YouVersion Logo
Search Icon

Hosea 6

6
I menshe rodenn o Debles pengre mujentsa un gar pengre djijentsa
1Awenn, te djas pale pash o baro Debleste!
Job dukas men,
un job krell men pale sasto.
Job das men dawa,
un job pandell men pale khetne.
2Pal dui diwessa dell lo men newo djipen,
un ap o triinto diwes mukell lo men pale ap i pire tardo te well,
te nai djiwas glan leste.
3Mer te das jak koi pre o tselo djijestar,
te prindjras o baro Debles!
Job wella! Kowa hi jaake tchatcho,
har o kham hako diwes pre djala.
Job wella, har i brishin pash mende wella,
awa, har i brishin pal o wend i phub sapenes krella.
4Hoi te krap tuha, Efrajim?
Hoi te krap tuha, Juda?
Tumer mukenn man jaake sik har i wolka,
hoi taissarlakro krik djal,
un har ko pani, hoi ap o senlepen hi.
5Doleske bitchrom tumenge mire rakepangre.
Un lengro rakepah dau me tumen khetne,
un marau tumen mire labentsa,
hoi wenn dran miro mui.
Miro tchatchepen well glan har o kham.
6Dikenn, hoi kamau:
Kamau, te rikrenn tumer i latcho djijeha ap mande,
un kamau gar, te anenn mange viechen.
Kamau te prindjrenn man tchatchepah,
un kamau gar, te chatchrenn mange viechen.
7Jaake sik har wan le an o them dren pash o foro Adam,
rikran le pen buder gar ap kowa,
hoi me, o baro Dewel lentsa win krom,
un mukan man.
8Gilead hi i foro pherdo tchilatche menshe.
Mank lende hi ninna sawe, kai maran wawaren.
9Un i rashaja krenn pen khetne har tchorepangre,
kai lurenn an o khatepen,
te well jek, koles nai le win randenn.
Ap o drom an o foro Sichem marenn le.
Sawo tchilatcho koowa krenn le!
10An o them Israel dikom djungelo tchilatcho koowa.
Kote mukas man o kheer Efrajim
har i djuwel, kai peskro romes chochell.
Jaake kran pen mire menshe pale-tchiddo.
11Ninna i menshenge an o them Juda well ko tsiro,
kai lenn le pengri phagi koleske, hoi le kran.

Currently Selected:

Hosea 6: Sint2021

Highlight

Copy

Compare

Share

None

Want to have your highlights saved across all your devices? Sign up or sign in

© 2021 Romanes-Arbeit-Marburg e.V.

Erste Auflage

Alle Rechte vorbehalten

Die Lizenzvereinbarung erlaubt eine nicht-kommerzielle Nutzung des Textes. Änderungen des Textes sind jedoch untersagt. Der Rechteinhaber, Romanes-Arbeit-Marburg e.V., muss bei jeder Veröffentlichung erwähnt werden. Für jegliche kommerzielle Verbreitung muss ein Herausgeber beim Rechteinhaber eine schriftliche Genehmigung beantragen.

Herausgeber und Vertrieb: Romanes-Arbeit-Marburg e.V., Germany

info@romanes-arbeit-marburg.de

ISBN: 978-3-00-068366-4

Illustrationen von Louise Bass und Horace Knowles © The British amp Foreign Bible Society, 1954, 1967, 1972, 1994, 1995

Farbige Illustrationen mit Erlaubnis von Louise Bass

Kartenmaterial generiert mit Bible Mapper © 2005-2010 von David P. Barret

Alle Rechte an den Karten © 2021, Wycliffe Bible Translators, Inc.

Learn More About O Debleskro Drom 2021 (Sinte)

Popular Bible Verses from

Hosea 6

Videos for Hosea 6

video-thumbnails

Hosea 4-10

BibleProject

video-thumbnails

Hosea 6-7

Spoken Gospel

Bible:

Romani: Sinte

Version: O Debleskro Drom 2021 (Sinte) - Sint2021

Hosea 6

Previous Chapter
Next Chapter