1 YUHANA 5

Luda Nɛ́ náanikɛnaa

1Gbɛ̃ kũ àdi Yesu náani kɛ Arumasihu ũ, Luda mɛ́ à ade ì. Gbɛ̃ kũ à ye dei ye a nɛ́imɛ se. 2Tó ó ye Ludai, akũ ó yã kũ à dìtɛnɔ kũna, abire mɛ́ à mɔ̀wɛrɛ kũ ó ye Luda nɛ́nɔi. 3Zaakũ yena Ludai mɛ́ à de yã kũ à dìtɛnɔ kũna ũ. Yã kũ à dìtɛ pìnɔ de aso ũ sɔ̃ro. 4Zaakũ gbɛ̃ kũ Luda a ì dì zĩ̀ ble anduniaamɛ. Ó ludanaanikɛna mɛ́ àdi tó ò zĩ̀ ble anduniaa. 5Dí mɛ́ àdi zĩ̀ ble anduniaaa? Séde gbɛ̃ kũ à sì kũ Yesu bi Luda Nɛ́mɛ.

Yesu Kirisi sèedadenɔ

6Yesu Kirisi pìin gbɛ̃ kũ à sù à da'itɛ kɛ̀ à a aru kɔ̀tɛ ũ. Adi kɛ da'itɛmɛ adoro, à da'itɛ kɛ̀ à a aru kɔ̀tɛ se. Luda Ninin a sèedade ũ, zaakũ àkũmɛ yãpurade ũ. 7Sèedadenɔ kun mɛ̀n aakɔ̃mɛ. 8Luda Nini kũ í pìio kũ aru pìio. Pɔ́ mɛ̀n aakɔ̃ pìnɔ pínki dokɔ̃nɔmɛ. 9Lákũ odì bisãsiri sèedakɛna sí nà, Luda sèedakɛna de abirekũla, zaakũ Luda yã pìi ò a Nɛ́ yã musumɛ. 10Gbɛ̃ kũ àdi Luda Nɛ́ náani kɛ sèedaa pì vĩ a swɛ̃̀ɛ gũn. Gbɛ̃ kũ adi Luda yã síro Luda pìi dìtɛ ɛ́kɛde ũmɛ, zaakũ adi yã kũ Luda ò a Nɛ́ musu síro. 11Yã kũ à òon dí: Luda ó gba wɛ̃̀ndi kũ àdi lákaro, wɛ̃̀ndii pì sɔ̃ à kú a Nɛ́ kĩnaamɛ. 12Gbɛ̃ kũ à Luda Nɛ́ vĩ wɛ̃̀ndi kũ àdi lákaro vĩ. Gbɛ̃ kũ à Nɛ́ pì vĩro wɛ̃̀ndii pì vĩro.

Wɛ̃̀ndi kũ àdi lákaro

13Matɛn yã birenɔ oárɛ, ákɔ̃nɔ kũ átɛn Luda Nɛ́ náani kɛnɔ, de àgɔ̃ dɔ̃ kũ á wɛ̃̀ndi kũ àdi lákaro vĩ. 14Pɔ́ kũ à tò ó swɛ̃̀ɛ dìgɔ̃ ditɛna Luda arɛn dí: Tó o pɔ́ wɛ́ kɛ̀a lákũ à pɔ yei nà, àdi sí kũoo. 15Lákũ ó dɔ̃ kũ àdi ó wɛ́kɛ ma nà, ó dɔ̃ kũ pɔ́ kũ o wɛ́ kɛ̀aa pì o gĩnakɛ o lè kɔ̀.

16Tó gbɛ̃ a Yesude dake è, àtɛn durunna kũ àdi ń kakatɛro kɛ, à wɛ́ kɛ de Luda a gba wɛ̃̀ndii. Durunna kũ àdi ń kakatɛron má tɛ́a. Durunna kũ àdi ń kakatɛ kun, adi kɛ abirekũn ma pì à wɛ́ kɛ a musuro. 17Yãvãnikɛna sĩnda pínki bi durunnamɛ, ama durunna kũ àdi ń kakatɛro kun.

18Ó dɔ̃ kũ gbɛ̃ kũ Luda a ì dìgɔ̃ kpɛ́ àgɔ̃ durunna kɛro, zaakũ Luda Nɛ́ dì a dãkpã, Setan dì fɔ̃ à ɔ naaro. 19Ó dɔ̃ kũ Luda gbɛ̃nɔn ó ũ, bee kũ andunia pínki kú Setan ɔĩmɛ. 20Ó dɔ̃ kũ Luda Nɛ́ sù, akũ à ó wɛ́ kɛ̃̀, de ò le ò Yãpurade dɔ̃. Ó kú Yãpurade pìi gũn kũ a Nɛ́ Yesu Kirisio. Àkũmɛ Luda yãpurade pì ũ. Àkũmɛ wɛ̃̀ndi kũ àdi lákaro ũ.

21Ma nɛ́ yenyĩdenɔ, à laakari kɛ tãnanɔi.

Currently Selected:

1 YUHANA 5: BB2005

Highlight

Copy

Compare