YƆSUA 2
2
Gu'asirigwarinɔ zĩna Yɛriko
1Zaa Sitimu Nuni nɛ́ Yɔsua gu'asirigwarinɔ zĩ̀ gbɛ̃nɔn pla asiri gũn à pì: À gɛ́ à wɛ́ kpátɛ bùsuu pìii, atɛ̃nsa Yɛriko. Akũ ò gɛ̀ɛ gwe, ò gɛ̀ɛ ò kìpa karua kũ òdi pinɛ Rahabu bɛn. 2Akũ ò pì Yɛriko kínanɛ: Isaraila kenɔ gɛ̃̀ la ɔkɔsiala de ò ó bùsu asiri gwa. 3Akũ kína pì gbɛ̃nɔ zĩ̀ Rahabua ò pì: Ǹ bo kũ gɔ̃gbɛ̃ kũ ò sù n kĩnaanɔ, zaakũ ó bùsu pínki asiri gwana yãin ò sù. 4Àkũ sɔ̃ nɔgbɛ̃ pì gĩnakɛ à gbɛ̃nɔn pla pìnɔ ùtɛ kɔ̀, akũ à pì: Gbɛ̃ pìnɔ sù ma kĩnaa la yãpuramɛ. Má dɔ̃ gu kũ ò bònlo. 5Kũ gu sì bĩnizɛtatagɔrɔa, ò bɔ̀tɛ. Má dɔ̃ tó gu kũ ò tànlo. À ń gbɛsɛ likalika, áni ń le. 6Àkũ sɔ̃ à gĩnakɛ à ń sɛ́ à gɛ̀ɛ kũńwo kpɛ́ musu à ń útɛ bàwisi lí kũ à katɛna gwen kɔ̀. 7Zĩ̀rinɔ pɛ̀tɛńyĩ zɛ́n ari Yoda bikũkia, akũ ò bĩnizɛ tàta ń kpɛ gɔ̃̀nɔ.
8Ari gu'asirigwarii pìnɔ gɔ̃ wútɛ, Rahabu dìdi ń kĩnaa kpɛ́ musu 9à pìńnɛ: Má dɔ̃ kũ Dikiri bùsu díkĩna kpàáwa. Á vĩna ó kũ, akũ bùsu dí denɔ kã gà ń pínki á yãi. 10O mà lákũ Dikiri Isira Tɛ̃ra zɔ̃̀kɔ̃rɛárɛ nà gɔrɔ kũ a bɔtɛ Misila kũ yã kũ a kɛ̀ Siɔ̃ kũ Oguonɛ, a Amɔrinɔ kína gbɛ̃nɔn pla pìnɔ kɛ̀ dúgudugu Yoda bara dire. 11Kũ o mà, swɛ̃̀ɛ kɛ̃̀ógu, ó nini kòko á yãi, zaakũ Dikiri á Ludamɛ musu kũ zĩtɛo Luda ũ. 12Zaakũ ma gbɛ̃kɛ kɛ̀árɛ, ákɔ̃nɔ sɔ̃ à la damɛnɛ sà kũ Dikiri tɔ́o kũ áni gbɛ̃kɛ kɛ ma de bedenɔnɛ. À sèeda kɛmɛnɛ de màgɔ̃ dɔ̃ sãnsãn 13kũ áni ma de kũ ma dao kũ ma vĩ̀ninɔ kũ ma dakũnanɔ kũ ó gbɛ̃nɔ mì sí ń pínki à ó bo ga lɛ́i. 14Akũ gɔ̃gbɛ̃ pìnɔ wèa ò pì: Mɔkɔ̃mmɛ ó wɛ̃̀ndi ũ, ókɔ̃nɔmɛ n wɛ̃̀ndi ũ se. Tó ńdi ó yã o gbɛ̃ke màro, tó Dikiri bùsu díkĩna kpàwá, óni gbɛ̃kɛ kɛnnɛ yãpura.
15Akũ à ń bɔ́tɛ wondoo gũn à ń kípa bĩni kpɛ kũ bàao, zaakũ a bɛ kũ à kun kú wɛ̃tɛ bĩni musumɛ. 16À pìńnɛ: À mì pɛ́ kpinɔa de á gbɛ̀sɛrinɔ sún dakarɛ kãáoro yãi. Àgɔ̃ utɛna gwe gɔrɔ aakɔ̃ ari á gbɛ̀sɛrinɔ su, gbasa à da zɛ́n. 17-18Akũ gɔ̃gbɛ̃ pìnɔ pìnɛ: Tó o ɛra o gɛ̃ á bùsun, ǹ wɔ̃nɔ tɛ̃ra díkĩna dɔ wondo kũ ntɛni ó bɔtɛn dia, ǹ n de kũ n dao kũ n vĩ̀ninɔ kũ n dakũnanɔ kũ n de bedenɔ kakaranyĩ ń pínki n kpɛ́ díkĩnan. Tó ńdi kɛ lɛro, ó bàka nigɔ̃ kú ladana kũ n tò o la dànnɛn doro. 19Tó ń gbɛ̃ke bò n kpɛ́n à gɛ̀ɛ gãnulɛa, à a zĩda dɛ̀n gwe, ó yãn doro. Tó ń gbɛ̃ke kú kũnwo kpɛ́n, akũ ò a dɛ̀, ókɔ̃nɔn a gana yã ni wí ó musu. 20Tó n ó kɔrɔmɔtɔɔ kɛ̀ gbɛ̃nɔnɛ sɔ̃, ó bàka nigɔ̃ kú ladana kũ n tò o la dànnɛ pìn doro. 21Akũ Rahabu pì: Àgɔ̃ de lákũ a ò nà. Akũ à ń gbárɛ ò tà. Akũ à wɔ̃nɔ tɛ̃ra pìi dɔ̀ a wondooa.
22Kũ ò kìpa bĩnia lɛ, ò mìi pɛ̀ kpinɔa, akũ ò ì gwe gɔrɔ aakɔ̃ ari ń gbɛ̀sɛrinɔ gɛ̀ɛ sùo. Ń gbɛ̀sɛrii pìnɔ ń wɛ́tɛ zɛ́ sarɛ pínki odi ń lero. 23Akũ gbɛ̃nɔn pla pìnɔ dà zɛ́n ò kìpa kpi pìnɔa ò bikũ̀ swaa. Kũ ò kà Nuni nɛ́ Yɔsua kĩnaa, ò yã kũ à ń lé gbã̀nɛ pínki 24ò pì: Dikiri bùsuu pìi nàwɛrɛ ó ɔĩ pínki. Bùsupidenɔ kã gà ń pínki ó yãi.
Currently Selected:
YƆSUA 2: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
YƆSUA 2
2
Gu'asirigwarinɔ zĩna Yɛriko
1Zaa Sitimu Nuni nɛ́ Yɔsua gu'asirigwarinɔ zĩ̀ gbɛ̃nɔn pla asiri gũn à pì: À gɛ́ à wɛ́ kpátɛ bùsuu pìii, atɛ̃nsa Yɛriko. Akũ ò gɛ̀ɛ gwe, ò gɛ̀ɛ ò kìpa karua kũ òdi pinɛ Rahabu bɛn. 2Akũ ò pì Yɛriko kínanɛ: Isaraila kenɔ gɛ̃̀ la ɔkɔsiala de ò ó bùsu asiri gwa. 3Akũ kína pì gbɛ̃nɔ zĩ̀ Rahabua ò pì: Ǹ bo kũ gɔ̃gbɛ̃ kũ ò sù n kĩnaanɔ, zaakũ ó bùsu pínki asiri gwana yãin ò sù. 4Àkũ sɔ̃ nɔgbɛ̃ pì gĩnakɛ à gbɛ̃nɔn pla pìnɔ ùtɛ kɔ̀, akũ à pì: Gbɛ̃ pìnɔ sù ma kĩnaa la yãpuramɛ. Má dɔ̃ gu kũ ò bònlo. 5Kũ gu sì bĩnizɛtatagɔrɔa, ò bɔ̀tɛ. Má dɔ̃ tó gu kũ ò tànlo. À ń gbɛsɛ likalika, áni ń le. 6Àkũ sɔ̃ à gĩnakɛ à ń sɛ́ à gɛ̀ɛ kũńwo kpɛ́ musu à ń útɛ bàwisi lí kũ à katɛna gwen kɔ̀. 7Zĩ̀rinɔ pɛ̀tɛńyĩ zɛ́n ari Yoda bikũkia, akũ ò bĩnizɛ tàta ń kpɛ gɔ̃̀nɔ.
8Ari gu'asirigwarii pìnɔ gɔ̃ wútɛ, Rahabu dìdi ń kĩnaa kpɛ́ musu 9à pìńnɛ: Má dɔ̃ kũ Dikiri bùsu díkĩna kpàáwa. Á vĩna ó kũ, akũ bùsu dí denɔ kã gà ń pínki á yãi. 10O mà lákũ Dikiri Isira Tɛ̃ra zɔ̃̀kɔ̃rɛárɛ nà gɔrɔ kũ a bɔtɛ Misila kũ yã kũ a kɛ̀ Siɔ̃ kũ Oguonɛ, a Amɔrinɔ kína gbɛ̃nɔn pla pìnɔ kɛ̀ dúgudugu Yoda bara dire. 11Kũ o mà, swɛ̃̀ɛ kɛ̃̀ógu, ó nini kòko á yãi, zaakũ Dikiri á Ludamɛ musu kũ zĩtɛo Luda ũ. 12Zaakũ ma gbɛ̃kɛ kɛ̀árɛ, ákɔ̃nɔ sɔ̃ à la damɛnɛ sà kũ Dikiri tɔ́o kũ áni gbɛ̃kɛ kɛ ma de bedenɔnɛ. À sèeda kɛmɛnɛ de màgɔ̃ dɔ̃ sãnsãn 13kũ áni ma de kũ ma dao kũ ma vĩ̀ninɔ kũ ma dakũnanɔ kũ ó gbɛ̃nɔ mì sí ń pínki à ó bo ga lɛ́i. 14Akũ gɔ̃gbɛ̃ pìnɔ wèa ò pì: Mɔkɔ̃mmɛ ó wɛ̃̀ndi ũ, ókɔ̃nɔmɛ n wɛ̃̀ndi ũ se. Tó ńdi ó yã o gbɛ̃ke màro, tó Dikiri bùsu díkĩna kpàwá, óni gbɛ̃kɛ kɛnnɛ yãpura.
15Akũ à ń bɔ́tɛ wondoo gũn à ń kípa bĩni kpɛ kũ bàao, zaakũ a bɛ kũ à kun kú wɛ̃tɛ bĩni musumɛ. 16À pìńnɛ: À mì pɛ́ kpinɔa de á gbɛ̀sɛrinɔ sún dakarɛ kãáoro yãi. Àgɔ̃ utɛna gwe gɔrɔ aakɔ̃ ari á gbɛ̀sɛrinɔ su, gbasa à da zɛ́n. 17-18Akũ gɔ̃gbɛ̃ pìnɔ pìnɛ: Tó o ɛra o gɛ̃ á bùsun, ǹ wɔ̃nɔ tɛ̃ra díkĩna dɔ wondo kũ ntɛni ó bɔtɛn dia, ǹ n de kũ n dao kũ n vĩ̀ninɔ kũ n dakũnanɔ kũ n de bedenɔ kakaranyĩ ń pínki n kpɛ́ díkĩnan. Tó ńdi kɛ lɛro, ó bàka nigɔ̃ kú ladana kũ n tò o la dànnɛn doro. 19Tó ń gbɛ̃ke bò n kpɛ́n à gɛ̀ɛ gãnulɛa, à a zĩda dɛ̀n gwe, ó yãn doro. Tó ń gbɛ̃ke kú kũnwo kpɛ́n, akũ ò a dɛ̀, ókɔ̃nɔn a gana yã ni wí ó musu. 20Tó n ó kɔrɔmɔtɔɔ kɛ̀ gbɛ̃nɔnɛ sɔ̃, ó bàka nigɔ̃ kú ladana kũ n tò o la dànnɛ pìn doro. 21Akũ Rahabu pì: Àgɔ̃ de lákũ a ò nà. Akũ à ń gbárɛ ò tà. Akũ à wɔ̃nɔ tɛ̃ra pìi dɔ̀ a wondooa.
22Kũ ò kìpa bĩnia lɛ, ò mìi pɛ̀ kpinɔa, akũ ò ì gwe gɔrɔ aakɔ̃ ari ń gbɛ̀sɛrinɔ gɛ̀ɛ sùo. Ń gbɛ̀sɛrii pìnɔ ń wɛ́tɛ zɛ́ sarɛ pínki odi ń lero. 23Akũ gbɛ̃nɔn pla pìnɔ dà zɛ́n ò kìpa kpi pìnɔa ò bikũ̀ swaa. Kũ ò kà Nuni nɛ́ Yɔsua kĩnaa, ò yã kũ à ń lé gbã̀nɛ pínki 24ò pì: Dikiri bùsuu pìi nàwɛrɛ ó ɔĩ pínki. Bùsupidenɔ kã gà ń pínki ó yãi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.