YouVersion Logo
Search Icon

Ropaskre gilja 5

5
An men pale pash tute pale!
1Baro Dewel, ma biste,
hoi mentsa djas!
Dik ap mende
un dik mari ladj!
2Ko them, hoi men dal,
hi an i wawarengro wast.
Un an mare khera djiwenn wi-themarja.
3Muklo ham,
mare dada hi buder gar koi.
Mare daja hi har djuwja, kolengro rom meras.
4Maro pani hunte plaissras mare lowentsa,
un maro kasht hunte plaissras ninna.
5Kolla, kai men palla lenna,
beshenn menge ap i meen.
Ninna te ham khino,
mukenn le men gar tele te beshell.
6Mer hunte rikras mare wasta
i themma Egiptia un Assur koi,
te well men i kotar maro, te bokas gar.
7Mare phure anan doosh ap pende,
un djiwenn buder gar.
Mer kitse kai ham,
hunte hidjras lengri tseli doosh.
8Budepangre hi i raja pral mende,
un kek hi koi,
kai lell men win dran lengre wasta.
9Te djah win, te las chapen dren,
hunte daras maro djipaske.
Kurepangre dran o mulo them
kamenn men o chareha te marell.
10Har te hams an i bob,
chatchell mari hauta koi bari bokatar.
11I djuwjen an o foro Zion
tapran le sorjah an,
ninna i terne tchen
an i forja o themestar Juda.
12I pralstune mursha wan lendar i dorjentsa pre pandlo,
un ap i phurende dikan le gar pre.
13Terne mursha hunte hidjran jarrengre barra#5:13 jarrengre barra Mühlsteine,
un tchawe peran tel o bud kasht,
hoi hunte hidjran le.
14I pralstune hi buder gar beshdo an o foreskro wudar.
Un i terne mursha bashrenn buder gar ap i dorjengre bashepangre.
15Mare djia giwenn buder gar,
maro khelepen hi kanna maro ropen.
16Mer nashram maro railepen.
Mari doosh, hoi anam ap mende,
anas men an i bibacht!
17Doleske hi maro dji nasselo,
un mare jaka wi-rowedo,
18te dikah mer ap i berga Zion,
kai li jaake mulo koi tchiddo hi,
un i diwje djukle pral late nashenna.
19Tu, baro Dewel, hal hako tsiro koi.
Tu hal un atcheh o rai hako tsireske.
20Hoske kameh tu men te bistrell,
un maro tselo djipen tchi mendar te djinell?
21An men, baro Dewel, pale pash tute,
te was pale khere!
Kre, te djal menge pale latches
har an o phuro tsiro!
22Witsral men tutar krik hako tsireske?
Nai djal tiri choli pral mende gar krik?

Currently Selected:

Ropaskre gilja 5: Sint2021

Highlight

Copy

Compare

Share

None

Want to have your highlights saved across all your devices? Sign up or sign in

© 2021 Romanes-Arbeit-Marburg e.V.

Erste Auflage

Alle Rechte vorbehalten

Die Lizenzvereinbarung erlaubt eine nicht-kommerzielle Nutzung des Textes. Änderungen des Textes sind jedoch untersagt. Der Rechteinhaber, Romanes-Arbeit-Marburg e.V., muss bei jeder Veröffentlichung erwähnt werden. Für jegliche kommerzielle Verbreitung muss ein Herausgeber beim Rechteinhaber eine schriftliche Genehmigung beantragen.

Herausgeber und Vertrieb: Romanes-Arbeit-Marburg e.V., Germany

info@romanes-arbeit-marburg.de

ISBN: 978-3-00-068366-4

Illustrationen von Louise Bass und Horace Knowles © The British amp Foreign Bible Society, 1954, 1967, 1972, 1994, 1995

Farbige Illustrationen mit Erlaubnis von Louise Bass

Kartenmaterial generiert mit Bible Mapper © 2005-2010 von David P. Barret

Alle Rechte an den Karten © 2021, Wycliffe Bible Translators, Inc.

Learn More About O Debleskro Drom 2021 (Sinte)

Popular Bible Verses from

Ropaskre gilja 5

Video for Ropaskre gilja 5

video-thumbnails

Lamentations 5

BibleProject

Bible:

Romani: Sinte

Version: O Debleskro Drom 2021 (Sinte) - Sint2021

Ropaskre gilja 5

Previous Chapter
Next Chapter