1 ITI̍MŌTI 2
2
Otūlichō ɔyɔ̍ɔ̄ya̍ de Ɔwɔ la Ogrēeyī yī Ɔwɔ
1La ɔyɔbɔ̄ɔbū yī lɛlā wa̍a̍, n ge̍ē ka hīka āchɛ ge̍ ra̍ābɔ̄ de Ɔwɔ, jɔhā de Ɔwɔ, chikpo̍ yī ɔjā la abɔ̄ yī Ɔwɔ, da Ɔwɔ o̍be de āchɛ̄ɛchɛ wa̍a̍. 2E̍ ge̍ ya̍ i̍ngɔ̍ɔ de Ɔwɔ wu̍chē yī ɔchwɔ̄lɛ̍ wa̍a̍ ba̍la āchɛ nīi bī wɔhu̍ yī ɛbɛ wa̍a̍ la yɛchɛ ma̍, hɛ̄ɛbɛ nīi alɔ ē gblāa la ɔhɔ̄leyī ɔlɛcho̍cho̍ ba̍la ogbodɔ̍dɔ̍, ɔhɔ̄leyī nīi - ɔpɔ̄pū yī Ɔwɔ ke̍e̍ ma̍ ba̍la abɔ̄lɛ̄lā nīi lɛ kpakpa ma̍. 3Oli̍ngɔ̍ɔ hwɔhi, chī gba̍a hi Ɔwɔ nīi - Ɔhɔ̍ɔnyɛta̍ yī alɔ ma̍ ɔtū a̍nɛ. 4Wu̍chē oji̍ nɛ, Ɔwɔ chikpo̍ ka āchɛ wa̍a̍ ɛ̍lɛ gɛ lɛ ɔhɛ̍ta̍; ɛ̍lɛ ge̍ jo̍ōkū yī lɛlā olēchi̍ lēchi̍ bɛ̍ɛ̄nɛ̄. 5Ɔwɔ lɛ ūkpo̍he kpo̍kpo̍. Ɔ̄chɛ nīi - Ɔhīyama ma̍ chī lɛ ūkpo̍he kpo̍kpo̍ nīi tū la ɔprɛ̍ɛpa yī Ɔwɔ ba̍la ɔ̄chɛ̄ɛchɛ ma̍. Ɔngrɔ̄ɔ nīi re̍ka Ikra̍yisi Iji̍sɔ̄ɔsi ma̍ nɛ. 6O̍ de iyī nū nāa de hɛ̄ɛbɛ ge̍ē de āchɛ̄ɛchɛ wa̍a̍ ē hīya lɛfiyɛ. O̍ ya̍ i̍ngɔ̍ɔ yɛ̄grāa kpakpa nīi Ɔwɔ de lā ma̍, hɛ̄ɛbɛ ge̍ē chabɔ̄ hīka Ɔwɔ ɔ̍lɔ chikpo̍ ka āchɛ ɛ̍lɛ ge̍ē lɛ ɔhɛ̍ta̍. 7Anu̍ - ohu̍ nīi o̍ de u tɛ̄rɔ̄ bāa ɔlɛrɔ̄ yī nū ba̍la ɔ̄chɛ ongū Ɛchɛkɔcha lɛlā a̍nɛ. Ɔla̍ā lɛ i̍ngɔ̍ɔ hɛ̄ɛbɛ nīi n ge̍ē ka ɛrɔ̄ yī ɔtū ode chōche ba̍la lɛlā olēchi̍ lēchi̍ ē de wa̍. Lɛlā lēchi̍ nīi n yɛ ma̍ ē ka a̍nɛ; i̍ arīmɛ̄ ni̍.
8N chikpo̍ nīi angrɔ̄ɔ wa̍a̍ la ɛbɛha̍-ɛbɛha̍ wa̍a̍ ge̍ jɔhā de Ɔwɔ. Aa̍ nīi de iyī wā kwɔbɔ̄ de Ɔwɔ ma̍ ge̍ kpo̍ abɔ̄ kɔ̍ ga ichō la ɔhā ojōji ɔlamu-ɔlamu nīi ɔtū ngurangura ba̍la ahu̍ ɔtɔ̍ɔ̄ta̍ i̍ hɔ̄ la anu̍ ni̍ ma̍.
9N gba̍a ge̍ē ka hīka anyā ge̍ lɛ ɔjā otūlibi̍īyē nīi hwɔhi hwɔhi ma̍ nīi e̍ ge̍ tū ɔjā la ibi̍īyē kɛ̍mɛ̍kɛ̍mɛ̍. E̍ ge̍ e̍e ya̍ ugu ita ɔha̍ bɛ̍bɛ̍bɛ̍ tū inyɛ̄lɛ̄hu̍ yī wā kɛ̄ɛ chikpo̍ otū igo̍olu, kɛ̄ɛ akpānā, kɛ̄ɛ ɛjā otūlibi̍īyē ɛha̍ nīi lwɔ̍la̍ ka̍ka̍ ma̍ ni̍. 10E̍ ge̍ ya̍ abɔ̄lɛ̄lā ɔnɛ̄ɛhɛhi lɔkɔ nīi o̍ hwɔhi nīi ɔ̄chɛ yī Ɔwɔ ge̍ē ya̍ ma̍. 11Anyā ge̍ hīdīdū gblāa du̍mɔ̍ nīi e̍ ge̍ yɛ ē ngū lɛlā ma̍. 12N i̍ ē chɛ̄ ka anyā ge̍ ngū āchɛ lɛlā kɛ̄ɛ wɛ alɛhu̍ yī angrɔ̄ɔ ni̍. O̍ ngma̍ nīi e̍ ē gblāa cho̍cho̍. 13Wu̍chē oji̍ nɛ, A̍dāam nīi - ɔngrɔ̄ɔ ma̍ nīi Ɔwɔ ya̍ yɔbɔ̄ɔbū, o̍bū nīi o̍ ya̍ I̍ifu a̍nɛ. 14O̍ i̍ gba̍a - A̍dāam nīi Ɔngūwɛ̄gā gla anu̍ a̍ni̍; I̍ifu nīi - ɔnyā ma̍ nīi o̍ gla anu̍ nīi o̍ bīya lihɔ yī Ɔwɔ a̍nɛ. 15Ɔnyā chī ge̍ē lɛ ɔhɛ̍ta̍ ē bū la ayi̍ ɔmɔ̄ma nīi o̍ ge̍ hɔ̄ abɔ̍ɔ i̍ngɔ̍ɔ kpɔ̍ɔ̍ la ɔtū ode chōche ba̍la ɔhɔtū ba̍la ɔlɛcha̍ri̍cha̍ri̍ lɔkɔ nīi o̍ ngma̍ nīi ɔ̄chɛ ē ya̍ ma̍.
Currently Selected:
1 ITI̍MŌTI 2: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 ITI̍MŌTI 2
2
Otūlichō ɔyɔ̍ɔ̄ya̍ de Ɔwɔ la Ogrēeyī yī Ɔwɔ
1La ɔyɔbɔ̄ɔbū yī lɛlā wa̍a̍, n ge̍ē ka hīka āchɛ ge̍ ra̍ābɔ̄ de Ɔwɔ, jɔhā de Ɔwɔ, chikpo̍ yī ɔjā la abɔ̄ yī Ɔwɔ, da Ɔwɔ o̍be de āchɛ̄ɛchɛ wa̍a̍. 2E̍ ge̍ ya̍ i̍ngɔ̍ɔ de Ɔwɔ wu̍chē yī ɔchwɔ̄lɛ̍ wa̍a̍ ba̍la āchɛ nīi bī wɔhu̍ yī ɛbɛ wa̍a̍ la yɛchɛ ma̍, hɛ̄ɛbɛ nīi alɔ ē gblāa la ɔhɔ̄leyī ɔlɛcho̍cho̍ ba̍la ogbodɔ̍dɔ̍, ɔhɔ̄leyī nīi - ɔpɔ̄pū yī Ɔwɔ ke̍e̍ ma̍ ba̍la abɔ̄lɛ̄lā nīi lɛ kpakpa ma̍. 3Oli̍ngɔ̍ɔ hwɔhi, chī gba̍a hi Ɔwɔ nīi - Ɔhɔ̍ɔnyɛta̍ yī alɔ ma̍ ɔtū a̍nɛ. 4Wu̍chē oji̍ nɛ, Ɔwɔ chikpo̍ ka āchɛ wa̍a̍ ɛ̍lɛ gɛ lɛ ɔhɛ̍ta̍; ɛ̍lɛ ge̍ jo̍ōkū yī lɛlā olēchi̍ lēchi̍ bɛ̍ɛ̄nɛ̄. 5Ɔwɔ lɛ ūkpo̍he kpo̍kpo̍. Ɔ̄chɛ nīi - Ɔhīyama ma̍ chī lɛ ūkpo̍he kpo̍kpo̍ nīi tū la ɔprɛ̍ɛpa yī Ɔwɔ ba̍la ɔ̄chɛ̄ɛchɛ ma̍. Ɔngrɔ̄ɔ nīi re̍ka Ikra̍yisi Iji̍sɔ̄ɔsi ma̍ nɛ. 6O̍ de iyī nū nāa de hɛ̄ɛbɛ ge̍ē de āchɛ̄ɛchɛ wa̍a̍ ē hīya lɛfiyɛ. O̍ ya̍ i̍ngɔ̍ɔ yɛ̄grāa kpakpa nīi Ɔwɔ de lā ma̍, hɛ̄ɛbɛ ge̍ē chabɔ̄ hīka Ɔwɔ ɔ̍lɔ chikpo̍ ka āchɛ ɛ̍lɛ ge̍ē lɛ ɔhɛ̍ta̍. 7Anu̍ - ohu̍ nīi o̍ de u tɛ̄rɔ̄ bāa ɔlɛrɔ̄ yī nū ba̍la ɔ̄chɛ ongū Ɛchɛkɔcha lɛlā a̍nɛ. Ɔla̍ā lɛ i̍ngɔ̍ɔ hɛ̄ɛbɛ nīi n ge̍ē ka ɛrɔ̄ yī ɔtū ode chōche ba̍la lɛlā olēchi̍ lēchi̍ ē de wa̍. Lɛlā lēchi̍ nīi n yɛ ma̍ ē ka a̍nɛ; i̍ arīmɛ̄ ni̍.
8N chikpo̍ nīi angrɔ̄ɔ wa̍a̍ la ɛbɛha̍-ɛbɛha̍ wa̍a̍ ge̍ jɔhā de Ɔwɔ. Aa̍ nīi de iyī wā kwɔbɔ̄ de Ɔwɔ ma̍ ge̍ kpo̍ abɔ̄ kɔ̍ ga ichō la ɔhā ojōji ɔlamu-ɔlamu nīi ɔtū ngurangura ba̍la ahu̍ ɔtɔ̍ɔ̄ta̍ i̍ hɔ̄ la anu̍ ni̍ ma̍.
9N gba̍a ge̍ē ka hīka anyā ge̍ lɛ ɔjā otūlibi̍īyē nīi hwɔhi hwɔhi ma̍ nīi e̍ ge̍ tū ɔjā la ibi̍īyē kɛ̍mɛ̍kɛ̍mɛ̍. E̍ ge̍ e̍e ya̍ ugu ita ɔha̍ bɛ̍bɛ̍bɛ̍ tū inyɛ̄lɛ̄hu̍ yī wā kɛ̄ɛ chikpo̍ otū igo̍olu, kɛ̄ɛ akpānā, kɛ̄ɛ ɛjā otūlibi̍īyē ɛha̍ nīi lwɔ̍la̍ ka̍ka̍ ma̍ ni̍. 10E̍ ge̍ ya̍ abɔ̄lɛ̄lā ɔnɛ̄ɛhɛhi lɔkɔ nīi o̍ hwɔhi nīi ɔ̄chɛ yī Ɔwɔ ge̍ē ya̍ ma̍. 11Anyā ge̍ hīdīdū gblāa du̍mɔ̍ nīi e̍ ge̍ yɛ ē ngū lɛlā ma̍. 12N i̍ ē chɛ̄ ka anyā ge̍ ngū āchɛ lɛlā kɛ̄ɛ wɛ alɛhu̍ yī angrɔ̄ɔ ni̍. O̍ ngma̍ nīi e̍ ē gblāa cho̍cho̍. 13Wu̍chē oji̍ nɛ, A̍dāam nīi - ɔngrɔ̄ɔ ma̍ nīi Ɔwɔ ya̍ yɔbɔ̄ɔbū, o̍bū nīi o̍ ya̍ I̍ifu a̍nɛ. 14O̍ i̍ gba̍a - A̍dāam nīi Ɔngūwɛ̄gā gla anu̍ a̍ni̍; I̍ifu nīi - ɔnyā ma̍ nīi o̍ gla anu̍ nīi o̍ bīya lihɔ yī Ɔwɔ a̍nɛ. 15Ɔnyā chī ge̍ē lɛ ɔhɛ̍ta̍ ē bū la ayi̍ ɔmɔ̄ma nīi o̍ ge̍ hɔ̄ abɔ̍ɔ i̍ngɔ̍ɔ kpɔ̍ɔ̍ la ɔtū ode chōche ba̍la ɔhɔtū ba̍la ɔlɛcha̍ri̍cha̍ri̍ lɔkɔ nīi o̍ ngma̍ nīi ɔ̄chɛ ē ya̍ ma̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)