U̍ku̍rɔ̍ yī Alɛrɔ̄ 28
28
Aa̍ Ipɔ̍ɔli gblāa la ɔcha yī Imɔ̍lta
1Alɔ gbajɛ ga o̍chi ke̍e̍ ma̍, e̍ ka de alɔ hīka ɔcha ɔla̍ā ɔ̍lɔ re̍ka Imɔ̍lta. Yenyi ta̍kakatū ɔ̄. 2Alɛbɛ ɔla̍ā jyɛ̍ɛ̄lā tāa alɔ kpɛ̍ɛji. Riwō yɛ ē hā nīi ohū lɔ̄kū ma̍, e̍ kpla̍ ɔla̍ tū de alɔ. E̍ ya̍ alɔ wɔga hwɔhi hwɔhi. 3Ipɔ̍ɔli gāa ge̍ē kpo̍ ɛwu̍ ge̍ē ku ɔla̍. Ogbiji ɔha̍ bīyɛchɛ bū la ɛwu̍ yī ɔla̍ ɔla̍ā ɔpɔ̄ɔpɛ̄ ge̍ ku̍ Ipɔ̍ɔli angūu la abɔ̄, de jī pla abɔ̍ɔ. 4Alɛbɛ ɔla̍ā ma̍ yɛgwā ɔla̍ā nīi pla abɔ̍ɔ la abɔ̄ yī Ipɔ̍ɔli ma̍, e̍ gblāa abɔ̍ɔ ē ka ē de ɔ̍nyīnū hīka, ɔngrɔ̄ɔ ɔla̍ā ɔ̍lɔ - ɔ̄chɛ ongmo̍ ɔ̄chɛ lēchi̍ lēchi̍ nɛ. Ɔ̍lɔ hɔ̍ɔ̄hɛ̍ta̍ hī ɔpīyaku̍ la li̍hu nyaa ma̍, Ɔwɔ Ɔkwɔ̍ɔnyɛ Ure̍ ɔ̍lɔ i̍ chikpo̍ ka ɔ̍lɔ ge̍ hɔ̄leyī ni̍. 5Ipɔ̍ɔli gwō abɔ̄ ji̍yɛ̍ji̍yɛ̍ la yɛgwā ɔla̍ā ta̍ tū ga ɔla̍. O̍ i̍ ya̍ ɔ̄ ɔjɔ̄jā mɛ ni̍. 6Āchɛ ɛla̍ā yɛ ē gbēyī ka u̍ma̍ama nīi Ipɔ̍ɔli ɔ̍lɔ ge̍ē de ē mōmi, ē wu̍ mla̍ajɛ, ē hīya ɔtū a̍nɛ. E̍ gblāa abɔ̍ɔ ē gbēyī kpɛɛ nīi e̍ i̍ ma̍ lɛlɛ̄lā ɔdwɔ̄bi̍ nīi ya̍ Ipɔ̍ɔli gɛ ni̍ ma̍, e̍ chōo̍chē pīya ūkpɔ̄tū ta̍, ka hīka Ipɔ̍ɔli ɔ̍lɔ ɔwɔ ita yī ɔha̍ ke̍e̍ nɛ!
7Ɔngrɔ̄ɔ ɔha̍ nīi re̍ka Ipu̍blīyusi ma̍ lɛ ajɛ yī yɛrɔ̄ ɔha̍ abɔ̍ɔ kurɛkurɛ bla̍a ɛbɛ ɔla̍ā. Anu̍ - ɔgabɔ̄ yī ɔcha ɔla̍ā a̍nɛ. O̍ bī alɔ ga wɔlɛ̍ yī nū ge̍ ya̍ alɔ wɔga ɔ̄chī ɛta̍. 8A̍dā yī Ipu̍blīyusi ɔla̍ā kwi̍īyē gbo abɔ̍ɔ. Ibi̍īyē ɔkwɔ̍la̍ ba̍la ohīchi ɔdwɔ̄bi̍ ya̍ ɔ̄ a̍nɛ. Ipɔ̍ɔli chɛ̄ ga ipu̍nu̍ ge̍ ma̍ ɔ̄. O̍ jɔhā de Ɔwɔ, de abɔ̄ che ɔ̍ lɛhu̍, de ɔ̍ nyiya ke̍e̍ ɔpɔ̄ɔpɛ̄, 9Lɛlā nūma̍ ya̍ i̍ngɔ̍ɔ ma̍, āchɛ nīi kwi̍īyē abɔ̍ɔ ma̍ pɛ̍ wa̍ dikpo̍ba̍ Ipɔ̍ɔli. E̍ chī de lɛ cha̍cha̍ i̍ngɔ̍ɔ wa̍a̍. 10Āchɛ kɔ̄ ɔjā de alɔ mwɛbɛ. Alɔ yɛ ē pīya ma̍, e̍ de ɛjā nīi ku̍ alɔ ɔkɔ la ɛyɛ yī alɔ ɔla̍ā wa̍a̍ ma̍ tū la wɔwu̍ de alɔ.
Obū la Imɔ̍lta ga Iro̍om
11Wɔwu̍ ɔha̍ nīi bū la Alɛsa̍ndriya ma̍ ku̍ lɛga rɛ abɔ̍ɔ la Imɔ̍lta yɛ̄grāa yī ohū ɔla̍ā wa̍a̍. E̍ ē hī wɔwu̍ ɔla̍ā ka, “Ɔwɔ yī Ayɛ̍ɛpa.” Alɔ hɔ̄ abɔ̍ɔ ɔyɔ̍ɔ ɛta̍ o̍bū nīi alɔ gāa ge̍ tū wɔwu̍ ɔla̍ā pīya a̍nɛ. 12Alɔ gbajɛ ga ipwo̍gra yī Isi̍rākusi, chā abɔ̍ɔ ɔ̄chī ɛta̍. 13Alɔ wā ge̍ pīya bū abɔ̍ɔ, yɛ i̍ngi̍ngɔ̍ɔ bla̍a o̍cho̍chi ga ipwo̍gra yī Ire̍giyum. Ɔ̄chī ɔmɛpa, alɔ gbajɛ ga ipwo̍gra yī Iputi̍yōli. 14Alɔ ma̍ aɛ̍nɛ̍ yī alɔ, A̍chɛ̍ yī Ikra̍yisi abɔ̍ɔ. E̍ ra̍ābɔ̄ de alɔ ka aɛ̍lɛ ge̍ hɔ̄ tāa aa̍ ɔ̄chī arāapa o̍bū. Alɔ wā ge̍ pīya ga Iro̍om bɛ̍ɛ̄nɛ̄. 15Āchɛ yī Ikra̍yisi abɔ̍ɔ la Iro̍om po̍ ohu yī ɔwɔ̄wā yī alɔ ma̍, e̍ yɛ grāa alɔ wā la ɛbɛ ɛha̍ nīi re̍ka O̍gra yī Rihī yī A̍pīyɔsi ba̍la Ɛbɛ Oro̍ōjōre̍ Ɔgblɛ̄ɛta̍ ma̍. Ipɔ̍ɔli ma̍ wā ma̍, o̍ da Ɔwɔ o̍be, o̍ tu̍ ūkpɔ̄tū chɛ̄ bɛ̍ɛ̄nɛ̄.
Lɔkɔ nīi Ipɔ̍ɔli hɔ̄ la Iro̍om ma̍
16Alɔ gbajɛ ga Iro̍om ma̍, e̍ pi̍ye̍mā hī Ipɔ̍ɔli nīi o̍ hɔ̄ wɔ̄bɔ̄bɔ̄ yī nū, anu̍ ba̍la icho̍ojiya nīi ē deyīrɛ ɔ̍ ma̍.
17Ɔ̄chī ɛta̍ wā ge̍ ga ma̍, Ipɔ̍ɔli tɛ̄rɔ̄ hu alɛhu̍ yī Iju̍u nīi gblāa abɔ̍ɔ la Iro̍om ma̍. E̍ wā ge̍ grēeyī ma̍, lɛlā nīi Ipɔ̍ɔli ka de wa̍ ma̍ hɔ̄ ma̍ a̍nɛ. “Aɛ̍nɛ̍ yī u! N i̍ ya̍ lɛlɛ̄lā abi̍ pīyeyīta̍ āchɛ yī alɔ ni̍. N i̍ bīya lihɔ yī a̍dɔ̄kū yī alɔ ni̍. Āchɛ yī alɔ chī de u ku̍ pīya oligbakɔbɔ abɔ̍ɔ la Ijɛru̍sālɛm. E̍ bī u ge̍ de āchɛ yī Iro̍om. 18E̍ che um ikpo̍ yī lɛpɔ̄ po̍ ma̍, e̍ chikpo̍ ge̍ē tu̍ la abɔ̄ hī u. Wu̍chē oji̍ nɛ, e̍ i̍ ma̍ lɛlā ɔdwɔ̄bi̍ ɔha̍lɔha̍ nīi n ya̍ abɔ̍ɔ lɛbɛ ode u ngmo̍ tū ɔ̄ ni̍. 19Iju̍u i̍ chɛ̄ ka ɛ̍lɛ ge̍ tu̍ hī amɔ̍lɔ ni̍. Aa̍ nīi n de lɛpɔ̄ yī u nāa wā ma̍ la ɛbɛ yī Isi̍sa nīi Ɔchwɔ̄lɛ̍ Ɔnɔ̄kɔ̄kū ma̍ a̍nɛ. Ami ma̍ i̍ lɛ ɔjɔ̄jā ge̍ē ka ē ku̍ āchɛ yī u ni̍. 20Lɛlā nūma̍ - ohu̍ nīi n tɛ̄rɔ̄ hu ala̍ hɛ̄ɛbɛ ge̍ē kwɔ̄kā ba̍la ala̍ a̍nɛ. Wu̍chē lɔkɔ nīi n de ɔtū che ɔ̄chɛ nīi Ɔwɔ choko̍o ma̍, anu̍ - ohu̍ nīi n de pīya oligbakɔbɔ tū agba̍ hɔ̄ ma̍ i̍chɛ a̍nɛ. I̍ngi̍ngɔ̍ɔ nīi Ali̍sɛ̄rɛli wa̍a̍ chī de ɔtū che titi a̍nɛ.”
21Āchɛ ɛla̍ā ka de Ipɔ̍ɔli bɛ̍ɛ̄nɛ̄ hīka, “Alijudi̍ya i̍ de īpū yī lɛlā yī wɔ ɔha̍lɔha̍ tɛ̄rɔ̄ hu alɔ ni̍. Aɛ̍nɛ̍ yī alɔ ɔha̍lɔha̍ i̍ chī wā amu ge̍ kā wɔ̄kā ɔla̍ā, kɛ̄ɛ kɛlā abi̍ yī wɔ de alɔ ni̍. 22Alɔ chī chikpo̍ ge̍ē po̍ ɛri̍ya̍ yī lɛlā yī wɔ ɔla̍ā. Alɔ jo̍ōkū hīka ɛbɛha̍ ɛbɛha̍ wa̍a̍, āchɛ ē kɛlā abi̍ ku̍ ribi yī āchɛ yī wɔ ɔla̍ā.”
23E̍ wā ge̍ tū Ipɔ̍ɔli ɔ̄chī bɛ̍ɛ̄nɛ̄. I̍chi̍chɛ ɔla̍ā, āchɛ nīi wā la ɛbɛ nīi Ipɔ̍ɔli hɔ̄ ma̍ mwɛbɛ kpɛ̍ɛji. Bū la ɔ̄chɔ̄chī kpɛɛ ge̍ ku ɔ̄nɛ̄, o̍ hɔ̄ abɔ̍ɔ ē ka ɛrɔ̄ yī Ɔwɔ ē de wa̍. O̍ ka ochi̍chi̍ yī lɛlā yī Ɔchwɔ̄lɛ̍ Oro̍ōre̍ yī Ɔwɔ de wa̍. O̍ kɛlā de wa̍ bū la yī Lihɔ yī Imo̍sīisi ba̍la iyī āchɛ ɔkɛrɔ̄ yī Ɔwɔ kpɛ̍ɛ hɛ̄ɛbɛ nīi e̍ ge̍ē chɛ̄ku Iji̍sɔ̄ɔsi. 24Āchɛ ɛha̍ yī wā chɛ̄ku lɛlā nīi Ipɔ̍ɔli ka ma̍; āchɛ ɛha̍ i̍ chikpo̍ ge̍ē chɛ̄ ni̍. 25Aa̍ wa̍a̍ i̍ chɛ̄ku ɔ̍nyīnū gɛ ni̍ ma̍, e̍ wā ge̍ yɛ ē pīya bɛ̍ɛ̄nɛ̄. O̍bū nīi e̍ pīya ma̍, lɛlā ūkpo̍he nīi Ipɔ̍ɔli gba̍a ka ma̍ hɔ̄ ma̍ a̍nɛ. “Lɛlā ɔla̍ā nīi Uhu Ɔnɛ̄ɛhɛhi yī Ɔwɔ ka tāa aa̍ ɔ̍kɔ̄kū yī ala̍ gala abɔ̄ yī Ayisa̍ya nīi - ɔ̄chɛ ɔkɛrɔ̄ yī nū ma̍ ku kpa̍a. 26O̍ ka ɔ̍lɔ ge̍,
“ ‘Gāa ge̍ ka de āchɛ ɛla̍ā hīka;
Ala̍ ge̍ darɔ̄ku kana̍kana̍, ala̍ i̍ ge̍ po̍ la ochi̍chi̍ ni̍.
Ala̍ ge̍ deyīrɛ kana̍kana̍, ala̍ i̍ ge̍ ma̍ ni̍.
27Wu̍chē oji̍ nɛ: Ūkpɔ̄tū yī āchɛ ɛla̍ā de ngmu̍wɔ̍hu̍ mɛ̍.
E̍ de iyī wā darɔ̄ mɛ̍. E̍ de iyī wā priyī mɛ̍.
Nɛ̄ni̍, īkprī yī wā ge̍ē de ē myɛ̍ma̍; nīi arɔ̄ yī wā ge̍ē de ē plɛ̍ɛ̄lā;
nīi ūkpɔ̄tū yī wā ge̍ē de ē je̍ ochi̍chi̍ yī lɛlā;
bū la ɛbɛ ɔla̍ā, e̍ ge̍ē pīya wā dikpo̍ ē ba̍ u.
N chī ge̍ē de wa̍ nyiya i̍ngɔ̍ɔ ke̍e̍.
Ami Ɔwɔ ka i̍ngɔ̍ɔ a̍nɛ.’ ”
28Ipɔ̍ɔli gba̍a ka de wa̍ hīka, “N chikpo̍ nīi ala̍ ge̍ē jo̍ōkū hīka, ɛrɔ̄ yī ɔhɛ̍ta̍ nīi Ɔwɔ de ma̍, o̍ de tɛ̄rɔ̄ hu Ɛchɛkɔcha mɛ̍. Aa̍ ma̍ ge̍ē darɔ̄ku ē po̍ ɔ̄ yɛ̍yɛ̍.” 29[Ipɔ̍ɔli kwɛ̍ɛjī lɛlā nūma̍ la ɔkɔ̄ka ma̍, alɛhu̍ yī Iju̍u ɛla̍ā pīya. E̍ yɛ abɔ̍ɔ ta̍ iyī wā ahu̍ kpɛ̍ɛ ɛbɛ̍bɛ̍ ɛbɛ̍bɛ̍ yɛ gāa.]
30Lipu̍ yī lɛ̍yi̍ ɛpa ligbo̍ ligbo̍, Ipɔ̍ɔli hɔ̄ abɔ̍ɔ la wɔlɛ̍ nīi o̍ nāa la okpo tū ma̍. O̍ ē yɛ̍ɛ̄lā bāa ɔyaya ma̍ ē tāa āchɛha̍ āchɛha̍ nīi ē gāa ge̍ē ma̍ ɔ̄ ma̍. 31O̍ ē kɛlā yī Ɔchwɔ̄lɛ̍ Oro̍ōre̍ yī Ɔwɔ ē de āchɛ. O̍ ngū āchɛ lɛlā yī Ādā Iji̍sɔ̄ɔsi Ikra̍yisi brii; o̍ i̍ ē tūuhwi ni̍; ɔ̄chɔ̄chɛ i̍ chī ku̍ ɔ̄ chi̍yɛ ni̍.
Currently Selected:
U̍ku̍rɔ̍ yī Alɛrɔ̄ 28: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
U̍ku̍rɔ̍ yī Alɛrɔ̄ 28
28
Aa̍ Ipɔ̍ɔli gblāa la ɔcha yī Imɔ̍lta
1Alɔ gbajɛ ga o̍chi ke̍e̍ ma̍, e̍ ka de alɔ hīka ɔcha ɔla̍ā ɔ̍lɔ re̍ka Imɔ̍lta. Yenyi ta̍kakatū ɔ̄. 2Alɛbɛ ɔla̍ā jyɛ̍ɛ̄lā tāa alɔ kpɛ̍ɛji. Riwō yɛ ē hā nīi ohū lɔ̄kū ma̍, e̍ kpla̍ ɔla̍ tū de alɔ. E̍ ya̍ alɔ wɔga hwɔhi hwɔhi. 3Ipɔ̍ɔli gāa ge̍ē kpo̍ ɛwu̍ ge̍ē ku ɔla̍. Ogbiji ɔha̍ bīyɛchɛ bū la ɛwu̍ yī ɔla̍ ɔla̍ā ɔpɔ̄ɔpɛ̄ ge̍ ku̍ Ipɔ̍ɔli angūu la abɔ̄, de jī pla abɔ̍ɔ. 4Alɛbɛ ɔla̍ā ma̍ yɛgwā ɔla̍ā nīi pla abɔ̍ɔ la abɔ̄ yī Ipɔ̍ɔli ma̍, e̍ gblāa abɔ̍ɔ ē ka ē de ɔ̍nyīnū hīka, ɔngrɔ̄ɔ ɔla̍ā ɔ̍lɔ - ɔ̄chɛ ongmo̍ ɔ̄chɛ lēchi̍ lēchi̍ nɛ. Ɔ̍lɔ hɔ̍ɔ̄hɛ̍ta̍ hī ɔpīyaku̍ la li̍hu nyaa ma̍, Ɔwɔ Ɔkwɔ̍ɔnyɛ Ure̍ ɔ̍lɔ i̍ chikpo̍ ka ɔ̍lɔ ge̍ hɔ̄leyī ni̍. 5Ipɔ̍ɔli gwō abɔ̄ ji̍yɛ̍ji̍yɛ̍ la yɛgwā ɔla̍ā ta̍ tū ga ɔla̍. O̍ i̍ ya̍ ɔ̄ ɔjɔ̄jā mɛ ni̍. 6Āchɛ ɛla̍ā yɛ ē gbēyī ka u̍ma̍ama nīi Ipɔ̍ɔli ɔ̍lɔ ge̍ē de ē mōmi, ē wu̍ mla̍ajɛ, ē hīya ɔtū a̍nɛ. E̍ gblāa abɔ̍ɔ ē gbēyī kpɛɛ nīi e̍ i̍ ma̍ lɛlɛ̄lā ɔdwɔ̄bi̍ nīi ya̍ Ipɔ̍ɔli gɛ ni̍ ma̍, e̍ chōo̍chē pīya ūkpɔ̄tū ta̍, ka hīka Ipɔ̍ɔli ɔ̍lɔ ɔwɔ ita yī ɔha̍ ke̍e̍ nɛ!
7Ɔngrɔ̄ɔ ɔha̍ nīi re̍ka Ipu̍blīyusi ma̍ lɛ ajɛ yī yɛrɔ̄ ɔha̍ abɔ̍ɔ kurɛkurɛ bla̍a ɛbɛ ɔla̍ā. Anu̍ - ɔgabɔ̄ yī ɔcha ɔla̍ā a̍nɛ. O̍ bī alɔ ga wɔlɛ̍ yī nū ge̍ ya̍ alɔ wɔga ɔ̄chī ɛta̍. 8A̍dā yī Ipu̍blīyusi ɔla̍ā kwi̍īyē gbo abɔ̍ɔ. Ibi̍īyē ɔkwɔ̍la̍ ba̍la ohīchi ɔdwɔ̄bi̍ ya̍ ɔ̄ a̍nɛ. Ipɔ̍ɔli chɛ̄ ga ipu̍nu̍ ge̍ ma̍ ɔ̄. O̍ jɔhā de Ɔwɔ, de abɔ̄ che ɔ̍ lɛhu̍, de ɔ̍ nyiya ke̍e̍ ɔpɔ̄ɔpɛ̄, 9Lɛlā nūma̍ ya̍ i̍ngɔ̍ɔ ma̍, āchɛ nīi kwi̍īyē abɔ̍ɔ ma̍ pɛ̍ wa̍ dikpo̍ba̍ Ipɔ̍ɔli. E̍ chī de lɛ cha̍cha̍ i̍ngɔ̍ɔ wa̍a̍. 10Āchɛ kɔ̄ ɔjā de alɔ mwɛbɛ. Alɔ yɛ ē pīya ma̍, e̍ de ɛjā nīi ku̍ alɔ ɔkɔ la ɛyɛ yī alɔ ɔla̍ā wa̍a̍ ma̍ tū la wɔwu̍ de alɔ.
Obū la Imɔ̍lta ga Iro̍om
11Wɔwu̍ ɔha̍ nīi bū la Alɛsa̍ndriya ma̍ ku̍ lɛga rɛ abɔ̍ɔ la Imɔ̍lta yɛ̄grāa yī ohū ɔla̍ā wa̍a̍. E̍ ē hī wɔwu̍ ɔla̍ā ka, “Ɔwɔ yī Ayɛ̍ɛpa.” Alɔ hɔ̄ abɔ̍ɔ ɔyɔ̍ɔ ɛta̍ o̍bū nīi alɔ gāa ge̍ tū wɔwu̍ ɔla̍ā pīya a̍nɛ. 12Alɔ gbajɛ ga ipwo̍gra yī Isi̍rākusi, chā abɔ̍ɔ ɔ̄chī ɛta̍. 13Alɔ wā ge̍ pīya bū abɔ̍ɔ, yɛ i̍ngi̍ngɔ̍ɔ bla̍a o̍cho̍chi ga ipwo̍gra yī Ire̍giyum. Ɔ̄chī ɔmɛpa, alɔ gbajɛ ga ipwo̍gra yī Iputi̍yōli. 14Alɔ ma̍ aɛ̍nɛ̍ yī alɔ, A̍chɛ̍ yī Ikra̍yisi abɔ̍ɔ. E̍ ra̍ābɔ̄ de alɔ ka aɛ̍lɛ ge̍ hɔ̄ tāa aa̍ ɔ̄chī arāapa o̍bū. Alɔ wā ge̍ pīya ga Iro̍om bɛ̍ɛ̄nɛ̄. 15Āchɛ yī Ikra̍yisi abɔ̍ɔ la Iro̍om po̍ ohu yī ɔwɔ̄wā yī alɔ ma̍, e̍ yɛ grāa alɔ wā la ɛbɛ ɛha̍ nīi re̍ka O̍gra yī Rihī yī A̍pīyɔsi ba̍la Ɛbɛ Oro̍ōjōre̍ Ɔgblɛ̄ɛta̍ ma̍. Ipɔ̍ɔli ma̍ wā ma̍, o̍ da Ɔwɔ o̍be, o̍ tu̍ ūkpɔ̄tū chɛ̄ bɛ̍ɛ̄nɛ̄.
Lɔkɔ nīi Ipɔ̍ɔli hɔ̄ la Iro̍om ma̍
16Alɔ gbajɛ ga Iro̍om ma̍, e̍ pi̍ye̍mā hī Ipɔ̍ɔli nīi o̍ hɔ̄ wɔ̄bɔ̄bɔ̄ yī nū, anu̍ ba̍la icho̍ojiya nīi ē deyīrɛ ɔ̍ ma̍.
17Ɔ̄chī ɛta̍ wā ge̍ ga ma̍, Ipɔ̍ɔli tɛ̄rɔ̄ hu alɛhu̍ yī Iju̍u nīi gblāa abɔ̍ɔ la Iro̍om ma̍. E̍ wā ge̍ grēeyī ma̍, lɛlā nīi Ipɔ̍ɔli ka de wa̍ ma̍ hɔ̄ ma̍ a̍nɛ. “Aɛ̍nɛ̍ yī u! N i̍ ya̍ lɛlɛ̄lā abi̍ pīyeyīta̍ āchɛ yī alɔ ni̍. N i̍ bīya lihɔ yī a̍dɔ̄kū yī alɔ ni̍. Āchɛ yī alɔ chī de u ku̍ pīya oligbakɔbɔ abɔ̍ɔ la Ijɛru̍sālɛm. E̍ bī u ge̍ de āchɛ yī Iro̍om. 18E̍ che um ikpo̍ yī lɛpɔ̄ po̍ ma̍, e̍ chikpo̍ ge̍ē tu̍ la abɔ̄ hī u. Wu̍chē oji̍ nɛ, e̍ i̍ ma̍ lɛlā ɔdwɔ̄bi̍ ɔha̍lɔha̍ nīi n ya̍ abɔ̍ɔ lɛbɛ ode u ngmo̍ tū ɔ̄ ni̍. 19Iju̍u i̍ chɛ̄ ka ɛ̍lɛ ge̍ tu̍ hī amɔ̍lɔ ni̍. Aa̍ nīi n de lɛpɔ̄ yī u nāa wā ma̍ la ɛbɛ yī Isi̍sa nīi Ɔchwɔ̄lɛ̍ Ɔnɔ̄kɔ̄kū ma̍ a̍nɛ. Ami ma̍ i̍ lɛ ɔjɔ̄jā ge̍ē ka ē ku̍ āchɛ yī u ni̍. 20Lɛlā nūma̍ - ohu̍ nīi n tɛ̄rɔ̄ hu ala̍ hɛ̄ɛbɛ ge̍ē kwɔ̄kā ba̍la ala̍ a̍nɛ. Wu̍chē lɔkɔ nīi n de ɔtū che ɔ̄chɛ nīi Ɔwɔ choko̍o ma̍, anu̍ - ohu̍ nīi n de pīya oligbakɔbɔ tū agba̍ hɔ̄ ma̍ i̍chɛ a̍nɛ. I̍ngi̍ngɔ̍ɔ nīi Ali̍sɛ̄rɛli wa̍a̍ chī de ɔtū che titi a̍nɛ.”
21Āchɛ ɛla̍ā ka de Ipɔ̍ɔli bɛ̍ɛ̄nɛ̄ hīka, “Alijudi̍ya i̍ de īpū yī lɛlā yī wɔ ɔha̍lɔha̍ tɛ̄rɔ̄ hu alɔ ni̍. Aɛ̍nɛ̍ yī alɔ ɔha̍lɔha̍ i̍ chī wā amu ge̍ kā wɔ̄kā ɔla̍ā, kɛ̄ɛ kɛlā abi̍ yī wɔ de alɔ ni̍. 22Alɔ chī chikpo̍ ge̍ē po̍ ɛri̍ya̍ yī lɛlā yī wɔ ɔla̍ā. Alɔ jo̍ōkū hīka ɛbɛha̍ ɛbɛha̍ wa̍a̍, āchɛ ē kɛlā abi̍ ku̍ ribi yī āchɛ yī wɔ ɔla̍ā.”
23E̍ wā ge̍ tū Ipɔ̍ɔli ɔ̄chī bɛ̍ɛ̄nɛ̄. I̍chi̍chɛ ɔla̍ā, āchɛ nīi wā la ɛbɛ nīi Ipɔ̍ɔli hɔ̄ ma̍ mwɛbɛ kpɛ̍ɛji. Bū la ɔ̄chɔ̄chī kpɛɛ ge̍ ku ɔ̄nɛ̄, o̍ hɔ̄ abɔ̍ɔ ē ka ɛrɔ̄ yī Ɔwɔ ē de wa̍. O̍ ka ochi̍chi̍ yī lɛlā yī Ɔchwɔ̄lɛ̍ Oro̍ōre̍ yī Ɔwɔ de wa̍. O̍ kɛlā de wa̍ bū la yī Lihɔ yī Imo̍sīisi ba̍la iyī āchɛ ɔkɛrɔ̄ yī Ɔwɔ kpɛ̍ɛ hɛ̄ɛbɛ nīi e̍ ge̍ē chɛ̄ku Iji̍sɔ̄ɔsi. 24Āchɛ ɛha̍ yī wā chɛ̄ku lɛlā nīi Ipɔ̍ɔli ka ma̍; āchɛ ɛha̍ i̍ chikpo̍ ge̍ē chɛ̄ ni̍. 25Aa̍ wa̍a̍ i̍ chɛ̄ku ɔ̍nyīnū gɛ ni̍ ma̍, e̍ wā ge̍ yɛ ē pīya bɛ̍ɛ̄nɛ̄. O̍bū nīi e̍ pīya ma̍, lɛlā ūkpo̍he nīi Ipɔ̍ɔli gba̍a ka ma̍ hɔ̄ ma̍ a̍nɛ. “Lɛlā ɔla̍ā nīi Uhu Ɔnɛ̄ɛhɛhi yī Ɔwɔ ka tāa aa̍ ɔ̍kɔ̄kū yī ala̍ gala abɔ̄ yī Ayisa̍ya nīi - ɔ̄chɛ ɔkɛrɔ̄ yī nū ma̍ ku kpa̍a. 26O̍ ka ɔ̍lɔ ge̍,
“ ‘Gāa ge̍ ka de āchɛ ɛla̍ā hīka;
Ala̍ ge̍ darɔ̄ku kana̍kana̍, ala̍ i̍ ge̍ po̍ la ochi̍chi̍ ni̍.
Ala̍ ge̍ deyīrɛ kana̍kana̍, ala̍ i̍ ge̍ ma̍ ni̍.
27Wu̍chē oji̍ nɛ: Ūkpɔ̄tū yī āchɛ ɛla̍ā de ngmu̍wɔ̍hu̍ mɛ̍.
E̍ de iyī wā darɔ̄ mɛ̍. E̍ de iyī wā priyī mɛ̍.
Nɛ̄ni̍, īkprī yī wā ge̍ē de ē myɛ̍ma̍; nīi arɔ̄ yī wā ge̍ē de ē plɛ̍ɛ̄lā;
nīi ūkpɔ̄tū yī wā ge̍ē de ē je̍ ochi̍chi̍ yī lɛlā;
bū la ɛbɛ ɔla̍ā, e̍ ge̍ē pīya wā dikpo̍ ē ba̍ u.
N chī ge̍ē de wa̍ nyiya i̍ngɔ̍ɔ ke̍e̍.
Ami Ɔwɔ ka i̍ngɔ̍ɔ a̍nɛ.’ ”
28Ipɔ̍ɔli gba̍a ka de wa̍ hīka, “N chikpo̍ nīi ala̍ ge̍ē jo̍ōkū hīka, ɛrɔ̄ yī ɔhɛ̍ta̍ nīi Ɔwɔ de ma̍, o̍ de tɛ̄rɔ̄ hu Ɛchɛkɔcha mɛ̍. Aa̍ ma̍ ge̍ē darɔ̄ku ē po̍ ɔ̄ yɛ̍yɛ̍.” 29[Ipɔ̍ɔli kwɛ̍ɛjī lɛlā nūma̍ la ɔkɔ̄ka ma̍, alɛhu̍ yī Iju̍u ɛla̍ā pīya. E̍ yɛ abɔ̍ɔ ta̍ iyī wā ahu̍ kpɛ̍ɛ ɛbɛ̍bɛ̍ ɛbɛ̍bɛ̍ yɛ gāa.]
30Lipu̍ yī lɛ̍yi̍ ɛpa ligbo̍ ligbo̍, Ipɔ̍ɔli hɔ̄ abɔ̍ɔ la wɔlɛ̍ nīi o̍ nāa la okpo tū ma̍. O̍ ē yɛ̍ɛ̄lā bāa ɔyaya ma̍ ē tāa āchɛha̍ āchɛha̍ nīi ē gāa ge̍ē ma̍ ɔ̄ ma̍. 31O̍ ē kɛlā yī Ɔchwɔ̄lɛ̍ Oro̍ōre̍ yī Ɔwɔ ē de āchɛ. O̍ ngū āchɛ lɛlā yī Ādā Iji̍sɔ̄ɔsi Ikra̍yisi brii; o̍ i̍ ē tūuhwi ni̍; ɔ̄chɔ̄chɛ i̍ chī ku̍ ɔ̄ chi̍yɛ ni̍.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)