔ aakɔ̃ gbɛra Isaraila gbɛ̃ zɔ̃kɔ̃nɔ kurèkure bùraai 3ò yã dìtɛ gbɛ̃nɔnɛ ò pì: Tó a è Levi buri sa'orinɔ Dikiri á Luda bàka kunna kũoo àkpati sɛna, à da zɛ́n àgɔ̃ tɛ́ ń kpɛ, 4de à le à dɔ̃ zɛ́ kũ áni sɛ́, zaakũ ádi zɛ́ pì sɛ́ zikiro. Àgɔ̃ tɛ́ zã̀zã lán kiloo do taka bà yɔɔ! Àsun na àkpatii pìiiro. 5Akũ Yɔsua pì gbɛ̃nɔnɛ: À gbã̀ bo á zĩdanɛ, zaakũ Dikiri ni yãbonsarɛ kɛ á tɛ́ zia. 6Akũ à ɛ̀ra à pì sa'orinɔnɛ: À Dikiri bàka kunna kũoo àkpati sɛ́ à do gbɛ̃nɔnɛ arɛ à bikũo. Akũ ò àkpatii pìi sɛ̀ ò dòo gbɛ̃nɔnɛ arɛ.
7Dikiri pì Yɔsuanɛ: Mani na n sɛna leia Isarailanɔnɛ gbãra, onigɔ̃ dɔ̃ kũ má kú kũnwo lákũ má kú kũ Musao nà. 8Ǹ o sa'ori kũ ò ma bàka kunna kãáo àkpati sɛnanɔnɛ, tó ò kà Yodai, ò gɛ̃ ò zɛ a ín. 9Akũ Yɔsua pì Isarailanɔnɛ: À mɔ́ la à Dikiri á Luda yã ma. 10Akũ à ɛ̀ra à pì: Lɛn ánigɔ̃ dɔ̃ kũ Luda Wɛ̃̀ndide kú kãáo lɛ, akũsɔ̃ ani pɛ́árɛ Kanaanɔa kũ Itinɔ kũ Ivinɔ kũ Pɛrizinɔ kũ Gigasinɔ kũ Amɔrinɔ kũ Yebusinɔo. 11À gwa! Andunia sĩnda pínki Dikiri bàka kunna kũoo àkpati ni doárɛ arɛ ari Yoda ín. 12À gbɛ̃nɔn kuri awɛɛplanɔ sɛ́ á tɛ́, buri kũ burio gbɛ̃ mɛ̀n dodo. 13Tó sa'ori kũ ò andunia sĩnda pínki Dikiri àkpati sɛnanɔ gbá pɛ̀tɛ Yoda ín, í pì ni zɔ̃kɔ̃rɛ, í kũ àtɛn bo swa musu ni kɛ bĩni ũ à gɔ̃ zɛna a gbɛ̀n.
14Kũ gbɛ̃nɔ bùra fùtɛ ò dà zɛ́n, òtɛn gɛ́ bikũ Yodaa, sa'ori kũ ò Dikiri bàka kunna kũńwo àkpati sɛnanɔ tɛ́ ń arɛ lɛ. 15Burapɔnɔ kɛkɛgɔrɔ sĩnda pínki swa pìi dì pa ari à dà sĩ̀sĩla, ama gɔrɔ kũ àkpatisɛrii pìnɔ kà swa pìii, kũ ò gbá pɛ̀tɛ ín, 16akũ í kũ àtɛn bo swa pìi musu zɔ̃̀kɔ̃rɛ à bĩni kɛ̀ à gɔ̃̀ zɛna a gbɛ̀n zaa zã̀zã wɛ̃tɛ kũ òdi pi Adamu sarɛ Zarɛtã bùsun. Í kũ àtɛn ta sɛ̀bɛ wisiden zɔ̃̀kɔ̃rɛ míɔmiɔ, akũ gbɛ̃nɔ bikũ̀ arɛdɔkɔ̃ana kũ Yɛrikoo. 17Sa'ori kũ ò Dikiri bàka kunna kũńwo àkpati sɛnanɔ gɔ̃̀ zɛna Yoda wɛ̀ɛn zĩtɛ koria gíngin, akũ Isaraila buri sĩnda pínki tɛ́ gukori pìn ari ò gɛ̀ɛ ò bikũ̀ ń pínki ò làka.
Currently Selected:
YƆSUA 3: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
YƆSUA 3
3
Isarailanɔ bikũna Yodaa
1Yɔsua fùtɛ kɔnkɔkɔnkɔ kũ Isarailanɔ ń pínki. Bona Sitimu ò gɛ̀ɛ Yodai, akũ ò bùraa kàtɛ gwe ari ògɔ̃ gɛ́ bikũ. 2Gɔrɔ aakɔ̃ gbɛra Isaraila gbɛ̃ zɔ̃kɔ̃nɔ kurèkure bùraai 3ò yã dìtɛ gbɛ̃nɔnɛ ò pì: Tó a è Levi buri sa'orinɔ Dikiri á Luda bàka kunna kũoo àkpati sɛna, à da zɛ́n àgɔ̃ tɛ́ ń kpɛ, 4de à le à dɔ̃ zɛ́ kũ áni sɛ́, zaakũ ádi zɛ́ pì sɛ́ zikiro. Àgɔ̃ tɛ́ zã̀zã lán kiloo do taka bà yɔɔ! Àsun na àkpatii pìiiro. 5Akũ Yɔsua pì gbɛ̃nɔnɛ: À gbã̀ bo á zĩdanɛ, zaakũ Dikiri ni yãbonsarɛ kɛ á tɛ́ zia. 6Akũ à ɛ̀ra à pì sa'orinɔnɛ: À Dikiri bàka kunna kũoo àkpati sɛ́ à do gbɛ̃nɔnɛ arɛ à bikũo. Akũ ò àkpatii pìi sɛ̀ ò dòo gbɛ̃nɔnɛ arɛ.
7Dikiri pì Yɔsuanɛ: Mani na n sɛna leia Isarailanɔnɛ gbãra, onigɔ̃ dɔ̃ kũ má kú kũnwo lákũ má kú kũ Musao nà. 8Ǹ o sa'ori kũ ò ma bàka kunna kãáo àkpati sɛnanɔnɛ, tó ò kà Yodai, ò gɛ̃ ò zɛ a ín. 9Akũ Yɔsua pì Isarailanɔnɛ: À mɔ́ la à Dikiri á Luda yã ma. 10Akũ à ɛ̀ra à pì: Lɛn ánigɔ̃ dɔ̃ kũ Luda Wɛ̃̀ndide kú kãáo lɛ, akũsɔ̃ ani pɛ́árɛ Kanaanɔa kũ Itinɔ kũ Ivinɔ kũ Pɛrizinɔ kũ Gigasinɔ kũ Amɔrinɔ kũ Yebusinɔo. 11À gwa! Andunia sĩnda pínki Dikiri bàka kunna kũoo àkpati ni doárɛ arɛ ari Yoda ín. 12À gbɛ̃nɔn kuri awɛɛplanɔ sɛ́ á tɛ́, buri kũ burio gbɛ̃ mɛ̀n dodo. 13Tó sa'ori kũ ò andunia sĩnda pínki Dikiri àkpati sɛnanɔ gbá pɛ̀tɛ Yoda ín, í pì ni zɔ̃kɔ̃rɛ, í kũ àtɛn bo swa musu ni kɛ bĩni ũ à gɔ̃ zɛna a gbɛ̀n.
14Kũ gbɛ̃nɔ bùra fùtɛ ò dà zɛ́n, òtɛn gɛ́ bikũ Yodaa, sa'ori kũ ò Dikiri bàka kunna kũńwo àkpati sɛnanɔ tɛ́ ń arɛ lɛ. 15Burapɔnɔ kɛkɛgɔrɔ sĩnda pínki swa pìi dì pa ari à dà sĩ̀sĩla, ama gɔrɔ kũ àkpatisɛrii pìnɔ kà swa pìii, kũ ò gbá pɛ̀tɛ ín, 16akũ í kũ àtɛn bo swa pìi musu zɔ̃̀kɔ̃rɛ à bĩni kɛ̀ à gɔ̃̀ zɛna a gbɛ̀n zaa zã̀zã wɛ̃tɛ kũ òdi pi Adamu sarɛ Zarɛtã bùsun. Í kũ àtɛn ta sɛ̀bɛ wisiden zɔ̃̀kɔ̃rɛ míɔmiɔ, akũ gbɛ̃nɔ bikũ̀ arɛdɔkɔ̃ana kũ Yɛrikoo. 17Sa'ori kũ ò Dikiri bàka kunna kũńwo àkpati sɛnanɔ gɔ̃̀ zɛna Yoda wɛ̀ɛn zĩtɛ koria gíngin, akũ Isaraila buri sĩnda pínki tɛ́ gukori pìn ari ò gɛ̀ɛ ò bikũ̀ ń pínki ò làka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.