1 ALITƐSALONA̍YĪKA 3
3
1Alɔ i̍ bīyɔ̄la̍ yī ogbēyī i̍ngɔ̍ɔ mɛ gɛ ni̍ ma̍, alɔ miya hīka alɔ ge̍ē gblāa amu lōra̍alɔ i̍ngɔ̍ɔ la A̍ten ji bɛ̍ɛ̄nɛ̄. 2Alɔ de Iti̍mōti ɔɔ̍nɛ̍ yī alɔ nīi - olu̍ku̍rɔ̍ yī Ɔwɔ ba̍la alɔ la Wɔ̄kā Ɔlwɔnyɛ yī Ikra̍yisi obī ge̍ ka de āchɛ ma̍ tɛ̄rɔ̄. Alɔ de ɔ̍ tɛ̄rɔ̄ hɛ̄ɛbɛ nīi o̍ ge̍ē tū ala̍ wɔbɔ̄ ya̍ nīi ala̍ ē lwɔhu̍ brii la ɔtū ode chōche yī ala̍. 3O̍ ge̍ē tū ala̍ wɔbɔ̄ i̍ngɔ̍ɔ hɛ̄ɛbɛ nīi ala̍ i̍ ge̍ē wa̍ābɔ̄ wu̍chē yī ichi̍ nūma̍ nīi e̍ yɛ ē ya̍ alɔ ma̍ ni̍. Je̍ka aa̍ ala̍ ɛlɛjā jo̍ōkū hīka ita yī ichi̍ eli̍ngɔ̍ɔ ɛla̍ā bū lɔkɔ nīi Ɔwɔ ɔlɔjā chikpo̍ nīi o̍ ge̍ē hɔ̄ de ala̍ ma̍! 4Wu̍chē oji̍ nɛ, yɛ̄grāa nīi alɔ e̍e hɔ̄ tāa ala̍ ma̍, alɔ koko̍o i̍ngɔ̍ɔ lɔ̄lā de ala̍ hīka e̍ ge̍ē ya̍ alɔ ichi̍. Ala̍ chī ma̍ mɛ̍ hīka i̍ngɔ̍ɔ nīi o̍ lɛ hɔ̄ ma̍ bɛ̍ɛ̄nɛ̄ a̍nɛ. 5Ɔla̍ā - ohu̍ nīi n de Iti̍mōti tɛ̄rɔ̄ bɛ̍ɛ̄nɛ̄ a̍nɛ. N i̍ bīyɔ̄la̍ yī nū mɛ gɛ ni̍ ma̍ nīi n de ɔ̍ tɛ̄rɔ̄ hɛ̄ɛbɛ ge̍ē jo̍ōkū lɔkɔ nīi ɔtū ode chōche yī ala̍ lɛ ma̍ a̍nɛ. Lēchi̍ lēchi̍, n chī jo̍ōkū hīka Ɔngūwɛ̄gā i̍ tu̍ ala̍ tū, ya̍ nīi u̍ku̍rɔ̍ nīi alɔ ya̍ wa̍a̍ ma̍ de chāajɛ we̍ ni̍.
6U̍ma̍ama, Iti̍mōti cha bū abɔ̍ɔ la ɛbɛ yī ala̍, bī wɔ̄kā ɔnɛ̄ɛhɛhi yī ɔtū ode chōche ba̍la ɔhɔtū yī ala̍ ge̍ ka de alɔ mɛ̍. O̍ ka de alɔ ka ala̍ ɔ̍lɔ ē gbɛri̍ya̍ tū aɛ̍lɛ hwɔhi hwɔhi myɛ̄grāa-myɛ̄grāa. Ala̍ ɔ̍lɔ yɛ ē chikpo̍ ge̍ē ma̍ aɛ̍lɛ i̍ngi̍ngɔ̍ɔ lɔkɔ nīi aɛ̍lɛ yɛ ē chikpo̍ ge̍ē ma̍ ala̍ ma̍. 7Bū la ɛbɛ ɔla̍ā, ichi̍ wa̍a̍ ba̍la akanya nīi hɔ̄ de alɔ ma̍, lɛlā yī ala̍ ya̍ nīi alɔ de lwɔhu̍ brii ke̍e̍, aɛ̍nɛ̍ yī u. Ɔtū ode chōche yī ala̍ tū alɔ yɛngrɔ̄ɔ ke̍e̍ a̍nɛ. 8Wu̍chē oji̍ nɛ, ala̍ ge̍ yarɛ brii abɔ̍ɔ la ɔhɔ̄leyī nīi ala̍ lɛ la Ādā ma̍, o̍ re̍ka u̍ma̍ama nīi alɔ e̍e hɔ̄hɔ̄leyī lēchi̍ lēchi̍ we̍ a̍nɛ. 9U̍ma̍ama, alɔ ge̍ē da Ɔwɔ o̍be ē de ala̍ ē mɛ bɛ̍ɛ̄nɛ̄. Alɔ yɛ ē da ɔ̍ o̍be wu̍chē yī ɔwɔ̄wīyā nīi alɔ lɛ u̍ma̍ama la iyɔ̄bū yī Ɔwɔ lɛhu̍ yī ala̍ ma̍. 10La otu̍ kɛ̄ɛ yɛnɔ oo, alɔ ē ra̍ābɔ̄ de ɔ̍ la ūkpɔ̄tū wa̍a̍ hīka o̍ ge̍ kɔ̄pɛ̄ ta̍ de alɔ nīi alɔ ē wā ge̍ ma̍ ala̍ la eyī, hɛ̄ɛbɛ nīi alɔ ē tū ala̍ wɔbɔ̄ la ɔtū ode chōche yī ala̍.
11Ɔwɔ yī alɔ nīi - A̍dā yī alɔ ma̍, ba̍la Ādādā yī alɔ, Iji̍sɔ̄ɔsi ge̍ gbla̍a ɔpɔ̄pū lā de alɔ nīi alɔ ē wā dikpo̍ba̍ ala̍. 12Ādā ɔlɔjā ge̍ ya̍ nīi ɔhɔtū nīi ala̍ lɛ de ɔ̍nyīnū ma̍ ba̍la onīi ala̍ lɛ ba̍la āchɛ wa̍a̍ ma̍ ge̍ jɛ̄ ga iyɔ̄bū iyɔ̄bū. O̍ ge̍ ya̍ i̍ngɔ̍ɔ hɛ̄ɛbɛ nīi o̍ ge̍ de lɛ bāa ɔhɔtū nīi alɔ lɛ de ala̍ titi ma̍. 13Bū la ɛbɛ ɔla̍ā, o̍ ge̍ē ya̍ nīi ūkpɔ̄tū yī ala̍ ē de lwɔhu̍ brii. Bɛ̍ɛ̄nɛ̄ ma̍, ala̍ ge̍ē de ē hwɔhi la ɔgɔ̄grāa ē lɛ cha̍cha̍ ke̍e̍ la iyɔ̄bū yī Ɔwɔ A̍dā yī alɔ la olo̍ ɔla̍ā nīi Ādādā yī alɔ, Iji̍sɔ̄ɔsi ge̍ē wā ba̍la āchɛ wa̍a̍ nīi - iyī nū ma̍.
Currently Selected:
1 ALITƐSALONA̍YĪKA 3: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
1 ALITƐSALONA̍YĪKA 3
3
1Alɔ i̍ bīyɔ̄la̍ yī ogbēyī i̍ngɔ̍ɔ mɛ gɛ ni̍ ma̍, alɔ miya hīka alɔ ge̍ē gblāa amu lōra̍alɔ i̍ngɔ̍ɔ la A̍ten ji bɛ̍ɛ̄nɛ̄. 2Alɔ de Iti̍mōti ɔɔ̍nɛ̍ yī alɔ nīi - olu̍ku̍rɔ̍ yī Ɔwɔ ba̍la alɔ la Wɔ̄kā Ɔlwɔnyɛ yī Ikra̍yisi obī ge̍ ka de āchɛ ma̍ tɛ̄rɔ̄. Alɔ de ɔ̍ tɛ̄rɔ̄ hɛ̄ɛbɛ nīi o̍ ge̍ē tū ala̍ wɔbɔ̄ ya̍ nīi ala̍ ē lwɔhu̍ brii la ɔtū ode chōche yī ala̍. 3O̍ ge̍ē tū ala̍ wɔbɔ̄ i̍ngɔ̍ɔ hɛ̄ɛbɛ nīi ala̍ i̍ ge̍ē wa̍ābɔ̄ wu̍chē yī ichi̍ nūma̍ nīi e̍ yɛ ē ya̍ alɔ ma̍ ni̍. Je̍ka aa̍ ala̍ ɛlɛjā jo̍ōkū hīka ita yī ichi̍ eli̍ngɔ̍ɔ ɛla̍ā bū lɔkɔ nīi Ɔwɔ ɔlɔjā chikpo̍ nīi o̍ ge̍ē hɔ̄ de ala̍ ma̍! 4Wu̍chē oji̍ nɛ, yɛ̄grāa nīi alɔ e̍e hɔ̄ tāa ala̍ ma̍, alɔ koko̍o i̍ngɔ̍ɔ lɔ̄lā de ala̍ hīka e̍ ge̍ē ya̍ alɔ ichi̍. Ala̍ chī ma̍ mɛ̍ hīka i̍ngɔ̍ɔ nīi o̍ lɛ hɔ̄ ma̍ bɛ̍ɛ̄nɛ̄ a̍nɛ. 5Ɔla̍ā - ohu̍ nīi n de Iti̍mōti tɛ̄rɔ̄ bɛ̍ɛ̄nɛ̄ a̍nɛ. N i̍ bīyɔ̄la̍ yī nū mɛ gɛ ni̍ ma̍ nīi n de ɔ̍ tɛ̄rɔ̄ hɛ̄ɛbɛ ge̍ē jo̍ōkū lɔkɔ nīi ɔtū ode chōche yī ala̍ lɛ ma̍ a̍nɛ. Lēchi̍ lēchi̍, n chī jo̍ōkū hīka Ɔngūwɛ̄gā i̍ tu̍ ala̍ tū, ya̍ nīi u̍ku̍rɔ̍ nīi alɔ ya̍ wa̍a̍ ma̍ de chāajɛ we̍ ni̍.
6U̍ma̍ama, Iti̍mōti cha bū abɔ̍ɔ la ɛbɛ yī ala̍, bī wɔ̄kā ɔnɛ̄ɛhɛhi yī ɔtū ode chōche ba̍la ɔhɔtū yī ala̍ ge̍ ka de alɔ mɛ̍. O̍ ka de alɔ ka ala̍ ɔ̍lɔ ē gbɛri̍ya̍ tū aɛ̍lɛ hwɔhi hwɔhi myɛ̄grāa-myɛ̄grāa. Ala̍ ɔ̍lɔ yɛ ē chikpo̍ ge̍ē ma̍ aɛ̍lɛ i̍ngi̍ngɔ̍ɔ lɔkɔ nīi aɛ̍lɛ yɛ ē chikpo̍ ge̍ē ma̍ ala̍ ma̍. 7Bū la ɛbɛ ɔla̍ā, ichi̍ wa̍a̍ ba̍la akanya nīi hɔ̄ de alɔ ma̍, lɛlā yī ala̍ ya̍ nīi alɔ de lwɔhu̍ brii ke̍e̍, aɛ̍nɛ̍ yī u. Ɔtū ode chōche yī ala̍ tū alɔ yɛngrɔ̄ɔ ke̍e̍ a̍nɛ. 8Wu̍chē oji̍ nɛ, ala̍ ge̍ yarɛ brii abɔ̍ɔ la ɔhɔ̄leyī nīi ala̍ lɛ la Ādā ma̍, o̍ re̍ka u̍ma̍ama nīi alɔ e̍e hɔ̄hɔ̄leyī lēchi̍ lēchi̍ we̍ a̍nɛ. 9U̍ma̍ama, alɔ ge̍ē da Ɔwɔ o̍be ē de ala̍ ē mɛ bɛ̍ɛ̄nɛ̄. Alɔ yɛ ē da ɔ̍ o̍be wu̍chē yī ɔwɔ̄wīyā nīi alɔ lɛ u̍ma̍ama la iyɔ̄bū yī Ɔwɔ lɛhu̍ yī ala̍ ma̍. 10La otu̍ kɛ̄ɛ yɛnɔ oo, alɔ ē ra̍ābɔ̄ de ɔ̍ la ūkpɔ̄tū wa̍a̍ hīka o̍ ge̍ kɔ̄pɛ̄ ta̍ de alɔ nīi alɔ ē wā ge̍ ma̍ ala̍ la eyī, hɛ̄ɛbɛ nīi alɔ ē tū ala̍ wɔbɔ̄ la ɔtū ode chōche yī ala̍.
11Ɔwɔ yī alɔ nīi - A̍dā yī alɔ ma̍, ba̍la Ādādā yī alɔ, Iji̍sɔ̄ɔsi ge̍ gbla̍a ɔpɔ̄pū lā de alɔ nīi alɔ ē wā dikpo̍ba̍ ala̍. 12Ādā ɔlɔjā ge̍ ya̍ nīi ɔhɔtū nīi ala̍ lɛ de ɔ̍nyīnū ma̍ ba̍la onīi ala̍ lɛ ba̍la āchɛ wa̍a̍ ma̍ ge̍ jɛ̄ ga iyɔ̄bū iyɔ̄bū. O̍ ge̍ ya̍ i̍ngɔ̍ɔ hɛ̄ɛbɛ nīi o̍ ge̍ de lɛ bāa ɔhɔtū nīi alɔ lɛ de ala̍ titi ma̍. 13Bū la ɛbɛ ɔla̍ā, o̍ ge̍ē ya̍ nīi ūkpɔ̄tū yī ala̍ ē de lwɔhu̍ brii. Bɛ̍ɛ̄nɛ̄ ma̍, ala̍ ge̍ē de ē hwɔhi la ɔgɔ̄grāa ē lɛ cha̍cha̍ ke̍e̍ la iyɔ̄bū yī Ɔwɔ A̍dā yī alɔ la olo̍ ɔla̍ā nīi Ādādā yī alɔ, Iji̍sɔ̄ɔsi ge̍ē wā ba̍la āchɛ wa̍a̍ nīi - iyī nū ma̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)