Aliro̍om 15
15
Alɔ ā yɛ̍ɛ̄lā nīi lɛ āchɛ wɔnyɛ ke̍e̍ ma̍
1Alɔ nīi lwɔhu̍ brii la ɔtū ode che Ɔwɔ ma̍, alɔ ge̍ē tū āchɛ nīi i̍ lɛ brii ni̍ ma̍ wɔbɔ̄ la ɔjā nīi lichi̍chi̍ de wa̍ ma̍ a̍nɛ. Alɔ ā yɛ̍ɛ̄lā nīi lɛ alalɔ ɛlɛjā wɔnyɛ ma̍ ni̍. 2Ɔkɔkɔ ɔla̍ā, ɔ̄chɛmɔ̄chɛ ge̍ yɛ̍ɛ̄lā nīi lɛ ɔɔ̍nɛ̍ yī nū wɔnyɛ ma̍ wu̍chē yī ɔnɛ̄ɛhɛhi yī nū. Ɔ̄chɛmɔ̄chɛ ge̍ ya̍ i̍ngɔ̍ɔ hɛ̄ɛbɛ nīi ɔtū ode chōche yī ɔɔ̍nɛ̍ yī nū ge̍ jɛ̄ ga iyɔ̄bū iyɔ̄bū. 3Wu̍chē oji̍ nɛ, Ikra̍yisi ɔlɔjā i̍ yɛ̍ɛ̄lā nīi lɛ anu̍ ɔlɔjā wɔnyɛ ma̍ ni̍. Ɔkɔkɔ ɔla̍ā, o̍ lɛ lɔkɔ nīi Īpū yī Ɔwɔ ka ke̍e̍ ma̍: “Ɛcha̍ nīi āchɛ yɛ ē pra̍a awɔ wa̍a̍ ma̍, ami nīi o̍ de jī lɛhu̍ yī u a̍nɛ.” 4Lɛlāha̍ ɛlāha̍ wa̍a̍ nīi e̍ ta̍ tū la Īpū yī Ɔwɔ ma̍, e̍ ta̍ tū hɛ̄ɛbɛ ge̍ē ngū alɔ lɛlā, hɛ̄ɛbɛ nīi alɔ ge̍ē deyīche. Eyī ode chōche yī alɔ nūma̍ ge̍ē bū la ɔtū ɔmɔ̄mla ba̍la ūkpɔ̄tū yī yɛngrɔ̄ɔ ode de ɔ̄chɛ, lɔkɔ nīi Īpū yī Ɔwɔ ya̍ de alɔ ma̍. 5Ɔwɔ nīi ē de ɔtū ɔmɔ̄mla ba̍la ūkpɔ̄tū yī yɛngrɔ̄ɔ ē de ɔ̄chɛ ma̍ ge̍ ya̍ nīi ala̍ ge̍ yɛ̍ɛ̄lā i̍ngɔ̍ɔ gala ɔgɔgu lɔkɔ nīi Ikra̍yisi Iji̍sɔ̄ɔsi ɔlɔjā lɛ ma̍. 6O̍ ge̍ lɛ i̍ngɔ̍ɔ, hɛ̄ɛbɛ nīi ala̍ wa̍a̍ ge̍ ngmo̍tu̍chɛ̄ bī ɔkɔ ūkpo̍he kā Ɔwɔ Nīi - A̍dā yī Iji̍sɔ̄ɔsi Ikra̍yisi Ādādā yī alɔ ma̍ ɔkɔ̄kā.
Ɛchɛkɔcha titi po̍ Wɔ̄kā Ɔlwɔnyɛ yī Ɔwɔ
7Ala̍ ā tu̍ ɔ̍nyīnū bli̍īyē lɔkɔ nīi Ikra̍yisi ɔlɔjā tu̍ ala̍ bli̍īyē ma̍ gɛ, hɛ̄ɛbɛ nīi āchɛ ge̍ kā Ɔwɔ ɔkɔ̄kā. 8Wu̍chē oji̍ nɛ, Ikra̍yisi de iyī nū pīya ɔ̍chɛ̍ yī āchɛ yī Iju̍u hɛ̄ɛbɛ ge̍ē chabɔ̄ lɔkɔ nīi Ɔwɔ ngma̍ la ode ɔtū che ɔ̍ ma̍. Bū la ɛbɛ ɔla̍ā, o̍ ya̍ nīi oko̍o nīi Ɔwɔ che de a̍dɔ̄kū yī āchɛ yī Iju̍u ma̍ de pīya ichɛ̄ɛhi. 9O̍ gba̍a ya̍ nīi Ɛchɛkɔcha ge̍ē kā Ɔwɔ ɔkɔ̄kā wu̍chē yī lɛha̍ nīi Ɔwɔ ma̍ wā ma̍. O̍ lɛ lɔkɔ nīi Īpū yī Ɔwɔ ka ma̍,
“N ge̍ē to̍gbo̍ de wɔ la olo̍ōlo̍ yī Ɛchɛkɔcha.
N ge̍ē bī riyī yī wɔ ē gwe̍ejē kā wɔ ɔkɔ̄kā.”
10O̍ gba̍a ka ɔha̍ hīka,
“Ɛchɛkɔcha, ala̍ ā wɔ̄wīyā gɛ!
Ala̍ ā wɔ̄wīyā ba̍la āchɛ nīi Ɔwɔ hōhu ma̍ gɛ!”
11O̍ gba̍a ka ɔha̍ hīka,
“Ɛchɛkɔcha, ala̍ ā kā Ādā Nīi - Ɔwɔ Ma̍ ɔkɔ̄kā!
Ala̍ āchɛ̄ɛchɛ wa̍a̍, ala̍ ā kā Ādā ɔkɔ̄kā gɛ!”
12Ayisa̍ya gba̍a ka ɔha̍ hīka,
“Ɔ̄chɛ ɔha̍ bū la wɔma yī Ije̍si yɛ amu yewā.
Ɔwɔ ge̍ē nāa anu̍ hwa̍na̍a nīi o̍ deyīrɛ Ɛchɛkɔcha.
Aa̍ titi chī ge̍ē de ɔtū che ɔ̍.”
13Ɔwɔ nīi ya̍ nīi ɔ̄chɛ ē deyīche ma̍ ge̍ de ɔwɔ̄wīyā ba̍la ogbodɔ̍dɔ̍ mwɛbɛ mwɛbɛ de ala̍ bū la ɔtū nīi ala̍ de che ɔ̍ ma̍! O̍ ge̍ ya̍ i̍ngɔ̍ɔ hɛ̄ɛbɛ nīi eyī ode chōche yī ala̍ ge̍ lɛ brii ga iyɔ̄bū iyɔ̄bū bū la wɔhu̍ yī Uhu Ɔnɛ̄ɛhɛhi yī Ɔwɔ!
Ɔjā nīi hu̍ nīi Ipɔ̍ɔli kɛlā grigri i̍ngɔ̍ɔ la īpū ma̍
14Aɛ̍nɛ̍ yī u, ami ɔlɔjā jo̍ōkū gblɛ̍ɛgblɛ̍ɛ hīka lɛlā ɔnɛ̄ɛhɛhi ba̍la ochi̍chi̍ yī lɛlā ojo̍ōje̍ mu ala̍ iyē omōmu. N jo̍ōkū gblɛ̍ɛgblɛ̍ɛ hīka ala̍ ge̍ē ngū ɔ̍nyīnū lɛlā mɛ. 15Amu lipu̍ yī īpū, lɛlā ibiha̍ nīi n yɛ ē bla ala̍ ɔbɔ̄bla ma̍, n ē ka kpɛ̍ɛ bāa ogrigri. N yɛ ē kɛlā grigri i̍ngɔ̍ɔ wu̍chē yī ɔplɛ̄ɛhi nīi Ɔwɔ de de u 16ka amɔ̍lɔ ge̍ hɔ̍chɛ̍ yī Ikra̍yisi Iji̍sɔ̄ɔsi gāa ge̍ ya̍ u̍ku̍rɔ̍ de Ɛchɛkɔcha ma̍. N hɔ̍chɛ̍ yī nū bāa oligbe yī Ɔwɔ ma̍ yɛ ē bī Wɔ̄kā Ɔlwɔnyɛ yī Ɔwɔ ē koko̍o hɛ̄ɛbɛ nīi Ɛchɛkɔcha ge̍ē de ē lɛ bāa ɔpɔ̄pā nīi Ɔwɔ ē nāa ma̍ la ode iyī wā kwɔbɔ̄ de Ɔwɔ ke̍e̍ bū la abɔ̄ yī Uhu Ɔnɛ̄ɛhɛhi yī Ɔwɔ. 17Bū la otū ngmo̍tu̍chɛ̄ ba̍la Ikra̍yisi Iji̍sɔ̄ɔsi, n ge̍ē wɔ̄wīyā la ɛrɔ̄ nīi n yɛ ē chrāa Ɔwɔ ma̍ mɛ. 18N ge̍ē kɛlā grigri kpɔ̍ɔ̍. O̍ chī - lɛlā ke̍e̍ nīi Ikra̍yisi ya̍ gala abɔ̄ yī u nīi hu̍ nīi Ɛchɛkɔcha ge̍ē pɔ̍ɔkɔ yī Ɔwɔ ma̍ nīi n ge̍ē ka a̍nɛ. Ami hu̍ nīi e̍ pɔ̍ɔkɔ yī Ɔwɔ bū la lɛlā ɔkɔ̄ka ba̍la lɛlā ɔyɔ̍ɔ̄ya̍ yī u a̍nɛ. 19O̍ gba̍a bū la wɔhu̍ yī lɛlā ɔlɛbɛ̍bi̍ ode chabɔ̄, ba̍la wɔhu̍ i̍mamachi̍ ɔyɔ̍ɔ̄ya̍ ba̍la wɔhu̍ yī Uhu yī Ɔwɔ. Ɛyɛ yī u ɔla̍ā nīi n yɛ bū la Ijɛru̍sālɛm wa̍a̍ ge̍ chɛ̄ la Ili̍rīkum ma̍, n koko̍o yī Wɔ̄kā Ɔlwɔnyɛ yī Ikra̍yisi la ɔgɔ̄grāa wa̍a̍ de āchɛ. 20Onīi hla̍ ami ka̍ka̍ka̍ ma̍, ɔgāā ge̍ kā Wɔ̄kā Ɔlwɔnyɛ de āchɛ la ɛbɛ nīi āchɛ i̍ plɛ̍ɛ̄lā ku̍ Ikra̍yisi we̍ ni̍ ma̍ nɛ. N yɛ ē ya̍ i̍ngɔ̍ɔ hɛ̄ɛbɛ nīi n i̍ ge̍ē gwo̍ wɔlɛ̍ che la ichō yī u̍tu yī wɔlɛ̍ nīi ɔ̄chɛ ɔha̍ de tū la ajɛ o̍bū ma̍ ni̍. 21O̍ lɛ lɔkɔ nīi Īpū yī Ɔwɔ ka ma̍:
“Āchɛ nīi e̍ i̍ kɔ̄kɛlā ku̍ ɔ̄ de wa̍ ni̍ ma̍ ge̍ē ma̍ ɔ̄.
Āchɛ nīi i̍ po̍ōplɛ̍ɛ̄lā yī nū we̍ ni̍ ma̍ ge̍ē po̍ ochi̍chi̍ yī lɛlā yī nū.”
Ipɔ̍ɔli miya ge̍ē gāa Iro̍om
22Ɔjā nīi hu̍ nīi n i̍ wā ge̍ ma̍ ala̍ je̍ ni̍ ma̍ bī aa̍ a̍nɛ. 23O̍ gbajɛ lɛ̍yi̍ ɛmɛ̍ɛmla̍a mɛ̍ nīi n yɛ ē chikpo̍ yī ɔwā ge̍ ma̍ ala̍ ma̍. U̍ma̍ama nīi n de u̍ku̍rɔ̍ yī u ya̍ chlɛhu̍ amu la ajɛ yī ɛbɛ nūma̍ ma̍, 24n deyīche ge̍ē wā ge̍ē ma̍ ala̍ bɛ̍ɛ̄nɛ̄. N ge̍ē nyā wā ge̍ē ma̍ ala̍ yɛ̄grāa nīi n ge̍ē ga ē ga ɔcha yī Isipe̍eni ma̍. N ge̍ kwɔ̍ɔnyɛ yī ala̍ pi̍nyɛ̍ o̍bū mɛ̍, ala̍ ē tū u wɔbɔ̄ nīi n ē gānyɔ̄. 25U̍ma̍ama nūma̍, n chrɛ̄ɛrɔ̄ ɔha̍ yɛ amu yɛ gāa Ijɛru̍sālɛm wu̍chē yī āchɛ yī Ɔwɔ nīi gblāa abɔ̍ɔ ma̍. 26Wu̍chē oji̍ nɛ, ogrēeyī yī āchɛ yī Ɔwɔ amu la Imɛsɛdo̍niya ba̍la Igri̍isi lɛ ɔmɔ̄miya la abɔ̄ yī aa̍ ɛlɛjā, de ɔjā tɛ̄rɔ̄ yɛ ge̍ē tū alyeklo̍ nīi tū abɔ̍ɔ lipu̍ yī ogrēeyī yī āchɛ yī Ɔwɔ la Ijɛru̍sālɛm ma̍ wɔbɔ̄ a̍nɛ. 27Aa̍ ɛlɛjā miya ge̍ē ya̍ i̍ngɔ̍ɔ a̍nɛ. La olēchi̍ lēchi̍ ma̍, o̍ ngma̍ nīi e̍ u̍tu ē tū alyeklo̍ ɛla̍ā wɔbɔ̄ i̍ngɔ̍ɔ. Āchɛ nīi - ɛchɛkɔcha ma̍ bɔ̍ɔ̄ba̍ nāa ɔpiyɛ yī uhu ba̍la āchɛ yī Iju̍u mɛ̍; o̍ ngma̍ nīi āchɛ yī Iju̍u titi ē bɔ̍ɔ̄ba̍ nāa ɔpiyɛ yī āɛ̄jā ɔlamu ba̍la Ɛchɛkɔcha. 28N ge̍ kwɛ̍ɛjī la u̍ku̍rɔ̍ ɔnɔ̄kɔ̄kū nūma̍, bī okpo nūma̍ nīi e̍ de tɛ̄rɔ̄ ma̍ ge̍ de wa̍ mɛ̍, n ge̍ē nyɔ̄ yī ɔcha yī Isipe̍eni bɛ̍ɛ̄nɛ̄. Yɛ̄grāa ɔla̍ā nīi n ge̍ē nyā ge̍ē ma̍ ala̍ bɛ̍ɛ̄nɛ̄ a̍nɛ. 29N ge̍ē wā dikpo̍ ē ba̍ ala̍ ma̍, n ge̍ē yɛ la ɔpiyɛ ɔnɔ̄kɔ̄kū ɔla̍ā nīi Ikra̍yisi ē de ma̍ mwɛbɛ mwɛbɛ.
30Ala̍ chu̍chu̍u aɛ̍nɛ̍ yī u! Wu̍chē yī Iji̍sɔ̄ɔsi Ikra̍yisi Ādādā yī alɔ ba̍la ɔhɔtū nīi bū la abɔ̄ yī Uhu yī Ɔwɔ ma̍, ala̍ ba̍la ami ge̍ bɔ̍ɔ̄ba̍ jɔhā lēchi̍ lēchi̍ de Ɔwɔ wu̍chē yī u gɛ. 31Ala̍ ā jɔhā de Ɔwɔ hɛ̄ɛbɛ nīi o̍ ge̍ de u gbōgbō hī āchɛ i̍chɛ̄ ku Ikra̍yisi ni̍ nīi gblāa abɔ̍ɔ la Ijudi̍ya ma̍. Ala̍ ā gba̍a jɔhā hɛ̄ɛbɛ nīi āchɛ yī Ɔwɔ nīi gblāa abɔ̍ɔ la Ijɛru̍sālɛm ma̍ ge̍ nāa ɛrɔ̄ nīi n yɛ chrāa aa̍ ma̍. 32Bū la ɛbɛ ɔla̍ā, n ge̍ē wā dikpo̍ ē ba̍ ala̍ la ɔwɔ̄wīyā mwɛbɛ mwɛbɛ, nīi o̍ ge̍ re̍ka Ɔwɔ chikpo̍ i̍ngɔ̍ɔ. Bɛ̍ɛ̄nɛ̄ ma̍, n ge̍ē hɔ̄ abɔ̍ɔ ē kwɔ̍ɔnyɛ yī ala̍ yɛ̍ɛ̍yɛ̍ o̍bū. 33Ɔwɔ nīi ogbodɔ̍dɔ̍ yī alɔ ē bū la abɔ̄ yī nū ma̍ ge̍ hɔ̄ ba̍la ala̍ wa̍a̍. O̍ ge̍ lɛ i̍ngɔ̍ɔ.
Currently Selected:
Aliro̍om 15: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
Aliro̍om 15
15
Alɔ ā yɛ̍ɛ̄lā nīi lɛ āchɛ wɔnyɛ ke̍e̍ ma̍
1Alɔ nīi lwɔhu̍ brii la ɔtū ode che Ɔwɔ ma̍, alɔ ge̍ē tū āchɛ nīi i̍ lɛ brii ni̍ ma̍ wɔbɔ̄ la ɔjā nīi lichi̍chi̍ de wa̍ ma̍ a̍nɛ. Alɔ ā yɛ̍ɛ̄lā nīi lɛ alalɔ ɛlɛjā wɔnyɛ ma̍ ni̍. 2Ɔkɔkɔ ɔla̍ā, ɔ̄chɛmɔ̄chɛ ge̍ yɛ̍ɛ̄lā nīi lɛ ɔɔ̍nɛ̍ yī nū wɔnyɛ ma̍ wu̍chē yī ɔnɛ̄ɛhɛhi yī nū. Ɔ̄chɛmɔ̄chɛ ge̍ ya̍ i̍ngɔ̍ɔ hɛ̄ɛbɛ nīi ɔtū ode chōche yī ɔɔ̍nɛ̍ yī nū ge̍ jɛ̄ ga iyɔ̄bū iyɔ̄bū. 3Wu̍chē oji̍ nɛ, Ikra̍yisi ɔlɔjā i̍ yɛ̍ɛ̄lā nīi lɛ anu̍ ɔlɔjā wɔnyɛ ma̍ ni̍. Ɔkɔkɔ ɔla̍ā, o̍ lɛ lɔkɔ nīi Īpū yī Ɔwɔ ka ke̍e̍ ma̍: “Ɛcha̍ nīi āchɛ yɛ ē pra̍a awɔ wa̍a̍ ma̍, ami nīi o̍ de jī lɛhu̍ yī u a̍nɛ.” 4Lɛlāha̍ ɛlāha̍ wa̍a̍ nīi e̍ ta̍ tū la Īpū yī Ɔwɔ ma̍, e̍ ta̍ tū hɛ̄ɛbɛ ge̍ē ngū alɔ lɛlā, hɛ̄ɛbɛ nīi alɔ ge̍ē deyīche. Eyī ode chōche yī alɔ nūma̍ ge̍ē bū la ɔtū ɔmɔ̄mla ba̍la ūkpɔ̄tū yī yɛngrɔ̄ɔ ode de ɔ̄chɛ, lɔkɔ nīi Īpū yī Ɔwɔ ya̍ de alɔ ma̍. 5Ɔwɔ nīi ē de ɔtū ɔmɔ̄mla ba̍la ūkpɔ̄tū yī yɛngrɔ̄ɔ ē de ɔ̄chɛ ma̍ ge̍ ya̍ nīi ala̍ ge̍ yɛ̍ɛ̄lā i̍ngɔ̍ɔ gala ɔgɔgu lɔkɔ nīi Ikra̍yisi Iji̍sɔ̄ɔsi ɔlɔjā lɛ ma̍. 6O̍ ge̍ lɛ i̍ngɔ̍ɔ, hɛ̄ɛbɛ nīi ala̍ wa̍a̍ ge̍ ngmo̍tu̍chɛ̄ bī ɔkɔ ūkpo̍he kā Ɔwɔ Nīi - A̍dā yī Iji̍sɔ̄ɔsi Ikra̍yisi Ādādā yī alɔ ma̍ ɔkɔ̄kā.
Ɛchɛkɔcha titi po̍ Wɔ̄kā Ɔlwɔnyɛ yī Ɔwɔ
7Ala̍ ā tu̍ ɔ̍nyīnū bli̍īyē lɔkɔ nīi Ikra̍yisi ɔlɔjā tu̍ ala̍ bli̍īyē ma̍ gɛ, hɛ̄ɛbɛ nīi āchɛ ge̍ kā Ɔwɔ ɔkɔ̄kā. 8Wu̍chē oji̍ nɛ, Ikra̍yisi de iyī nū pīya ɔ̍chɛ̍ yī āchɛ yī Iju̍u hɛ̄ɛbɛ ge̍ē chabɔ̄ lɔkɔ nīi Ɔwɔ ngma̍ la ode ɔtū che ɔ̍ ma̍. Bū la ɛbɛ ɔla̍ā, o̍ ya̍ nīi oko̍o nīi Ɔwɔ che de a̍dɔ̄kū yī āchɛ yī Iju̍u ma̍ de pīya ichɛ̄ɛhi. 9O̍ gba̍a ya̍ nīi Ɛchɛkɔcha ge̍ē kā Ɔwɔ ɔkɔ̄kā wu̍chē yī lɛha̍ nīi Ɔwɔ ma̍ wā ma̍. O̍ lɛ lɔkɔ nīi Īpū yī Ɔwɔ ka ma̍,
“N ge̍ē to̍gbo̍ de wɔ la olo̍ōlo̍ yī Ɛchɛkɔcha.
N ge̍ē bī riyī yī wɔ ē gwe̍ejē kā wɔ ɔkɔ̄kā.”
10O̍ gba̍a ka ɔha̍ hīka,
“Ɛchɛkɔcha, ala̍ ā wɔ̄wīyā gɛ!
Ala̍ ā wɔ̄wīyā ba̍la āchɛ nīi Ɔwɔ hōhu ma̍ gɛ!”
11O̍ gba̍a ka ɔha̍ hīka,
“Ɛchɛkɔcha, ala̍ ā kā Ādā Nīi - Ɔwɔ Ma̍ ɔkɔ̄kā!
Ala̍ āchɛ̄ɛchɛ wa̍a̍, ala̍ ā kā Ādā ɔkɔ̄kā gɛ!”
12Ayisa̍ya gba̍a ka ɔha̍ hīka,
“Ɔ̄chɛ ɔha̍ bū la wɔma yī Ije̍si yɛ amu yewā.
Ɔwɔ ge̍ē nāa anu̍ hwa̍na̍a nīi o̍ deyīrɛ Ɛchɛkɔcha.
Aa̍ titi chī ge̍ē de ɔtū che ɔ̍.”
13Ɔwɔ nīi ya̍ nīi ɔ̄chɛ ē deyīche ma̍ ge̍ de ɔwɔ̄wīyā ba̍la ogbodɔ̍dɔ̍ mwɛbɛ mwɛbɛ de ala̍ bū la ɔtū nīi ala̍ de che ɔ̍ ma̍! O̍ ge̍ ya̍ i̍ngɔ̍ɔ hɛ̄ɛbɛ nīi eyī ode chōche yī ala̍ ge̍ lɛ brii ga iyɔ̄bū iyɔ̄bū bū la wɔhu̍ yī Uhu Ɔnɛ̄ɛhɛhi yī Ɔwɔ!
Ɔjā nīi hu̍ nīi Ipɔ̍ɔli kɛlā grigri i̍ngɔ̍ɔ la īpū ma̍
14Aɛ̍nɛ̍ yī u, ami ɔlɔjā jo̍ōkū gblɛ̍ɛgblɛ̍ɛ hīka lɛlā ɔnɛ̄ɛhɛhi ba̍la ochi̍chi̍ yī lɛlā ojo̍ōje̍ mu ala̍ iyē omōmu. N jo̍ōkū gblɛ̍ɛgblɛ̍ɛ hīka ala̍ ge̍ē ngū ɔ̍nyīnū lɛlā mɛ. 15Amu lipu̍ yī īpū, lɛlā ibiha̍ nīi n yɛ ē bla ala̍ ɔbɔ̄bla ma̍, n ē ka kpɛ̍ɛ bāa ogrigri. N yɛ ē kɛlā grigri i̍ngɔ̍ɔ wu̍chē yī ɔplɛ̄ɛhi nīi Ɔwɔ de de u 16ka amɔ̍lɔ ge̍ hɔ̍chɛ̍ yī Ikra̍yisi Iji̍sɔ̄ɔsi gāa ge̍ ya̍ u̍ku̍rɔ̍ de Ɛchɛkɔcha ma̍. N hɔ̍chɛ̍ yī nū bāa oligbe yī Ɔwɔ ma̍ yɛ ē bī Wɔ̄kā Ɔlwɔnyɛ yī Ɔwɔ ē koko̍o hɛ̄ɛbɛ nīi Ɛchɛkɔcha ge̍ē de ē lɛ bāa ɔpɔ̄pā nīi Ɔwɔ ē nāa ma̍ la ode iyī wā kwɔbɔ̄ de Ɔwɔ ke̍e̍ bū la abɔ̄ yī Uhu Ɔnɛ̄ɛhɛhi yī Ɔwɔ. 17Bū la otū ngmo̍tu̍chɛ̄ ba̍la Ikra̍yisi Iji̍sɔ̄ɔsi, n ge̍ē wɔ̄wīyā la ɛrɔ̄ nīi n yɛ ē chrāa Ɔwɔ ma̍ mɛ. 18N ge̍ē kɛlā grigri kpɔ̍ɔ̍. O̍ chī - lɛlā ke̍e̍ nīi Ikra̍yisi ya̍ gala abɔ̄ yī u nīi hu̍ nīi Ɛchɛkɔcha ge̍ē pɔ̍ɔkɔ yī Ɔwɔ ma̍ nīi n ge̍ē ka a̍nɛ. Ami hu̍ nīi e̍ pɔ̍ɔkɔ yī Ɔwɔ bū la lɛlā ɔkɔ̄ka ba̍la lɛlā ɔyɔ̍ɔ̄ya̍ yī u a̍nɛ. 19O̍ gba̍a bū la wɔhu̍ yī lɛlā ɔlɛbɛ̍bi̍ ode chabɔ̄, ba̍la wɔhu̍ i̍mamachi̍ ɔyɔ̍ɔ̄ya̍ ba̍la wɔhu̍ yī Uhu yī Ɔwɔ. Ɛyɛ yī u ɔla̍ā nīi n yɛ bū la Ijɛru̍sālɛm wa̍a̍ ge̍ chɛ̄ la Ili̍rīkum ma̍, n koko̍o yī Wɔ̄kā Ɔlwɔnyɛ yī Ikra̍yisi la ɔgɔ̄grāa wa̍a̍ de āchɛ. 20Onīi hla̍ ami ka̍ka̍ka̍ ma̍, ɔgāā ge̍ kā Wɔ̄kā Ɔlwɔnyɛ de āchɛ la ɛbɛ nīi āchɛ i̍ plɛ̍ɛ̄lā ku̍ Ikra̍yisi we̍ ni̍ ma̍ nɛ. N yɛ ē ya̍ i̍ngɔ̍ɔ hɛ̄ɛbɛ nīi n i̍ ge̍ē gwo̍ wɔlɛ̍ che la ichō yī u̍tu yī wɔlɛ̍ nīi ɔ̄chɛ ɔha̍ de tū la ajɛ o̍bū ma̍ ni̍. 21O̍ lɛ lɔkɔ nīi Īpū yī Ɔwɔ ka ma̍:
“Āchɛ nīi e̍ i̍ kɔ̄kɛlā ku̍ ɔ̄ de wa̍ ni̍ ma̍ ge̍ē ma̍ ɔ̄.
Āchɛ nīi i̍ po̍ōplɛ̍ɛ̄lā yī nū we̍ ni̍ ma̍ ge̍ē po̍ ochi̍chi̍ yī lɛlā yī nū.”
Ipɔ̍ɔli miya ge̍ē gāa Iro̍om
22Ɔjā nīi hu̍ nīi n i̍ wā ge̍ ma̍ ala̍ je̍ ni̍ ma̍ bī aa̍ a̍nɛ. 23O̍ gbajɛ lɛ̍yi̍ ɛmɛ̍ɛmla̍a mɛ̍ nīi n yɛ ē chikpo̍ yī ɔwā ge̍ ma̍ ala̍ ma̍. U̍ma̍ama nīi n de u̍ku̍rɔ̍ yī u ya̍ chlɛhu̍ amu la ajɛ yī ɛbɛ nūma̍ ma̍, 24n deyīche ge̍ē wā ge̍ē ma̍ ala̍ bɛ̍ɛ̄nɛ̄. N ge̍ē nyā wā ge̍ē ma̍ ala̍ yɛ̄grāa nīi n ge̍ē ga ē ga ɔcha yī Isipe̍eni ma̍. N ge̍ kwɔ̍ɔnyɛ yī ala̍ pi̍nyɛ̍ o̍bū mɛ̍, ala̍ ē tū u wɔbɔ̄ nīi n ē gānyɔ̄. 25U̍ma̍ama nūma̍, n chrɛ̄ɛrɔ̄ ɔha̍ yɛ amu yɛ gāa Ijɛru̍sālɛm wu̍chē yī āchɛ yī Ɔwɔ nīi gblāa abɔ̍ɔ ma̍. 26Wu̍chē oji̍ nɛ, ogrēeyī yī āchɛ yī Ɔwɔ amu la Imɛsɛdo̍niya ba̍la Igri̍isi lɛ ɔmɔ̄miya la abɔ̄ yī aa̍ ɛlɛjā, de ɔjā tɛ̄rɔ̄ yɛ ge̍ē tū alyeklo̍ nīi tū abɔ̍ɔ lipu̍ yī ogrēeyī yī āchɛ yī Ɔwɔ la Ijɛru̍sālɛm ma̍ wɔbɔ̄ a̍nɛ. 27Aa̍ ɛlɛjā miya ge̍ē ya̍ i̍ngɔ̍ɔ a̍nɛ. La olēchi̍ lēchi̍ ma̍, o̍ ngma̍ nīi e̍ u̍tu ē tū alyeklo̍ ɛla̍ā wɔbɔ̄ i̍ngɔ̍ɔ. Āchɛ nīi - ɛchɛkɔcha ma̍ bɔ̍ɔ̄ba̍ nāa ɔpiyɛ yī uhu ba̍la āchɛ yī Iju̍u mɛ̍; o̍ ngma̍ nīi āchɛ yī Iju̍u titi ē bɔ̍ɔ̄ba̍ nāa ɔpiyɛ yī āɛ̄jā ɔlamu ba̍la Ɛchɛkɔcha. 28N ge̍ kwɛ̍ɛjī la u̍ku̍rɔ̍ ɔnɔ̄kɔ̄kū nūma̍, bī okpo nūma̍ nīi e̍ de tɛ̄rɔ̄ ma̍ ge̍ de wa̍ mɛ̍, n ge̍ē nyɔ̄ yī ɔcha yī Isipe̍eni bɛ̍ɛ̄nɛ̄. Yɛ̄grāa ɔla̍ā nīi n ge̍ē nyā ge̍ē ma̍ ala̍ bɛ̍ɛ̄nɛ̄ a̍nɛ. 29N ge̍ē wā dikpo̍ ē ba̍ ala̍ ma̍, n ge̍ē yɛ la ɔpiyɛ ɔnɔ̄kɔ̄kū ɔla̍ā nīi Ikra̍yisi ē de ma̍ mwɛbɛ mwɛbɛ.
30Ala̍ chu̍chu̍u aɛ̍nɛ̍ yī u! Wu̍chē yī Iji̍sɔ̄ɔsi Ikra̍yisi Ādādā yī alɔ ba̍la ɔhɔtū nīi bū la abɔ̄ yī Uhu yī Ɔwɔ ma̍, ala̍ ba̍la ami ge̍ bɔ̍ɔ̄ba̍ jɔhā lēchi̍ lēchi̍ de Ɔwɔ wu̍chē yī u gɛ. 31Ala̍ ā jɔhā de Ɔwɔ hɛ̄ɛbɛ nīi o̍ ge̍ de u gbōgbō hī āchɛ i̍chɛ̄ ku Ikra̍yisi ni̍ nīi gblāa abɔ̍ɔ la Ijudi̍ya ma̍. Ala̍ ā gba̍a jɔhā hɛ̄ɛbɛ nīi āchɛ yī Ɔwɔ nīi gblāa abɔ̍ɔ la Ijɛru̍sālɛm ma̍ ge̍ nāa ɛrɔ̄ nīi n yɛ chrāa aa̍ ma̍. 32Bū la ɛbɛ ɔla̍ā, n ge̍ē wā dikpo̍ ē ba̍ ala̍ la ɔwɔ̄wīyā mwɛbɛ mwɛbɛ, nīi o̍ ge̍ re̍ka Ɔwɔ chikpo̍ i̍ngɔ̍ɔ. Bɛ̍ɛ̄nɛ̄ ma̍, n ge̍ē hɔ̄ abɔ̍ɔ ē kwɔ̍ɔnyɛ yī ala̍ yɛ̍ɛ̍yɛ̍ o̍bū. 33Ɔwɔ nīi ogbodɔ̍dɔ̍ yī alɔ ē bū la abɔ̄ yī nū ma̍ ge̍ hɔ̄ ba̍la ala̍ wa̍a̍. O̍ ge̍ lɛ i̍ngɔ̍ɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)