1 ALITƐSALONA̍YĪKA 4
4
Ɔhɔ̄leyī nīi hi Ɔwɔ ɔtū ma̍
1Aɛ̍nɛ̍ yī u! Je̍ka aa̍ ala̍ ngū bū la abɔ̄ yī alɔ lɔkɔ nīi ala̍ ge̍ē ya̍ ɔhɔ̄leyī nīi hi Ɔwɔ ɔtū ma̍? Ɔpɔ̄pū ɔla̍ā nīi ala̍ chī yɛ ē ya̍ ɔhɔ̄leyī yī ala̍ a̍nɛ. U̍ma̍ama, alɔ yɛ ē ra̍ābɔ̄ de ala̍. Ala̍ chu̍chu̍u, bū la riyī yī Ādā Iji̍sɔ̄ɔsi, ala̍ ā chɛ̄rī nīi ala̍ ge̍ ya̍ i̍ngɔ̍ɔ ga iyɔ̄bū iyɔ̄bū. 2Je̍ka aa̍ ala̍ jo̍ōkū yī lɛlā ongōngū nīi alɔ ngū ala̍ bū la wɔhu̍ yī Ādā Iji̍sɔ̄ɔsi ɔlɔjā ma̍? 3Ɔjā nīi Ɔwɔ chikpo̍ de ala̍ ma̍ re̍ka ɔlɛcha̍cha̍. O̍ chikpo̍ nīi ala̍ ge̍ē lɛ cha̍ri̍cha̍ri̍ hɔ̄ ke̍e̍ hī ya̍chi yī lɛlā ɔyɔ̍ɔ̄ya̍. 4Ɔ̄chɛmɔ̄chɛ lipu̍ yī ala̍ angrɔ̄ɔ ge̍ jɔ̍ɔkɔ ya̍ nīi o̍ ge̍ lɛ ɔnyā wɔ̄bɔ̄bɔ̄ yī nū la ɔpɔ̄pū ɔnɛ̄ɛhɛhi ba̍la otūlichō. 5I̍ ɔya̍ la ɔpɔ̄pū yī a̍hla̍ ɔdwɔ̄bi̍ ji lɔkɔ nīi āchɛ i̍ je̍ Ɔwɔ ni̍ ē ya̍ ma̍ ni̍. 6Lipu̍ yī lɛlā oli̍ngɔ̍ɔ ɔla̍ā, Ɔwɔ i̍ chikpo̍ nīi ɔ̄chɔ̄chɛ ge̍ ya̍ ɔɔ̍nɛ̍ yī nū ɔha̍ abi̍ kɛ̄ɛ ya̍ ɔ̄ re̍ ni̍. Alɔ koko̍o de ala̍ i̍ngɔ̍ɔ je̍ mɛ̍. Alɔ ta̍ ala̍ ɔna hīka, Ādā ge̍ē de ichi̍ ke̍ke̍ni̍ ē de ɔ̄chɛ nīi ge̍ ya̍ i̍ngɔ̍ɔ ma̍. 7Ɔwɔ i̍ hī alɔ ɛra̍ hɛ̄ɛbɛ nīi alɔ ge̍ē hɔ̄ la ya̍chi yī lɛlā ɔyɔ̍ɔ̄ya̍ ni̍. Ɔlɛcha̍cha̍ nīi o̍ hī alɔ yī nū a̍nɛ. 8Wu̍chē yī ɔla̍ā, ɔ̄chɛmɔ̄chɛ nīi ge̍ hi̍hi̍yo̍ yī lɛlā ongōngū nūma̍, i̍ ɔ̄chɛ̄ɛchɛ nīi ɔlɔjā yɛ ē hi̍hi̍yo̍ yī nū a̍ni̍; Ɔwɔ nīi de Uhu Ɔnɛ̄ɛhɛhi yī nū de ala̍ ma̍ nīi o̍ hi̍hi̍yo̍ yī nū a̍nɛ.
9O̍ i̍ ngma̍ nīi n ē gba̍a ē ta̍ īpū kɛlā ku̍ ɔhɔtū ɔlɛ ba̍la aɛ̍nɛ̍ yī ala̍ la abɔ̄ yī Ikra̍yisi ē gɛ ni̍. Ala̍ ɛlɛjā, Ɔwɔ ngū ala̍ wa̍a̍ lɔkɔ nīi ala̍ ge̍ē yɔ̍ɔhɔtū yī ɔ̍nyīnū ma̍ mɛ̍. 10Ala̍ chī yɛ̍ɛ̄lā i̍ngɔ̍ɔ ke̍e̍ pīyeyīta̍ aɛ̍nɛ̍ yī ala̍ wa̍a̍ abɔ̍ɔ la ajɛ yī Imɛsɛdo̍niya mɛ̍. Aɛ̍nɛ̍ yī u, alɔ ra̍ābɔ̄ hīka ala̍ ge̍ ya̍ i̍ngɔ̍ɔ ga iyɔ̄bū iyɔ̄bū. 11Ala̍ ā chɛ̄rī gba̍a̍ nīi ala̍ ge̍ gblāa du̍mɔ̍. Ala̍ ā deyīrɛ u̍ku̍rɔ̍ yī ala̍ ɛlɛjā, ya̍ okpo bī bī iyī ala̍ lɔkɔ nīi alɔ koko̍o de ala̍ o̍bū ma̍. 12Bū la ɔpɔ̄pū nūma̍ ala̍ ge̍ē lɛ otūlichō la eyī yī āchɛ nīi i̍ chɛ̄ku Ɔwɔ ni̍ ma̍. Bū la ɔla̍ā, ɔjāmɔjā nīi ge̍ē ku̍ ala̍ ɔkɔ, ala̍ i̍ ge̍ē gbēyī la ɔ̄chɔ̄chɛ o̍bū lɛ ɔjā ɔ̍lɔma̍ ni̍.
Ɔwɔ̄wā yī Ādādā yī alɔ
13Aɛ̍nɛ̍ yī u, alɔ chikpo̍ nīi ala̍ ge̍ jo̍ōkū lɛlā olēchi̍ lēchi̍ nīi hɔ̄ abɔ̍ɔ ku̍ āchɛ nīi pīyaku̍ mɛ̍ ma̍. Alɔ ya̍ i̍ngɔ̍ɔ lɛbɛ nīi ala̍ i̍ ge̍ē he̍ēyīwɔnɔ bāa āchɛ ɛha̍ nīi i̍ deyīche ɔjɔ̄jā ni̍ ma̍ ni̍. 14Alɔ wa̍a̍ chɛ̄ hīka Iji̍sɔ̄ɔsi pīyaku̍ o̍bū gba̍a hye̍ēyī bū la okū. Bū la ɛbɛ ɔla̍ā, alɔ wa̍a̍ chɛ̄ bɛ̍ɛ̄nɛ̄ hīka āchɛ nīi de ɔtū che Iji̍sɔ̄ɔsi pīyaku̍ la anu̍ ma̍, Ɔwɔ ge̍ē de wa̍ ē hye̍ēyī wā ba̍la Iji̍sɔ̄ɔsi ɔlɔjā.
15Lɛlā nūma̍ nīi alɔ yɛ ē ka ma̍ bū la lɛlā ongōngū yī Ādā ɔlɔjā: Alɔ nīi ge̍ē hɔ̄leyī la Ɔ̄chī ɔla̍ā nīi Ādā ge̍ē wā ma̍ i̍ ge̍ē pīya ē yɔbū de āchɛ nīi pīyaku̍ mɛ̍ ma̍ ni̍. 16Yɛ̄grāa ɔla̍ā, ojiya yī ɔna ge̍ē bīyɛchɛ. Ɔkɔlɛ̄lā yī ɔlɛhu̍ yī ayɛ̍ɛ̄chɛ̄rɔ̄ yī Ɔwɔ ge̍ē bīyɛchɛ. Lɛjī yī Ɔwɔ ɔlɔjā ge̍ē kɛlā. Bɛ̍ɛ̄nɛ̄, Ādā ɔlɔjā ge̍ē bū abɔ̍ɔ la ichō wā. Āchɛ nīi de ɔtū che Ikra̍yisi pīyaku̍ la anu̍ ma̍ ge̍ē hye̍ēyī wā la ɔhɔ̄leyī yɔbɔ̄ɔbū. 17Bɛ̍ɛ̄nɛ̄ ma̍, alɔ nīi ge̍ē hɔ̄leyī la olo̍ ɔla̍ā ma̍, e̍ ge̍ē gla alɔ duu wa̍a̍ ba̍la aa̍ pīya ē yɛ ē grāa Ādā ga abɔ̍ɔ la akpɔ̍ɔwɔ. I̍ngɔ̍ɔ ke̍e̍ nīi o̍ ge̍ē lɛ nīi alɔ ge̍ hɔ̄ ba̍la Ādā yɛ̄grāa ɔha̍lɔha̍ bɛ̍ɛ̄nɛ̄ a̍nɛ. 18O̍ lɛ i̍ngɔ̍ɔ ma̍, ala̍ ya̍ nīi ūkpɔ̄tū ge̍ lɛ ɔ̍nyīnū yaya bū la lɛlā nūma̍ wa̍a̍ gɛ.
Currently Selected:
1 ALITƐSALONA̍YĪKA 4: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 ALITƐSALONA̍YĪKA 4
4
Ɔhɔ̄leyī nīi hi Ɔwɔ ɔtū ma̍
1Aɛ̍nɛ̍ yī u! Je̍ka aa̍ ala̍ ngū bū la abɔ̄ yī alɔ lɔkɔ nīi ala̍ ge̍ē ya̍ ɔhɔ̄leyī nīi hi Ɔwɔ ɔtū ma̍? Ɔpɔ̄pū ɔla̍ā nīi ala̍ chī yɛ ē ya̍ ɔhɔ̄leyī yī ala̍ a̍nɛ. U̍ma̍ama, alɔ yɛ ē ra̍ābɔ̄ de ala̍. Ala̍ chu̍chu̍u, bū la riyī yī Ādā Iji̍sɔ̄ɔsi, ala̍ ā chɛ̄rī nīi ala̍ ge̍ ya̍ i̍ngɔ̍ɔ ga iyɔ̄bū iyɔ̄bū. 2Je̍ka aa̍ ala̍ jo̍ōkū yī lɛlā ongōngū nīi alɔ ngū ala̍ bū la wɔhu̍ yī Ādā Iji̍sɔ̄ɔsi ɔlɔjā ma̍? 3Ɔjā nīi Ɔwɔ chikpo̍ de ala̍ ma̍ re̍ka ɔlɛcha̍cha̍. O̍ chikpo̍ nīi ala̍ ge̍ē lɛ cha̍ri̍cha̍ri̍ hɔ̄ ke̍e̍ hī ya̍chi yī lɛlā ɔyɔ̍ɔ̄ya̍. 4Ɔ̄chɛmɔ̄chɛ lipu̍ yī ala̍ angrɔ̄ɔ ge̍ jɔ̍ɔkɔ ya̍ nīi o̍ ge̍ lɛ ɔnyā wɔ̄bɔ̄bɔ̄ yī nū la ɔpɔ̄pū ɔnɛ̄ɛhɛhi ba̍la otūlichō. 5I̍ ɔya̍ la ɔpɔ̄pū yī a̍hla̍ ɔdwɔ̄bi̍ ji lɔkɔ nīi āchɛ i̍ je̍ Ɔwɔ ni̍ ē ya̍ ma̍ ni̍. 6Lipu̍ yī lɛlā oli̍ngɔ̍ɔ ɔla̍ā, Ɔwɔ i̍ chikpo̍ nīi ɔ̄chɔ̄chɛ ge̍ ya̍ ɔɔ̍nɛ̍ yī nū ɔha̍ abi̍ kɛ̄ɛ ya̍ ɔ̄ re̍ ni̍. Alɔ koko̍o de ala̍ i̍ngɔ̍ɔ je̍ mɛ̍. Alɔ ta̍ ala̍ ɔna hīka, Ādā ge̍ē de ichi̍ ke̍ke̍ni̍ ē de ɔ̄chɛ nīi ge̍ ya̍ i̍ngɔ̍ɔ ma̍. 7Ɔwɔ i̍ hī alɔ ɛra̍ hɛ̄ɛbɛ nīi alɔ ge̍ē hɔ̄ la ya̍chi yī lɛlā ɔyɔ̍ɔ̄ya̍ ni̍. Ɔlɛcha̍cha̍ nīi o̍ hī alɔ yī nū a̍nɛ. 8Wu̍chē yī ɔla̍ā, ɔ̄chɛmɔ̄chɛ nīi ge̍ hi̍hi̍yo̍ yī lɛlā ongōngū nūma̍, i̍ ɔ̄chɛ̄ɛchɛ nīi ɔlɔjā yɛ ē hi̍hi̍yo̍ yī nū a̍ni̍; Ɔwɔ nīi de Uhu Ɔnɛ̄ɛhɛhi yī nū de ala̍ ma̍ nīi o̍ hi̍hi̍yo̍ yī nū a̍nɛ.
9O̍ i̍ ngma̍ nīi n ē gba̍a ē ta̍ īpū kɛlā ku̍ ɔhɔtū ɔlɛ ba̍la aɛ̍nɛ̍ yī ala̍ la abɔ̄ yī Ikra̍yisi ē gɛ ni̍. Ala̍ ɛlɛjā, Ɔwɔ ngū ala̍ wa̍a̍ lɔkɔ nīi ala̍ ge̍ē yɔ̍ɔhɔtū yī ɔ̍nyīnū ma̍ mɛ̍. 10Ala̍ chī yɛ̍ɛ̄lā i̍ngɔ̍ɔ ke̍e̍ pīyeyīta̍ aɛ̍nɛ̍ yī ala̍ wa̍a̍ abɔ̍ɔ la ajɛ yī Imɛsɛdo̍niya mɛ̍. Aɛ̍nɛ̍ yī u, alɔ ra̍ābɔ̄ hīka ala̍ ge̍ ya̍ i̍ngɔ̍ɔ ga iyɔ̄bū iyɔ̄bū. 11Ala̍ ā chɛ̄rī gba̍a̍ nīi ala̍ ge̍ gblāa du̍mɔ̍. Ala̍ ā deyīrɛ u̍ku̍rɔ̍ yī ala̍ ɛlɛjā, ya̍ okpo bī bī iyī ala̍ lɔkɔ nīi alɔ koko̍o de ala̍ o̍bū ma̍. 12Bū la ɔpɔ̄pū nūma̍ ala̍ ge̍ē lɛ otūlichō la eyī yī āchɛ nīi i̍ chɛ̄ku Ɔwɔ ni̍ ma̍. Bū la ɔla̍ā, ɔjāmɔjā nīi ge̍ē ku̍ ala̍ ɔkɔ, ala̍ i̍ ge̍ē gbēyī la ɔ̄chɔ̄chɛ o̍bū lɛ ɔjā ɔ̍lɔma̍ ni̍.
Ɔwɔ̄wā yī Ādādā yī alɔ
13Aɛ̍nɛ̍ yī u, alɔ chikpo̍ nīi ala̍ ge̍ jo̍ōkū lɛlā olēchi̍ lēchi̍ nīi hɔ̄ abɔ̍ɔ ku̍ āchɛ nīi pīyaku̍ mɛ̍ ma̍. Alɔ ya̍ i̍ngɔ̍ɔ lɛbɛ nīi ala̍ i̍ ge̍ē he̍ēyīwɔnɔ bāa āchɛ ɛha̍ nīi i̍ deyīche ɔjɔ̄jā ni̍ ma̍ ni̍. 14Alɔ wa̍a̍ chɛ̄ hīka Iji̍sɔ̄ɔsi pīyaku̍ o̍bū gba̍a hye̍ēyī bū la okū. Bū la ɛbɛ ɔla̍ā, alɔ wa̍a̍ chɛ̄ bɛ̍ɛ̄nɛ̄ hīka āchɛ nīi de ɔtū che Iji̍sɔ̄ɔsi pīyaku̍ la anu̍ ma̍, Ɔwɔ ge̍ē de wa̍ ē hye̍ēyī wā ba̍la Iji̍sɔ̄ɔsi ɔlɔjā.
15Lɛlā nūma̍ nīi alɔ yɛ ē ka ma̍ bū la lɛlā ongōngū yī Ādā ɔlɔjā: Alɔ nīi ge̍ē hɔ̄leyī la Ɔ̄chī ɔla̍ā nīi Ādā ge̍ē wā ma̍ i̍ ge̍ē pīya ē yɔbū de āchɛ nīi pīyaku̍ mɛ̍ ma̍ ni̍. 16Yɛ̄grāa ɔla̍ā, ojiya yī ɔna ge̍ē bīyɛchɛ. Ɔkɔlɛ̄lā yī ɔlɛhu̍ yī ayɛ̍ɛ̄chɛ̄rɔ̄ yī Ɔwɔ ge̍ē bīyɛchɛ. Lɛjī yī Ɔwɔ ɔlɔjā ge̍ē kɛlā. Bɛ̍ɛ̄nɛ̄, Ādā ɔlɔjā ge̍ē bū abɔ̍ɔ la ichō wā. Āchɛ nīi de ɔtū che Ikra̍yisi pīyaku̍ la anu̍ ma̍ ge̍ē hye̍ēyī wā la ɔhɔ̄leyī yɔbɔ̄ɔbū. 17Bɛ̍ɛ̄nɛ̄ ma̍, alɔ nīi ge̍ē hɔ̄leyī la olo̍ ɔla̍ā ma̍, e̍ ge̍ē gla alɔ duu wa̍a̍ ba̍la aa̍ pīya ē yɛ ē grāa Ādā ga abɔ̍ɔ la akpɔ̍ɔwɔ. I̍ngɔ̍ɔ ke̍e̍ nīi o̍ ge̍ē lɛ nīi alɔ ge̍ hɔ̄ ba̍la Ādā yɛ̄grāa ɔha̍lɔha̍ bɛ̍ɛ̄nɛ̄ a̍nɛ. 18O̍ lɛ i̍ngɔ̍ɔ ma̍, ala̍ ya̍ nīi ūkpɔ̄tū ge̍ lɛ ɔ̍nyīnū yaya bū la lɛlā nūma̍ wa̍a̍ gɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)