EBERUNƆ 1
1
Luda Nɛ́ de malaikanɔla
1Luda yã ò ó dizinɔnɛ yã káaku annabinɔ gãi gɛ̃̀n baaakɔ̃ zɛ́nɔ gũn dasi, 2ama à yã òwɛrɛ a Nɛ́ gãi gɔrɔ kpɛde díkĩnanɔn sà. Nɛ́ pì gãin Luda andunia kɛ̀o, à dìtɛ kũ àkũ mɛ́ anigɔ̃ pɔ́ sĩnda pínki vĩ. 3Àkũ mɛ́ à Luda gakuri tɛ́kɛna ũ, à de a kunna ũ sãnsãn. Àkũ mɛ́ à pɔ́ sĩnda pínki kũna kũ a yã'ona gbãnao. Durunnanɔ kɛ̃mmana gbɛra à vùtɛ musu Luda zɔ̃kɔ̃de ɔplai. 4Lákũ tɔ́ kũ à blèe pì de malaikanɔ pɔ́la nà, lɛn a zɔ̃kɔ̃ deńla lɛ. 5Luda yã dí ò malaika kenɛ yã yá?
Ma Nɛ́mɛ n ũ, ma n i gbãra,
Kesɔ̃:
Manigɔ̃ de a De ũ,
anigɔ̃ de ma Nɛ́ ũ.
6Kũ Luda tò a dauduu sù andunia gũn à pì:
A malaikanɔ donyĩ kɛnɛ ń pínki.
7Malaikanɔ yã musu à pì:
Adì a zĩ̀rinɔ li ĩa ũ,
a zĩkɛrinɔ sɔ̃ tɛ́vura ũ.
8A Nɛ́ yã musu sɔ̃ à pì:
Luda, ĩnigɔ̃ vutɛna kíblegbaaa gɔrɔ sĩnda pínkimɛ,
ndìgɔ̃ n kíkɛgo kũna yãzɛde ũ.
9Ń ye yãmanakɛnaai, n zã vãnikɛna gu.
Abire yãi Luda, n Luda, n ka kín,
à pɔnna pìsimma de n gbɛ̃nɔla.
10Ò pì dɔ:
Dikiri, n andunia zĩni pɛ̀tɛ zaa káaku,
musu bi n ɔzĩmɛ.
11Ń pínki ni gɛ̃tɛ, ama ĩnigɔ̃ kun.
Oni zĩ kũ lán pɔ́kasa bà,
12ĩni ń koko lán uta bà,
ĩni ń litɛ lán pɔ́kasa bà.
Mɔkɔ̃n sɔ̃, n kuuna dìgɔ̃ dokɔ̃nɔ,
n gɔrɔ lakana vĩro.
13À yã dí ò malaika kenɛ yã yá?
Ǹ vutɛ ma ɔplai
ari màgɔ̃ n ibɛrɛnɔ kɛnnɛ n tìntin ũ.
14Malaikanɔ bi nini zĩkɛrinɔmɛ ń pínki. Luda dì ń zĩ de ò kpá gbɛ̃ kũ oni surabana lenɔimɛ.
Currently Selected:
EBERUNƆ 1: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
