1 ITI̍MŌTI 1
1
Owu̍tu
1Ami Ipɔ̍ɔli nīi - ɔlɛrɔ̄ yī Ikra̍yisi Iji̍sɔ̄ɔsi gala ɔgɔgu lɔkɔ nīi Ɔwɔ ɔhɔ̍ɔnyɛta̍ yī alɔ ba̍la Ikra̍yisi Iji̍sɔ̄ɔsi odeyīche yī alɔ ka ɔ̍lɔ ge̍ lɛ ma̍, ami ta̍ īpū nūma̍ a̍nɛ. 2N tɛ̄rɔ̄ nūma̍ hu awɔ, Iti̍mōti; ɔyi̍ yī u lēchi̍ lēchi̍ la ɔpɔ̄pū yī lɛlā nūma̍ nīi alɔ chɛ̄ku Ɔwɔ ma̍.
Ɔwɔ A̍dā ba̍la Ikra̍yisi Iji̍sɔ̄ɔsi nīi - Ādādā yī alɔ ma̍ ge̍ de ɔpiyɛ ba̍la lɛha̍ ɔmɔ̍ɔ̄ma̍ ba̍la ogbodɔ̍dɔ̍ de wɔ.
Ɔna yī lɛlā yī āchɛ ongū lɛlā arīmɛ̄
3N chikpo̍ hīka a ge̍ jī hɔ̄ abɔ̍ɔ la Ɛ̍fɛ̄susi lɔkɔ nīi n koko̍o de wɔ i̍krɔ̍ɔ ɔla̍ā nīi n ga yɛ gāa Imɛsɛdo̍niya ma̍. Āchɛ ɛha̍ gblāa abɔ̍ɔ ē ngū āchɛ lɛlā arīmɛ̄; ka tāa aa̍ nīi e̍ ge̍ pi̍ye̍mā. 4Ka de wa̍ nīi e̍ ge̍ pi̍ye̍mā lɛlā yī wɔ̄chā ɛla̍ā nīi e̍ ē ka ma̍ ba̍la riyī yī ɔ̍kɔ̄kū ɔgbɔɔgba i̍bɔ̍ɔ̄ba̍ ni̍ ɔla̍ā nīi e̍ ē ngū āchɛ ma̍. Wu̍chē oji̍ nɛ, lɛlā eli̍ngɔ̍ɔ ɛla̍ā ta̍tu̍tu̍ yī ahu̍lɛ̄lā ɔtɔ̍ɔ̄ta̍; o̍ i̍ ē bī lɛlā nīi Ɔwɔ miya ma̍ ē jɛ̄ ni̍. Ɔtū ode chōche lōri̍īnū ya̍ i̍ngɔ̍ɔ ē mɛ a̍nɛ. 5Ɔjā nīi - ochi̍chi̍ yī ɔgulɛ̄lā nūma̍ ka̍ta̍ ma̍, ɔya̍ nīi ɔhɔtū jɛ̄ nɛ. Ɔhɔtū nīi bū la ūkpɔ̄tū ɔlɛcha̍ri̍cha̍ri̍ ba̍la ɛri̍ya̍ yī ūkpɔ̄tū ɔlɛchra̍da̍da̍ ba̍la ɔtū ode chōche ɔlamu ɔlamu ma̍ nɛ. 6Āchɛ ɛha̍ ma̍ tu̍labɔ̄ hī ochi̍chi̍ yī lɛlā nūma̍, chōo̍chē bi̍yēyī ge̍ ta̍tū lɛlā yī i̍bobo ɔla̍ā la ɔkɔ̄ka. 7E̍ ē chikpo̍ ge̍ē re̍ka āchɛ ongū lihɔ yī Ɔwɔ; e̍ i̍ chī po̍ ochi̍chi̍ yī lɛlā yī oko̍o yī aa̍ ɛlɛjā, kɛ̄ɛ ochi̍chi̍ yī ɔjā nīi e̍ ē ka ē de ɔtū che la anu̍ i̍ngɔ̍ɔ ke̍ke̍ni̍ ma̍ ni̍.
8Alɔ jo̍ōkū hīka Lihɔ - ɔjā ɔnɛ̄ɛhɛhi nɛ, nīi o̍ ge̍ re̍ka e̍ bī ɔ̄ ya̍ kpakpa. 9Alɔ chī ge̍ē jo̍ōkū hwɔhi hwɔhi hīka, lihɔ wa̍a̍ nīi hɔ̄ ma̍ i̍ hɔ̄ wu̍chē yī āchɛ ɛnɛ̄ɛhɛhi ni̍. Lihɔ wa̍a̍ hɔ̄ wu̍chē yī āchɛ ɛbīya lihɔ, āchɛ i̍pɔ̍ɔkɔ yī ɔ̄chɛ ni̍, āchɛ i̍je̍ Ɔwɔ ni̍, āchɛ ɛyɛ̍ɛ̄lā abi̍, āchɛ i̍ya̍ ɔgulɛ̄lā yī Ɔwɔ ni̍, āchɛ nīi i̍ lɛ Uhu yī Ɔwɔ ni̍ ma̍, āchɛ nīi ē ngmo̍ a̍dā kɛ̄ɛ ɛ̍nɛ̍ yī wā ma̍, ba̍la āchɛ ɛngma̍āchɛ. 10Lihɔ hɔ̄ wu̍chē yī āchɛ nīi ē ya̍chi yī lɛlā ba̍la iyī wā ma̍, ba̍la lɛlā yī anyā kɛ̄ɛ angrɔ̄ɔ nīi ē gbo ē tāa ɔ̍nyīnū la ɔpɔ̄pū nīi i̍ lɛ tri̍di̍di̍ ni̍ ma̍, ba̍la āchɛ okpo̍ aɛ̍pɛ̄ la uwī. Lihɔ hɔ̄ wu̍chē yī āchɛ ɛwarīmɛ̄, koko̍o yī lɛlā arīmɛ̄, ba̍la lɛlā ɔyɔ̍ɔ̄ya̍ ɔha̍lɔha̍ wa̍a̍ nīi i̍ ē grāa kpakpa ba̍la lɛlā ongōngū olēchi̍ lēchi̍ ni̍ ma̍. 11Lɛlā olēchi̍ lēchi̍ ongōngū ɔla̍ā nīi ɔ̄chɛ ē ma̍ lipu̍ yī Wɔ̄kā Ɔlwɔnyɛ nīi Ɔwɔ de tū u la abɔ̄ ka amɔ̍lɔ ge̍ ka ma̍ a̍nɛ. Wɔ̄kā Ɔlwɔnyɛ nīi bū la abɔ̄ yī Ɔwɔ nīi - olīgā ke̍ke̍ni̍ ngma̍ la oto̍gbo̍ de ɔ̍ ma̍ nɛ.
Ipɔ̍ɔli da Ɔwɔ o̍be wu̍chē yī lɛha̍ ɔmɔ̍ɔ̄ma̍ yī nū
12N ē da Ikra̍yisi Iji̍sɔ̄ɔsi, Ādādā yī alɔ o̍be myɛ̄grāa-myɛ̄grāa, anu̍ nīi de wɔhu̍ de u nīi n yɛ ē ya̍ u̍ku̍rɔ̍ yī u ē mɛ ma̍. N ē da ɔ̍ o̍be wu̍chē oji̍ nɛ, o̍ gbɛri̍ya̍ tū u ka amɔ̍lɔ hwɔhi, o̍ de abɔ̄ ku u nīi n ge̍ē hɔ̍chɛ̍ yī nū. 13I̍chɔ̍lɔ, n ē chī ka ɔdwɔ̄bi̍ yī nū, ya̍ ɔ̄ ichi̍, pra̍a anu̍ ɛcha̍. N i̍ chɛ̄ku Ɔwɔ ni̍ ma̍, n i̍ je̍ ɔjā nīi n yɛ ē ya̍ i̍chɔ̍lɔ ɔla̍ā ma̍ ni̍. Ɔwɔ chī mlɛ̍ha̍ yī u gba̍a̍ mɛ̍. 14Ādādā yī alɔ kɔ̄ uhwa ɔnɛ̄ɛhɛhi yī nū nīi mwɛbɛ mwɛbɛ ma̍ de u. O̍ gba̍a de ɔtū ode chōche ba̍la ɔhɔtū nīi hɔ̄ la otū ngmo̍tu̍chɛ̄ ba̍la Ikra̍yisi Iji̍sɔ̄ɔsi ma̍ de u. 15Lɛlā olēchi̍ lēchi̍ nīi ngma̍ la ɔnāa po̍, ta̍ahu̍ ni̍ ma̍ hɔ̄ ma̍ nīi n ge̍ē ka a̍nɛ: Ikra̍yisi Iji̍sɔ̄ɔsi wā lipu̍ yī yɛchɛ nūma̍ hɛ̄ɛbɛ ge̍ē hɛ̍ āchɛ ɔyɛ̍ɛ̄lā ɔdwɔ̄bi̍ ē ta̍. Ami - ɔ̄chɛ ɔyɛ̍ɛ̄lā ɔdwɔ̄bi̍ gɔ̄ga wa̍a̍ lipu̍ yī wā a̍nɛ. 16Ɔla̍ā - ohu̍ nīi Ɔwɔ mlɛ̍ha̍ yī u a̍nɛ. O̍ ya̍ i̍ngɔ̍ɔ hɛ̄ɛbɛ nīi Ikra̍yisi Iji̍sɔ̄ɔsi ge̍ē de ɔtū ɔmɔ̄mla yī nū nīi i̍ tɛ̄ɛjī ni̍ ma̍ ē chabɔ̄ bū la lɛlā ɔya̍ ba̍la ami nīi - ɔ̄chɛ ɔyɛ̍ɛ̄lā ɔdwɔ̄bi̍ gɔ̄ga wa̍a̍ ma̍. Onūma̍ ge̍ē lɛ bāa īgbla yī lɛlā ma̍ ē de āchɛ wa̍a̍ nīi ge̍ē de ɔtū che Ikra̍yisi īchāha̍ hɛ̄ɛbɛ ē nāa ɔhɔ̄leyī i̍mɔ̄mɛni̍ ma̍. 17Otūlichō ba̍la rīgā ɔnɔ̄kɔ̄kū ge̍ - iyī Ɔwɔ i̍ngɔ̍ɔ kpɛɛ ku yɛ̄grāa ɔha̍lɔha̍! Anu̍ nīi - Ɔchwɔ̄lɛ̍ ku yɛ̄grāa i̍mɔ̄mɛni̍ ma̍! Anu̍ nīi i̍ ē ko̍ōku̍ ē mɛ ni̍ ma̍! Anu̍ nīi e̍ ē ma̍ ɔ̄ ɔmɔ̍ɔ̄ma̍ ni̍ ma̍! Anu̍ nīi - Ɔwɔ ūkpo̍he i̍ngɔ̍ɔ lōri̍īnū ma̍ nɛ! O̍ ge̍ lɛ i̍ngɔ̍ɔ.
18Iti̍mōti, ɔyi̍ yī u! N de lɛlā nūma̍ tū wɔ la abɔ̄ gala ɔgɔgu yī lɛlā lɔkɔ nīi ɔ̄chɛ ɔkɛrɔ̄ yī Ɔwɔ ka ku̍ wɔ gbi̍chɛ gbi̍chɛ ma̍. Lɛlā ɛla̍ā ge̍ē re̍ka ɛjālɛ̄wu̍ yī wɔ nīi a ge̍ē bī nunu ɔnɛ̄ɛhɛhi nūma̍ a̍nɛ. 19Anu̍ nīi a ge̍ē bī de ɔtū ode chōche ba̍la ɛri̍ya̍ ɔlɛchra̍da̍da̍ yī ūkpɔ̄tū yī wɔ ē gbōgbō a̍nɛ. Āchɛ ɛha̍ ma̍ tu̍labɔ̄ hī ɛri̍ya̍ yī ūkpɔ̄tū yī wā ta̍anū nīi ɔtū ode chōche yī wā ngmla̍a aa̍ bīya i̍ngɔ̍ɔ ke̍e̍ mɛ̍. 20Āchɛ bāa Ihayimɛne̍yūsi ba̍la Alɛsa̍nda ma̍ nɛ. Aa̍ ɛla̍ā, n wa̍ābɔ̄ la aa̍ de Isa̍tan nīi o̍ ge̍ē ngū wā lɛlā nīi e̍ ē pi̍ye̍mā lɛlā ɔdwɔ̄bi̍ ɔka ku̍ Ɔwɔ mɛ̍.
Currently Selected:
1 ITI̍MŌTI 1: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 ITI̍MŌTI 1
1
Owu̍tu
1Ami Ipɔ̍ɔli nīi - ɔlɛrɔ̄ yī Ikra̍yisi Iji̍sɔ̄ɔsi gala ɔgɔgu lɔkɔ nīi Ɔwɔ ɔhɔ̍ɔnyɛta̍ yī alɔ ba̍la Ikra̍yisi Iji̍sɔ̄ɔsi odeyīche yī alɔ ka ɔ̍lɔ ge̍ lɛ ma̍, ami ta̍ īpū nūma̍ a̍nɛ. 2N tɛ̄rɔ̄ nūma̍ hu awɔ, Iti̍mōti; ɔyi̍ yī u lēchi̍ lēchi̍ la ɔpɔ̄pū yī lɛlā nūma̍ nīi alɔ chɛ̄ku Ɔwɔ ma̍.
Ɔwɔ A̍dā ba̍la Ikra̍yisi Iji̍sɔ̄ɔsi nīi - Ādādā yī alɔ ma̍ ge̍ de ɔpiyɛ ba̍la lɛha̍ ɔmɔ̍ɔ̄ma̍ ba̍la ogbodɔ̍dɔ̍ de wɔ.
Ɔna yī lɛlā yī āchɛ ongū lɛlā arīmɛ̄
3N chikpo̍ hīka a ge̍ jī hɔ̄ abɔ̍ɔ la Ɛ̍fɛ̄susi lɔkɔ nīi n koko̍o de wɔ i̍krɔ̍ɔ ɔla̍ā nīi n ga yɛ gāa Imɛsɛdo̍niya ma̍. Āchɛ ɛha̍ gblāa abɔ̍ɔ ē ngū āchɛ lɛlā arīmɛ̄; ka tāa aa̍ nīi e̍ ge̍ pi̍ye̍mā. 4Ka de wa̍ nīi e̍ ge̍ pi̍ye̍mā lɛlā yī wɔ̄chā ɛla̍ā nīi e̍ ē ka ma̍ ba̍la riyī yī ɔ̍kɔ̄kū ɔgbɔɔgba i̍bɔ̍ɔ̄ba̍ ni̍ ɔla̍ā nīi e̍ ē ngū āchɛ ma̍. Wu̍chē oji̍ nɛ, lɛlā eli̍ngɔ̍ɔ ɛla̍ā ta̍tu̍tu̍ yī ahu̍lɛ̄lā ɔtɔ̍ɔ̄ta̍; o̍ i̍ ē bī lɛlā nīi Ɔwɔ miya ma̍ ē jɛ̄ ni̍. Ɔtū ode chōche lōri̍īnū ya̍ i̍ngɔ̍ɔ ē mɛ a̍nɛ. 5Ɔjā nīi - ochi̍chi̍ yī ɔgulɛ̄lā nūma̍ ka̍ta̍ ma̍, ɔya̍ nīi ɔhɔtū jɛ̄ nɛ. Ɔhɔtū nīi bū la ūkpɔ̄tū ɔlɛcha̍ri̍cha̍ri̍ ba̍la ɛri̍ya̍ yī ūkpɔ̄tū ɔlɛchra̍da̍da̍ ba̍la ɔtū ode chōche ɔlamu ɔlamu ma̍ nɛ. 6Āchɛ ɛha̍ ma̍ tu̍labɔ̄ hī ochi̍chi̍ yī lɛlā nūma̍, chōo̍chē bi̍yēyī ge̍ ta̍tū lɛlā yī i̍bobo ɔla̍ā la ɔkɔ̄ka. 7E̍ ē chikpo̍ ge̍ē re̍ka āchɛ ongū lihɔ yī Ɔwɔ; e̍ i̍ chī po̍ ochi̍chi̍ yī lɛlā yī oko̍o yī aa̍ ɛlɛjā, kɛ̄ɛ ochi̍chi̍ yī ɔjā nīi e̍ ē ka ē de ɔtū che la anu̍ i̍ngɔ̍ɔ ke̍ke̍ni̍ ma̍ ni̍.
8Alɔ jo̍ōkū hīka Lihɔ - ɔjā ɔnɛ̄ɛhɛhi nɛ, nīi o̍ ge̍ re̍ka e̍ bī ɔ̄ ya̍ kpakpa. 9Alɔ chī ge̍ē jo̍ōkū hwɔhi hwɔhi hīka, lihɔ wa̍a̍ nīi hɔ̄ ma̍ i̍ hɔ̄ wu̍chē yī āchɛ ɛnɛ̄ɛhɛhi ni̍. Lihɔ wa̍a̍ hɔ̄ wu̍chē yī āchɛ ɛbīya lihɔ, āchɛ i̍pɔ̍ɔkɔ yī ɔ̄chɛ ni̍, āchɛ i̍je̍ Ɔwɔ ni̍, āchɛ ɛyɛ̍ɛ̄lā abi̍, āchɛ i̍ya̍ ɔgulɛ̄lā yī Ɔwɔ ni̍, āchɛ nīi i̍ lɛ Uhu yī Ɔwɔ ni̍ ma̍, āchɛ nīi ē ngmo̍ a̍dā kɛ̄ɛ ɛ̍nɛ̍ yī wā ma̍, ba̍la āchɛ ɛngma̍āchɛ. 10Lihɔ hɔ̄ wu̍chē yī āchɛ nīi ē ya̍chi yī lɛlā ba̍la iyī wā ma̍, ba̍la lɛlā yī anyā kɛ̄ɛ angrɔ̄ɔ nīi ē gbo ē tāa ɔ̍nyīnū la ɔpɔ̄pū nīi i̍ lɛ tri̍di̍di̍ ni̍ ma̍, ba̍la āchɛ okpo̍ aɛ̍pɛ̄ la uwī. Lihɔ hɔ̄ wu̍chē yī āchɛ ɛwarīmɛ̄, koko̍o yī lɛlā arīmɛ̄, ba̍la lɛlā ɔyɔ̍ɔ̄ya̍ ɔha̍lɔha̍ wa̍a̍ nīi i̍ ē grāa kpakpa ba̍la lɛlā ongōngū olēchi̍ lēchi̍ ni̍ ma̍. 11Lɛlā olēchi̍ lēchi̍ ongōngū ɔla̍ā nīi ɔ̄chɛ ē ma̍ lipu̍ yī Wɔ̄kā Ɔlwɔnyɛ nīi Ɔwɔ de tū u la abɔ̄ ka amɔ̍lɔ ge̍ ka ma̍ a̍nɛ. Wɔ̄kā Ɔlwɔnyɛ nīi bū la abɔ̄ yī Ɔwɔ nīi - olīgā ke̍ke̍ni̍ ngma̍ la oto̍gbo̍ de ɔ̍ ma̍ nɛ.
Ipɔ̍ɔli da Ɔwɔ o̍be wu̍chē yī lɛha̍ ɔmɔ̍ɔ̄ma̍ yī nū
12N ē da Ikra̍yisi Iji̍sɔ̄ɔsi, Ādādā yī alɔ o̍be myɛ̄grāa-myɛ̄grāa, anu̍ nīi de wɔhu̍ de u nīi n yɛ ē ya̍ u̍ku̍rɔ̍ yī u ē mɛ ma̍. N ē da ɔ̍ o̍be wu̍chē oji̍ nɛ, o̍ gbɛri̍ya̍ tū u ka amɔ̍lɔ hwɔhi, o̍ de abɔ̄ ku u nīi n ge̍ē hɔ̍chɛ̍ yī nū. 13I̍chɔ̍lɔ, n ē chī ka ɔdwɔ̄bi̍ yī nū, ya̍ ɔ̄ ichi̍, pra̍a anu̍ ɛcha̍. N i̍ chɛ̄ku Ɔwɔ ni̍ ma̍, n i̍ je̍ ɔjā nīi n yɛ ē ya̍ i̍chɔ̍lɔ ɔla̍ā ma̍ ni̍. Ɔwɔ chī mlɛ̍ha̍ yī u gba̍a̍ mɛ̍. 14Ādādā yī alɔ kɔ̄ uhwa ɔnɛ̄ɛhɛhi yī nū nīi mwɛbɛ mwɛbɛ ma̍ de u. O̍ gba̍a de ɔtū ode chōche ba̍la ɔhɔtū nīi hɔ̄ la otū ngmo̍tu̍chɛ̄ ba̍la Ikra̍yisi Iji̍sɔ̄ɔsi ma̍ de u. 15Lɛlā olēchi̍ lēchi̍ nīi ngma̍ la ɔnāa po̍, ta̍ahu̍ ni̍ ma̍ hɔ̄ ma̍ nīi n ge̍ē ka a̍nɛ: Ikra̍yisi Iji̍sɔ̄ɔsi wā lipu̍ yī yɛchɛ nūma̍ hɛ̄ɛbɛ ge̍ē hɛ̍ āchɛ ɔyɛ̍ɛ̄lā ɔdwɔ̄bi̍ ē ta̍. Ami - ɔ̄chɛ ɔyɛ̍ɛ̄lā ɔdwɔ̄bi̍ gɔ̄ga wa̍a̍ lipu̍ yī wā a̍nɛ. 16Ɔla̍ā - ohu̍ nīi Ɔwɔ mlɛ̍ha̍ yī u a̍nɛ. O̍ ya̍ i̍ngɔ̍ɔ hɛ̄ɛbɛ nīi Ikra̍yisi Iji̍sɔ̄ɔsi ge̍ē de ɔtū ɔmɔ̄mla yī nū nīi i̍ tɛ̄ɛjī ni̍ ma̍ ē chabɔ̄ bū la lɛlā ɔya̍ ba̍la ami nīi - ɔ̄chɛ ɔyɛ̍ɛ̄lā ɔdwɔ̄bi̍ gɔ̄ga wa̍a̍ ma̍. Onūma̍ ge̍ē lɛ bāa īgbla yī lɛlā ma̍ ē de āchɛ wa̍a̍ nīi ge̍ē de ɔtū che Ikra̍yisi īchāha̍ hɛ̄ɛbɛ ē nāa ɔhɔ̄leyī i̍mɔ̄mɛni̍ ma̍. 17Otūlichō ba̍la rīgā ɔnɔ̄kɔ̄kū ge̍ - iyī Ɔwɔ i̍ngɔ̍ɔ kpɛɛ ku yɛ̄grāa ɔha̍lɔha̍! Anu̍ nīi - Ɔchwɔ̄lɛ̍ ku yɛ̄grāa i̍mɔ̄mɛni̍ ma̍! Anu̍ nīi i̍ ē ko̍ōku̍ ē mɛ ni̍ ma̍! Anu̍ nīi e̍ ē ma̍ ɔ̄ ɔmɔ̍ɔ̄ma̍ ni̍ ma̍! Anu̍ nīi - Ɔwɔ ūkpo̍he i̍ngɔ̍ɔ lōri̍īnū ma̍ nɛ! O̍ ge̍ lɛ i̍ngɔ̍ɔ.
18Iti̍mōti, ɔyi̍ yī u! N de lɛlā nūma̍ tū wɔ la abɔ̄ gala ɔgɔgu yī lɛlā lɔkɔ nīi ɔ̄chɛ ɔkɛrɔ̄ yī Ɔwɔ ka ku̍ wɔ gbi̍chɛ gbi̍chɛ ma̍. Lɛlā ɛla̍ā ge̍ē re̍ka ɛjālɛ̄wu̍ yī wɔ nīi a ge̍ē bī nunu ɔnɛ̄ɛhɛhi nūma̍ a̍nɛ. 19Anu̍ nīi a ge̍ē bī de ɔtū ode chōche ba̍la ɛri̍ya̍ ɔlɛchra̍da̍da̍ yī ūkpɔ̄tū yī wɔ ē gbōgbō a̍nɛ. Āchɛ ɛha̍ ma̍ tu̍labɔ̄ hī ɛri̍ya̍ yī ūkpɔ̄tū yī wā ta̍anū nīi ɔtū ode chōche yī wā ngmla̍a aa̍ bīya i̍ngɔ̍ɔ ke̍e̍ mɛ̍. 20Āchɛ bāa Ihayimɛne̍yūsi ba̍la Alɛsa̍nda ma̍ nɛ. Aa̍ ɛla̍ā, n wa̍ābɔ̄ la aa̍ de Isa̍tan nīi o̍ ge̍ē ngū wā lɛlā nīi e̍ ē pi̍ye̍mā lɛlā ɔdwɔ̄bi̍ ɔka ku̍ Ɔwɔ mɛ̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)