Aliro̍om 14
14
Ala̍ e̍e hɛ̍ ɔ̍nyīnū lɛpɔ̄ ɔdwɔ̄bi̍ ni̍
1Ɔ̄chɛ ɔha̍ ge̍ hɔ̄ abɔ̍ɔ la olo̍ōlo̍ yī ala̍ nīi ɔtū ode chōche yī nū i̍ ge̍ lɔ̄lɛ brii ni̍, ala̍ tu̍ ɔ̄ bli̍īyē yɛ̍yɛ̍. Ala̍ e̍e ta̍ahu̍ ba̍la anu̍ wu̍chē yī lɛlā nīi anu̍ ɔlɔjā gbɛri̍ya̍ ma̍ ni̍. 2Ɔtū ode chōche yī āchɛ ɛha̍ ma̍ ē bī wā ɔtū nīi e̍ ē re̍ ɔjāha̍ ɔjāha̍ ji ē mɛ. Ɔ̄chɛ nīi ɔtū ode chōche yī nū i̍ lɛ brii ni̍ ma̍ i̍ chɛ̄ re̍ ɛbɛ̍ ita ɔha̍lɔha̍ ji ni̍, ɔ̍chi̍kpa̍kpa̍ īpū yī ɔrɔ̄ ke̍e̍. 3Ɔ̄chɛ nīi ē re̍ ojōre̍ ita ɔha̍lɔha̍ i̍ngɔ̍ɔ ma̍ ge̍ e̍e chi̍hi̍ya̍ yī onīi i̍ ē re̍ ni̍ ma̍ ni̍. Anu̍ ɔ̄chɛ nīi chī re̍ īpīpū yī ɔrɔ̄ ke̍e̍ ma̍ titi ge̍ e̍e ya̍ onīi ē re̍ ɔha̍lɔha̍ ji ma̍ la oko̍o ni̍. Wu̍chē oji̍ nɛ, Ɔwɔ pi anu̍ nūma̍ bli̍īyē mɛ̍. 4Awɔ u̍tu - ɔ̄nyɛ nɛ nīi ge̍ ya̍ ɔ̍chɛ̍ yī ɔ̄chɛ ɔha̍ lɛfiyɛ ma̍? Je̍ka aa̍ abā yī nū ge̍ē ka hīka ɔ̍lɔ ya̍ yɛ̍yɛ̍ kɛ̄ɛ ɔ̍lɔ i̍ ya̍ yɛ̍yɛ̍ ni̍ a̍nɛ? O̍ chī ge̍ē ya̍ yɛ̍yɛ̍; wu̍chē oji̍ nɛ, Ādā ɔlɔjā lwɔhu̍ ge̍ē ya̍ nīi o̍ ē ya̍ yɛ̍yɛ̍ mɛ.
5Ɔ̄chɛ ɔha̍ ē gbɛri̍ya̍ ka ɔ̄chī ɔha̍ ɔ̍lɔ - ɔ̄chī ɔnɔ̄kɔ̄kū hi̍ ɔha̍ nɛ; ɔ̄chɛ ɔha̍ ge̍ chī gbɛri̍ya̍ ka ɔ̄chī wa̍a̍ ɛ̍lɛ jɔ̄ɔ̄jɛ̄. Ɔnyɔnyɛ ge̍ bī ɛri̍ya̍ ogbōgbo yī nū abɔ̍ɔ brii gɛ. 6Je̍ka ɔ̄chɛ nīi de ɔtū che ka ɔ̄chī ɔha̍ ɔ̍lɔ - ɔ̄chī ɔnɔ̄kɔ̄kū hi̍ ɔha̍ nɛ ma̍ yɛ ē ya̍ hɛ̄ɛbɛ ge̍ de otūlichō de Ādā Nīi - Ɔwɔ Ma̍. Ɔ̄chɛ nīi ē re̍ ɔjāha̍ ɔjāha̍ ji ma̍ chī yɛ ē ya̍ i̍ngɔ̍ɔ wu̍chē yī otūlichō de Ɔwɔ; wu̍chē oji̍ nɛ, o̍ ē da Ɔwɔ o̍be yī ɔjā nīi o̍ ē re̍ ma̍. 7Ɔ̄chɔ̄chɛ lipu̍ yī ala̍ i̍ hɔ̄leyī de iyī anu̍ ɔlɔjā ka̍ta̍ ni̍. Ɔ̄chɔ̄chɛ i̍ ē chī pīyēku̍ de iyī anu̍ ɔlɔjā ka̍ta̍ ni̍. 8Alɔ ge̍ hɔ̄leyī, Ādā Nīi - Ɔwɔ Ma̍ nīi alɔ hɔ̄ de ɔ̍ a̍nɛ. Alɔ ge̍ chī pīyaku̍, Ādā Nīi - Ɔwɔ Ma̍ nīi alɔ ku̍ de ɔ̍ a̍nɛ. Bū la ɛbɛ ɔla̍ā, o̍ ge̍ ro̍ōre̍ka alɔ hɔ̄leyī kɛ̄ɛ ko̍ōku̍ oo, Ādā Nīi - Ɔwɔ Ma̍ nīi alɔ - iyī nū a̍nɛ. 9Wu̍chē oji̍ nɛ, Ikra̍yisi ɔlɔjā pīyaku̍ o̍bū gba̍a hye̍ēyī la okū wā la ɔhɔ̄leyī hɛ̄ɛbɛ nīi o̍ ge̍ de ē pīya Ādādā yī āchɛ ɔhɔ̄leyī ba̍la āchɛ nīi ko̍ōku̍ ma̍. 10Bɛ̍ɛ̄nɛ̄ ma̍, oji̍ - ohu̍ nīi a yɛ ē ya̍ ɔɔ̍nɛ̍ yī wɔ lɛfiyɛ ma̍? Oji̍ - ohu̍ nīi a yɛ ē chi̍hi̍ya̍ yī ɔɔ̍nɛ̍ yī wɔ ma̍? Je̍ka aa̍ alɔ wa̍a̍ ge̍ rɛ la iyɔ̄bū yī Ɔwɔ nīi o̍ klɛpɔ̄ tāa alɔ. 11Wu̍chē oji̍ nɛ, Īpū yī Ɔwɔ ka ɔ̍lɔ ge̍,
“Ami Ādā ka a̍nɛ.
Kpɛɛ nīi n hɔ̄leyī ma̍,
ɔ̄chɛmɔ̄chɛ ge̍ē de ūnōowu ē tāajɛ ē de u.
Ɔ̄chɛmɔ̄chɛ ge̍ē de ka ē hi̍yɛchɛ hwōō hīka amɔ̍lɔ - Ɔwɔ nɛ.”
12O̍ lɛ i̍ngɔ̍ɔ ma̍, Ɔwɔ nīi ɔ̄chɛmɔ̄chɛ lipu̍ yī alɔ ge̍ē koko̍o yī lɛlā yī nū wa̍a̍ la iyɔ̄bū yī nū a̍nɛ.
Ala̍ e̍e ya̍ nīi ɔɔ̍nɛ̍ yī ala̍ ge̍ gwāajɛ ni̍
13Wu̍chē yī ɔla̍ā, alɔ ā pi̍ye̍mā la ɔya̍ ɔ̍nyīnū lɛfiyɛ gɛ. Ɔkɔkɔ ɔla̍ā, i̍ngɛ̍ɛ̄nɛ̄ ngma̍ nīi alɔ ge̍ē miya a̍nɛ: Alɔ ā ya̍ lɛlɛ̄lā nīi ge̍ē ya̍ nīi ɔɔ̍nɛ̍ yī alɔ ɔha̍ ge̍ē ti̍ingla̍ kɛ̄ɛ ngma̍ ta̍tū la lɛlā ɔdwɔ̄bi̍ ma̍ ni̍. 14Otōtū nīi n tū ngmo̍tu̍chɛ̄ ba̍la Ādā Iji̍sɔ̄ɔsi ma̍ ya̍ nīi n jo̍ōkū gblɛ̍ɛgblɛ̍ɛ hīka, ɔjɔ̄jā i̍ bri̍īnyī wɔ̄bɔ̄bɔ̄ yī nū ni̍. Ɔ̄chɛ ge̍ chī de ɔtū che hīka ɔjā ɔha̍ ɔ̍lɔ bri̍īnyī, bū la ɛbɛ ɔla̍ā ɔjā ɔ̍lɔma̍ ē de ē bri̍īnyī ē de ɔlɔjā. 15A ge̍ chī ya̍ nīi ɔɔ̍nɛ̍ yī wɔ ɔha̍ de wɔ̍ɔ̄tū wu̍chē yī ita yī ojōre̍ nīi a re̍ ma̍, o̍ re̍ka a i̍ yɛ̍ɛ̄lā ɔla̍ā gala ɔpɔ̄pū yī ɔhɔtū ni̍. Ala̍ e̍e chɛ̄ nīi ita yī ojōre̍ nīi ala̍ ē re̍ ma̍ ge̍ de ɔ̄chɛ nīi Ikra̍yisi pīyaku̍ lɛhu̍ yī nū ma̍ bīya ni̍. 16Ala̍ e̍e chɛ̄ nīi lɛlā nīi ala̍ nāa anu̍ bāa lɛlā ɔhwɔhi ma̍ ge̍ chōo̍chē nāa riyī ɔdwɔ̄bi̍ ni̍. 17Wu̍chē oji̍ nɛ, lɛlā yī ɔchwɔ̄lɛ̍ Oro̍ōre̍ yī Ɔwɔ i̍ lā ku ojōre̍ oro̍ōre̍ kɛ̄ɛ ɔjā ɔgwɔ̍ɔ̄gwa̍ ni̍. Ode lɛ kpakpa la eyī yī Ɔwɔ, ba̍la ogbodɔ̍dɔ̍ ba̍la ɔwɔ̄wīyā nīi Uhu yī Ɔwɔ, ē de ma̍, anu̍ hɔ̄ la anu̍ a̍nɛ. 18Ɔ̄chɛ nīi ge̍ hɔ̍chɛ̍ yī Ikra̍yisi gala ɔpɔ̄pū oli̍ngɛ̍ɛ̄nɛ̄ nūma̍, ɔlɔjā ge̍ē ya̍ lɛ Ɔwɔ wɔnyɛ. Āchɛ̄ɛchɛ chī ge̍ē gba̍a ē ka ɔnɛ̄ɛhɛhi yī ɔ̄chɛ ɔlɔjā.
19O̍ lɛ i̍ngɔ̍ɔ ma̍, alɔ ā deyīku lɛlā nīi ge̍ē bī ogbodɔ̍dɔ̍ wā ma̍ myɛ̄grāa-myɛ̄grāa gɛ. Alɔ ā ya̍ ɔjā nīi ge̍ē tū ɔ̍nyīnū wɔbɔ̄ nīi o̍ ge̍ē lɛ brii ma̍ myɛ̄grāa-myɛ̄grāa. 20Ala̍ e̍e wu̍chē yī ojōre̍ de ɔjā nīi Ɔwɔ ya̍ ma̍ chāajɛ ni̍. Ojōre̍ wa̍a̍ hɔ̄ la oro̍ōre̍. Ojōre̍ oro̍ōre̍ ɔha̍ ge̍ chī yɛ ge̍ē hu̍ nīi ɔɔ̍nɛ̍ yī wɔ ē ngma̍ ta̍tū la lɛlā ɔdwɔ̄bi̍, ɔ̍lɔma̍ o̍ i̍ hwɔhi ni̍. 21Ɔjā nīi grāa kpakpa la ɔyɔ̍ɔ̄ya̍ ma̍, ala̍ ā gwō gbo̍o̍ hī ɛbɛ̍ oro̍ōre̍, kɛ̄ɛ ɛ̍mwɔ̄ ɔgwɔ̍ɔ̄gwa̍, kɛ̄ɛ lɛlāha̍ ɛlāha̍ ɔyɔ̍ɔ̄ya̍ ji nīi ge̍ē hu̍ nīi ɔɔ̍nɛ̍ yī ala̍ ɔha̍ ge̍ē gwāajɛ ma̍. 22Lɛlā nīi a jo̍ōkū hwɔhi hwɔhi ku̍ ɔjā oli̍ngɔ̍ɔ ma̍, de gbōgbō de iyī awɔ ɔlɔjā ba̍la Ɔwɔ. A̍hōhi ge̍ iyī ɔ̄chɛ nīi yɛ̍ɛ̄lā nīi anu̍ ɔlɔjā chɛ̄ hwɔhi hwɔhi nīi o̍ i̍ chōo̍chē ya̍ iyī nū lɛfiyɛ ihihi ni̍ ma̍! 23Ɔlɔjā ge̍ chī yɛ ē ta̍ahu̍ abɔ̍ɔ la ūkpɔ̄tū ūkpɔ̄tū o̍bū chōo̍chē re̍ ɔjā ɔ̍lɔma̍, Ɔwɔ ge̍ē hɛ̍ ɔlɔjā lɛpɔ̄ ɔdwɔ̄bi̍ nīi o̍ ge̍ de ɔjā ɔla̍ā re̍ ma̍. Wu̍chē oji̍ nɛ, ɔlɔjā i̍ yɛ̍ɛ̄lā ɔla̍ā bū la ɔtū ode chōche yī nū ni̍. Ɔjāha̍ ɔjāha̍ nīi i̍ ge̍ de lɛhu̍ che la ɔtū ode chōche ni̍ - lɛlā ɔdwɔ̄bi̍ ɔyɔ̍ɔ̄ya̍ nɛ.
Currently Selected:
Aliro̍om 14: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
Aliro̍om 14
14
Ala̍ e̍e hɛ̍ ɔ̍nyīnū lɛpɔ̄ ɔdwɔ̄bi̍ ni̍
1Ɔ̄chɛ ɔha̍ ge̍ hɔ̄ abɔ̍ɔ la olo̍ōlo̍ yī ala̍ nīi ɔtū ode chōche yī nū i̍ ge̍ lɔ̄lɛ brii ni̍, ala̍ tu̍ ɔ̄ bli̍īyē yɛ̍yɛ̍. Ala̍ e̍e ta̍ahu̍ ba̍la anu̍ wu̍chē yī lɛlā nīi anu̍ ɔlɔjā gbɛri̍ya̍ ma̍ ni̍. 2Ɔtū ode chōche yī āchɛ ɛha̍ ma̍ ē bī wā ɔtū nīi e̍ ē re̍ ɔjāha̍ ɔjāha̍ ji ē mɛ. Ɔ̄chɛ nīi ɔtū ode chōche yī nū i̍ lɛ brii ni̍ ma̍ i̍ chɛ̄ re̍ ɛbɛ̍ ita ɔha̍lɔha̍ ji ni̍, ɔ̍chi̍kpa̍kpa̍ īpū yī ɔrɔ̄ ke̍e̍. 3Ɔ̄chɛ nīi ē re̍ ojōre̍ ita ɔha̍lɔha̍ i̍ngɔ̍ɔ ma̍ ge̍ e̍e chi̍hi̍ya̍ yī onīi i̍ ē re̍ ni̍ ma̍ ni̍. Anu̍ ɔ̄chɛ nīi chī re̍ īpīpū yī ɔrɔ̄ ke̍e̍ ma̍ titi ge̍ e̍e ya̍ onīi ē re̍ ɔha̍lɔha̍ ji ma̍ la oko̍o ni̍. Wu̍chē oji̍ nɛ, Ɔwɔ pi anu̍ nūma̍ bli̍īyē mɛ̍. 4Awɔ u̍tu - ɔ̄nyɛ nɛ nīi ge̍ ya̍ ɔ̍chɛ̍ yī ɔ̄chɛ ɔha̍ lɛfiyɛ ma̍? Je̍ka aa̍ abā yī nū ge̍ē ka hīka ɔ̍lɔ ya̍ yɛ̍yɛ̍ kɛ̄ɛ ɔ̍lɔ i̍ ya̍ yɛ̍yɛ̍ ni̍ a̍nɛ? O̍ chī ge̍ē ya̍ yɛ̍yɛ̍; wu̍chē oji̍ nɛ, Ādā ɔlɔjā lwɔhu̍ ge̍ē ya̍ nīi o̍ ē ya̍ yɛ̍yɛ̍ mɛ.
5Ɔ̄chɛ ɔha̍ ē gbɛri̍ya̍ ka ɔ̄chī ɔha̍ ɔ̍lɔ - ɔ̄chī ɔnɔ̄kɔ̄kū hi̍ ɔha̍ nɛ; ɔ̄chɛ ɔha̍ ge̍ chī gbɛri̍ya̍ ka ɔ̄chī wa̍a̍ ɛ̍lɛ jɔ̄ɔ̄jɛ̄. Ɔnyɔnyɛ ge̍ bī ɛri̍ya̍ ogbōgbo yī nū abɔ̍ɔ brii gɛ. 6Je̍ka ɔ̄chɛ nīi de ɔtū che ka ɔ̄chī ɔha̍ ɔ̍lɔ - ɔ̄chī ɔnɔ̄kɔ̄kū hi̍ ɔha̍ nɛ ma̍ yɛ ē ya̍ hɛ̄ɛbɛ ge̍ de otūlichō de Ādā Nīi - Ɔwɔ Ma̍. Ɔ̄chɛ nīi ē re̍ ɔjāha̍ ɔjāha̍ ji ma̍ chī yɛ ē ya̍ i̍ngɔ̍ɔ wu̍chē yī otūlichō de Ɔwɔ; wu̍chē oji̍ nɛ, o̍ ē da Ɔwɔ o̍be yī ɔjā nīi o̍ ē re̍ ma̍. 7Ɔ̄chɔ̄chɛ lipu̍ yī ala̍ i̍ hɔ̄leyī de iyī anu̍ ɔlɔjā ka̍ta̍ ni̍. Ɔ̄chɔ̄chɛ i̍ ē chī pīyēku̍ de iyī anu̍ ɔlɔjā ka̍ta̍ ni̍. 8Alɔ ge̍ hɔ̄leyī, Ādā Nīi - Ɔwɔ Ma̍ nīi alɔ hɔ̄ de ɔ̍ a̍nɛ. Alɔ ge̍ chī pīyaku̍, Ādā Nīi - Ɔwɔ Ma̍ nīi alɔ ku̍ de ɔ̍ a̍nɛ. Bū la ɛbɛ ɔla̍ā, o̍ ge̍ ro̍ōre̍ka alɔ hɔ̄leyī kɛ̄ɛ ko̍ōku̍ oo, Ādā Nīi - Ɔwɔ Ma̍ nīi alɔ - iyī nū a̍nɛ. 9Wu̍chē oji̍ nɛ, Ikra̍yisi ɔlɔjā pīyaku̍ o̍bū gba̍a hye̍ēyī la okū wā la ɔhɔ̄leyī hɛ̄ɛbɛ nīi o̍ ge̍ de ē pīya Ādādā yī āchɛ ɔhɔ̄leyī ba̍la āchɛ nīi ko̍ōku̍ ma̍. 10Bɛ̍ɛ̄nɛ̄ ma̍, oji̍ - ohu̍ nīi a yɛ ē ya̍ ɔɔ̍nɛ̍ yī wɔ lɛfiyɛ ma̍? Oji̍ - ohu̍ nīi a yɛ ē chi̍hi̍ya̍ yī ɔɔ̍nɛ̍ yī wɔ ma̍? Je̍ka aa̍ alɔ wa̍a̍ ge̍ rɛ la iyɔ̄bū yī Ɔwɔ nīi o̍ klɛpɔ̄ tāa alɔ. 11Wu̍chē oji̍ nɛ, Īpū yī Ɔwɔ ka ɔ̍lɔ ge̍,
“Ami Ādā ka a̍nɛ.
Kpɛɛ nīi n hɔ̄leyī ma̍,
ɔ̄chɛmɔ̄chɛ ge̍ē de ūnōowu ē tāajɛ ē de u.
Ɔ̄chɛmɔ̄chɛ ge̍ē de ka ē hi̍yɛchɛ hwōō hīka amɔ̍lɔ - Ɔwɔ nɛ.”
12O̍ lɛ i̍ngɔ̍ɔ ma̍, Ɔwɔ nīi ɔ̄chɛmɔ̄chɛ lipu̍ yī alɔ ge̍ē koko̍o yī lɛlā yī nū wa̍a̍ la iyɔ̄bū yī nū a̍nɛ.
Ala̍ e̍e ya̍ nīi ɔɔ̍nɛ̍ yī ala̍ ge̍ gwāajɛ ni̍
13Wu̍chē yī ɔla̍ā, alɔ ā pi̍ye̍mā la ɔya̍ ɔ̍nyīnū lɛfiyɛ gɛ. Ɔkɔkɔ ɔla̍ā, i̍ngɛ̍ɛ̄nɛ̄ ngma̍ nīi alɔ ge̍ē miya a̍nɛ: Alɔ ā ya̍ lɛlɛ̄lā nīi ge̍ē ya̍ nīi ɔɔ̍nɛ̍ yī alɔ ɔha̍ ge̍ē ti̍ingla̍ kɛ̄ɛ ngma̍ ta̍tū la lɛlā ɔdwɔ̄bi̍ ma̍ ni̍. 14Otōtū nīi n tū ngmo̍tu̍chɛ̄ ba̍la Ādā Iji̍sɔ̄ɔsi ma̍ ya̍ nīi n jo̍ōkū gblɛ̍ɛgblɛ̍ɛ hīka, ɔjɔ̄jā i̍ bri̍īnyī wɔ̄bɔ̄bɔ̄ yī nū ni̍. Ɔ̄chɛ ge̍ chī de ɔtū che hīka ɔjā ɔha̍ ɔ̍lɔ bri̍īnyī, bū la ɛbɛ ɔla̍ā ɔjā ɔ̍lɔma̍ ē de ē bri̍īnyī ē de ɔlɔjā. 15A ge̍ chī ya̍ nīi ɔɔ̍nɛ̍ yī wɔ ɔha̍ de wɔ̍ɔ̄tū wu̍chē yī ita yī ojōre̍ nīi a re̍ ma̍, o̍ re̍ka a i̍ yɛ̍ɛ̄lā ɔla̍ā gala ɔpɔ̄pū yī ɔhɔtū ni̍. Ala̍ e̍e chɛ̄ nīi ita yī ojōre̍ nīi ala̍ ē re̍ ma̍ ge̍ de ɔ̄chɛ nīi Ikra̍yisi pīyaku̍ lɛhu̍ yī nū ma̍ bīya ni̍. 16Ala̍ e̍e chɛ̄ nīi lɛlā nīi ala̍ nāa anu̍ bāa lɛlā ɔhwɔhi ma̍ ge̍ chōo̍chē nāa riyī ɔdwɔ̄bi̍ ni̍. 17Wu̍chē oji̍ nɛ, lɛlā yī ɔchwɔ̄lɛ̍ Oro̍ōre̍ yī Ɔwɔ i̍ lā ku ojōre̍ oro̍ōre̍ kɛ̄ɛ ɔjā ɔgwɔ̍ɔ̄gwa̍ ni̍. Ode lɛ kpakpa la eyī yī Ɔwɔ, ba̍la ogbodɔ̍dɔ̍ ba̍la ɔwɔ̄wīyā nīi Uhu yī Ɔwɔ, ē de ma̍, anu̍ hɔ̄ la anu̍ a̍nɛ. 18Ɔ̄chɛ nīi ge̍ hɔ̍chɛ̍ yī Ikra̍yisi gala ɔpɔ̄pū oli̍ngɛ̍ɛ̄nɛ̄ nūma̍, ɔlɔjā ge̍ē ya̍ lɛ Ɔwɔ wɔnyɛ. Āchɛ̄ɛchɛ chī ge̍ē gba̍a ē ka ɔnɛ̄ɛhɛhi yī ɔ̄chɛ ɔlɔjā.
19O̍ lɛ i̍ngɔ̍ɔ ma̍, alɔ ā deyīku lɛlā nīi ge̍ē bī ogbodɔ̍dɔ̍ wā ma̍ myɛ̄grāa-myɛ̄grāa gɛ. Alɔ ā ya̍ ɔjā nīi ge̍ē tū ɔ̍nyīnū wɔbɔ̄ nīi o̍ ge̍ē lɛ brii ma̍ myɛ̄grāa-myɛ̄grāa. 20Ala̍ e̍e wu̍chē yī ojōre̍ de ɔjā nīi Ɔwɔ ya̍ ma̍ chāajɛ ni̍. Ojōre̍ wa̍a̍ hɔ̄ la oro̍ōre̍. Ojōre̍ oro̍ōre̍ ɔha̍ ge̍ chī yɛ ge̍ē hu̍ nīi ɔɔ̍nɛ̍ yī wɔ ē ngma̍ ta̍tū la lɛlā ɔdwɔ̄bi̍, ɔ̍lɔma̍ o̍ i̍ hwɔhi ni̍. 21Ɔjā nīi grāa kpakpa la ɔyɔ̍ɔ̄ya̍ ma̍, ala̍ ā gwō gbo̍o̍ hī ɛbɛ̍ oro̍ōre̍, kɛ̄ɛ ɛ̍mwɔ̄ ɔgwɔ̍ɔ̄gwa̍, kɛ̄ɛ lɛlāha̍ ɛlāha̍ ɔyɔ̍ɔ̄ya̍ ji nīi ge̍ē hu̍ nīi ɔɔ̍nɛ̍ yī ala̍ ɔha̍ ge̍ē gwāajɛ ma̍. 22Lɛlā nīi a jo̍ōkū hwɔhi hwɔhi ku̍ ɔjā oli̍ngɔ̍ɔ ma̍, de gbōgbō de iyī awɔ ɔlɔjā ba̍la Ɔwɔ. A̍hōhi ge̍ iyī ɔ̄chɛ nīi yɛ̍ɛ̄lā nīi anu̍ ɔlɔjā chɛ̄ hwɔhi hwɔhi nīi o̍ i̍ chōo̍chē ya̍ iyī nū lɛfiyɛ ihihi ni̍ ma̍! 23Ɔlɔjā ge̍ chī yɛ ē ta̍ahu̍ abɔ̍ɔ la ūkpɔ̄tū ūkpɔ̄tū o̍bū chōo̍chē re̍ ɔjā ɔ̍lɔma̍, Ɔwɔ ge̍ē hɛ̍ ɔlɔjā lɛpɔ̄ ɔdwɔ̄bi̍ nīi o̍ ge̍ de ɔjā ɔla̍ā re̍ ma̍. Wu̍chē oji̍ nɛ, ɔlɔjā i̍ yɛ̍ɛ̄lā ɔla̍ā bū la ɔtū ode chōche yī nū ni̍. Ɔjāha̍ ɔjāha̍ nīi i̍ ge̍ de lɛhu̍ che la ɔtū ode chōche ni̍ - lɛlā ɔdwɔ̄bi̍ ɔyɔ̍ɔ̄ya̍ nɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)