U̍ku̍rɔ̍ yī Alɛrɔ̄ 27
27
Ipɔ̍ɔli tū wɔwu̍ pīya yī Iro̍om
1E̍ de miya bɛ̍ɛ̄nɛ̄ ka aɛ̍lɛ ge̍ē tū wɔwu̍ yī yenyi ē ga I̍tāli. Ɔlɛhu̍ icho̍ojiya ɔha̍ nīi re̍ka Iju̍līyɔsi ma̍ nīi e̍ de Ipɔ̍ɔli ba̍la aligbakɔbɔ ehēhī wa̍a̍ tū ɔ̄ la abɔ̄ a̍nɛ. Ribi yī icho̍ojiya nīi re̍ka “Iyī Ɔgɔ̍sītusi Ɔchwɔ̄lɛ̍ Ɔnɔ̄kɔ̄kū” ma̍ nīi Iju̍līyɔsi - ɔlɛhu̍ yī wā a̍nɛ. 2Alɔ wā ge̍ tū wɔwu̍ ɔha̍ nīi bū la ipwo̍gra nīi re̍ka Adrami̍tiyum ma̍ bɛ̍ɛ̄nɛ̄. Wɔwu̍ nīi ē ku̍ jī rɛ ē ta̍ lɛgɛga yī ajɛ yī E̍siya wa̍a̍ ma̍ nɛ. Alɔ wā ge̍ pīya bɛ̍ɛ̄nɛ̄. Ɔngrɔ̄ɔ nīi re̍ka Ari̍si̍tākusi bū la ipwo̍gra yī Itɛsalona̍yīka la Imɛsɛdo̍niya ma̍ yɛ abɔ̍ɔ ba̍la alɔ. 3La eyī ɔnyɔ̄nyā yī nū, alɔ ku̍ jī rɛ la lɛga yī ipwo̍gra yī Isa̍yi̍dɔn. Iju̍līyɔsi lɛ yaya tāa Ipɔ̍ɔli kpɛ̍ɛji. O̍ pi̍ye̍mā hī Ipɔ̍ɔli ka ɔ̍lɔ ge̍ gāa ge̍ ma̍ aɛ̍ɛya yī ɔ̍lɔ hɛ̄ɛbɛ nīi e̍ ge̍ē de ɔjā nīi ku̍ ɔ̄ ɔkɔ ma̍ de ɔ̍. 4Alɔ gba̍a wā ge̍ hu bū abɔ̍ɔ bɛ̍ɛ̄nɛ̄. Wu̍chē lɔkɔ nīi ahuhu yɛ ē gwō pīyeyīta̍ alɔ ma̍, alɔ gāa ge̍ ga la wāā ɔha̍ yī ajɛ yī Isa̍yi̍prɔ̄ɔsi nīi gbo dɔ̍dɔ̍ ma̍. Yenyi ta̍kakatū ajɛ yī Isa̍yi̍prɔ̄ɔsi. 5Alɔ hɛ̍ li̍hu ārɛ̄ abɔ̍ɔ bla̍a Isili̍siya ba̍la Ipamfi̍liya. Alɔ wā ge̍ gbajɛ la ipwo̍gra yī Ima̍yi̍ra la ɔcha yī Ila̍yi̍siya bɛ̍ɛ̄nɛ̄. 6Ɔlɛhu̍ ɔla̍ā ma̍ wɔwu̍ ɔha̍ nīi bū la Alɛsa̍ndriya yɛ gāa ɔcha yī I̍tāli ma̍ abɔ̍ɔ ma̍, o̍ kpo̍ alɔ tū la anu̍.
7Alɔ yɛ bāa odu̍mɔ̍ du̍mɔ̍ ma̍ gbajɛ la ɔ̄chī ɛmɛ̍ɛmla̍a. Alɔ mi̍chi̍ kpɛ̍ɛji, o̍bū nīi alɔ wā ge̍ gbajɛ la ipwo̍gra yī Ina̍yi̍dūusi. Ahuhu yɛ ē gwō pīyeyīta̍ alɔ wɔhɔ̍hu̍ ma̍, alɔ i̍ yɛ ga iyɔ̄bū mɛ gɛ ni̍. Wu̍chē yī ɔla̍ā, wɔwu̍ yī alɔ chōo̍chē pīya ge̍ ga la ɔcha yī Ikre̍eti la wāā yī ɛbɛ nīi ahuhu i̍ lɔ̄kɔ̄kū gba̍a̍ ni̍ ma̍. Alɔ ga la ɛbɛ ɔha̍ nīi re̍ka “Ɛ̍ngɔ̍ yī Ajɛ yī Isalo̍me” ma̍. 8Wɔwu̍ yī alɔ ga la ɛkɛ̄ɛkū. O̍ lichi̍ de alɔ kpɛ̍ɛ o̍bū nīi alɔ gbajɛ ga ɛbɛ nīi re̍ka “Lɛga Ogbodɔ̍dɔ̍” ma̍. Ɛbɛ ɔla̍ā lɛ kurɛkurɛ ga ipwo̍gra yī Ila̍siya.
9Alɔ hɔ̄ abɔ̍ɔ ligbi̍gbo̍, kpɛ̍ɛ nīi o̍ de yu̍uhuhwi de alɔ la ɔgba̍a yɛ ga iyɔ̄bū. Yɛ̄grāa nīi e̍ ē ya̍ ɔbɔ̄bla yī Lɛlā Ɔdwɔ̄bi̍ Ode Kɔ̄kɔ̄ ma̍ hɛ̍ga la olo̍ ɔla̍ā mɛ̍. Wu̍chē yī ɔla̍ā, Ipɔ̍ɔli ta̍ wā ɔna. 10O̍ ka de wa̍ hīka, “Ādā yī u wa̍a̍, ɔpɛ̄ nīi n yɛ ma̍ ē ma̍ ma̍, ɛyɛ yī alɔ bū amu u̍ma̍ ga iyɔ̄bū ge̍ē luhuhwi ē de alɔ kpɛ̍ɛji. I̍hi ge̍ē ya̍ iho̍ nīi tū la wɔwu̍ ma̍ ba̍la wɔwu̍ ɔlɔjā ba̍la alɔ ɛlɛjā.” 11Ɔlɛhu̍ icho̍ojiya ɔla̍ā i̍ chɛ̄ pɔ̍ɔkɔ yī Ipɔ̍ɔli ni̍. Lɛlā yī ɔlɛhu̍ yī wɔwu̍ ɔla̍ā ba̍la ɔlɔjā yī wɔwu̍ nīi o̍ po̍ a̍nɛ. 12Ɛbɛ ɔla̍ā i̍ gba̍a hwɔhi la ode wɔwu̍ ku̍ lɛga kpɛɛ yɛ̄grāa yī owu ni̍ ma̍, āchɛ ɛha̍ chikpo̍ ge̍ē yɛ ē gāa iyɔ̄bū. E̍ je̍ka aɛ̍lɛ ge̍ gbajɛ ē gāa Ifɛ̍nīisi o̍bū nīi aɛ̍lɛ ē jī hɔ̄ abɔ̍ɔ yɛ̄grāa yī owu. Lɛga yī Ifɛ̍nīisi - lɛga ogbodɔ̍ɔ̍ nīi yenyi i̍ ha̍kpa̍ ni̍ ma̍ nɛ. O̍ hɔ̄ la ɔcha yī Ikre̍eti pīyeyīta̍ wāā yɛnɔ ɔ̄nɛ̄.
Ahuhu ɔnɔ̄kɔ̄kū nīi gwō abɔ̍ɔ la li̍hu ma̍
13Owu yɛ ē ta̍ pepe ē bū la ihi̍yajɛ ma̍, āchɛ ɛla̍ā wa̍a̍ gbɛri̍ya̍ ka ɔmɔ̄miya yī aa̍ ɔ̍lɔ de ngmɛ̍rɛ̍ de aa̍ mɛ̍. E̍ hu a̍bi̍ije ɔlyɛnɛ̍nu̍ nīi ku̍ wɔwu̍ chi̍yɛ ma̍ hī ɔ̄. E̍ hu wɔwu̍ bū abɔ̍ɔ bɛ̍ɛ̄nɛ̄. E̍ yɛ la ɛkɛ̄ɛkɛ̄ɛkū yī li̍hu yī ɔcha yī Ikre̍eti ɔla̍ā. 14O̍ i̍ lɔ̄lɛ igbi̍gbo̍ o̍bū ni̍, ahuhu ɔlwɔhɔ̍hu̍ ɔha̍ kū la ogwōgwō bū la Ikre̍eti bɛ̍ɛ̄nɛ̄. E̍ ē hī ita yī ahuhu ɔla̍ā ka “Ahuhu yī Abɔ̄ Līfīyē yī Yɛnɔ Ɔ̄chī.” 15Ahuhu ɔla̍ā wā ge̍ dra̍ wɔwu̍ yī alɔ bɛ̍ɛ̄nɛ̄. Ɔyɛ ga iyɔ̄bū lipu̍ yī ahuhu gɛ, o̍ i̍ ngmɛ̍rɛ̍ gɛ ni̍. Wu̍chē yī ɔla̍ā, e̍ wā ge̍ pi̍ye̍mā nīi ahuhu ge̍ē pɛ̍ wɔwu̍ gāa ɛbɛ nīi o̍ yɛ gāa ma̍ bɛ̍ɛ̄nɛ̄. 16Wɔwu̍ yī alɔ gbajɛ bla̍a ajɛ ɔha̍ nīi yenyi ta̍kakatū ɔ̄ re̍ka Iklɔ̍da ma̍ la wa̍a̍ yī ihi̍yajɛ yī nū, ajɛ ɔla̍ā ku̍ ahuhu chi̍yɛ de alɔ. Abɔ̍ɔ la ɛbɛ ɔla̍ā, alɔ chɛ̄rī de i̍kpwɔ̍ɔ̄wu̍ nīi pla la ɔnɔ̄kɔ̄kū ma̍ pi lɔ̄lā hwɔhi hwɔhi. O̍ lichi̍ de alɔ kpɛ̍ɛ o̍bū. 17E̍ de ɔ̍ nāa tū wā lipu̍ yī wɔwu̍ ɔnɔ̄kɔ̄kū ke̍e̍. E̍ de orī ha̍aba ku̍ wɔwu̍ ɔnɔ̄kɔ̄kū ɔla̍ā brii bɛ̍ɛ̄nɛ̄. E̍ yɛ ē tūuhwi ka ɔ̍lɔ ge̍ē bī aa̍ ge̍ē chiya ē gblāa la wɔjɛ ɔdwɔ̄bi̍ ɔha̍ abɔ̍ɔ la li̍hu bla̍a ɔcha yī Ili̍biya. Wu̍chē yī ɔla̍ā, e̍ de ɔ̄pa̍ nīi ē bī wɔwu̍ rɛ̄ɛnya ma̍ hā. E̍ pi̍ye̍mā hi wɔwu̍ nīi ahuhu ge̍ē bī ɔ̄ ga ɛbɛ nīi hī ɔ̄ ɔtū ma̍ bɛ̍ɛ̄nɛ̄. 18Ahuhu ɔdwɔ̄bi̍ ɔla̍ā de hɛ̍ wɔbi̍ dɛ̄ la ɔ̄chī ɔmɛpa. E̍ kū la okpo̍ iho̍ yī wɔwu̍ ɔla̍ā wu̍ chīyenū bɛ̍ɛ̄nɛ̄. 19La ɔ̄chī ɔmɛta̍, āɛ̄jā yī wɔwu̍ ɔlɔjā nīi e̍ bī abɔ̄ kpo̍ ɛha̍ chīyenū bɛ̍ɛ̄nɛ̄ a̍nɛ. 20Ɔ̄chī ɛmɛ̍ɛmla̍a, alɔ i̍ ma̍ yɛnɔ kɛ̄ɛ i̍nyi̍nyɔ̍ɔwīyā la eyī ni̍. Ahuhu ɔnɔ̄kɔ̄kū ɔla̍ā de dwɔ̄bi̍ ga iyɔ̄bū iyɔ̄bū. Alɔ i̍ de ɔtū che ɔhɛ̍ta̍ yī alɔ gɛ ni̍ lachi̍lachi̍.
21O̍ ligbo̍ kpɛ̍ɛji mɛ̍ nīi alwɔwu̍ ɔla̍ā wa̍a̍ i̍ re̍ ojōre̍ gɛ ni̍ ma̍. Ipɔ̍ɔli nīichō yarɛ koko̍o de wa̍ bɛ̍ɛ̄nɛ̄ hīka, “O̍ ge̍ re̍ka ala̍ pɔ̍ɔkɔ yī u nɛ, alɔ i̍ ge̍ hu wɔwu̍ pīya hī ɔcha yī Ikre̍eti we̍ ni̍. Nɛ̄ni̍, i̍hi nūma̍ wa̍a̍ i̍ ke̍ ge̍ ya̍ alɔ gɛ ni̍. 22U̍ma̍ama nūma̍, n yɛ ē ra̍ābɔ̄ de ala̍! Ala̍ chu̍chu̍u, ala̍ ā mla ɔtū! Ɔ̄chɔ̄chɛ yī ala̍ i̍ ge̍ē bi̍ ni̍. Wɔwu̍ lōri̍īnū ge̍ē ku̍ chiya ē hunū a̍nɛ. 23Wu̍chē oji̍ nɛ, i̍ni̍īnɛ̄ la otu̍, ɔyɛ̍ɛ̄chɛ̄rɔ̄ yī Ɔwɔ nīi hɔ̍chɛ̍ yī nū nīi ē ya̍ otūlichō de ɔ̄ ma̍ wā dikpo̍ba̍ u. 24O̍ hī um ɛra̍ ka ɔ̍lɔ ge̍ Ipɔ̍ɔli! Amɔ̍lɔ ge̍ e̍e tūuhwi ni̍, ma̍a amɔ̍lɔ ge̍ē gbajɛ ē gāa iyɔ̄bū yī Isi̍sa gblɛ̍ɛgblɛ̍ɛ. Wu̍chē yī lɛhi ɔyɔ̍ɔ̄ya̍ yī Ɔwɔ, Ɔwɔ ɔ̍lɔ ge̍ē de ɔhɔ̄leyī yī āchɛ nīi - ɔ̍lɔ tū la wɔwu̍ nūma̍ ma̍ hɛ̍ta̍ de amɔ̍lɔ. 25O̍ lɛ i̍ngɔ̍ɔ ma̍, ala̍ ā mlɔtū, ma̍a n de ɔtū che Ɔwɔ. O̍ ge̍ē ya̍ i̍ngɔ̍ɔ ke̍e̍ lɔkɔ nīi ɔyɛ̍ɛ̄chɛ̄rɔ̄ yī nū ka de u ma̍. 26Ajɛ ɔha̍ nīi yenyi ta̍kakatū ɔ̄ ma̍ nīi wɔwu̍ ge̍ē bī alɔ ge̍ chīyenū a̍nɛ.”
27La otu̍ omigwo̍lɛnɛ, ahuhu yɛ ē gwō alɔ ē hɛ̍ Li̍hu yī Imɛditare̍niya ārɛ̄ bɛ̍ɛ̄nɛ̄. La iyārōtu̍ yī nū, āchɛ ɔpwɔ̍wu̍ yɛ ē gbɛri̍ya̍ ka aɛ̍lɛ tu̍ bla̍a o̍chi ɔha̍ mɛ̍. 28Wu̍chē yī ɔla̍ā, e̍ de ɔjā miya yenyi ga ajɛ ma̍. E̍ ma̍ hīka yenyi yī ɛbɛ ɔla̍ā ɔ̍lɔ lɛ ikpo̍ ohu erīiyī ga ajɛ. E̍ yɛ pi̍nyɛ̍ gba̍a miya yenyi ga ajɛ ma̍, e̍ ma̍ hīka ɔ̍lɔ lɛ ikpo̍ ohu ɛnɛ che igwo̍ ga ajɛ bɛ̍ɛ̄nɛ̄. 29E̍ yɛ ē tūuhwi ka wɔwu̍ ɔ̍lɔ ge̍ē yɛ la aa̍ ge̍ē dra̍ lɛchɔ̄ ɔha̍. Wu̍chē yī ɔla̍ā ē wu̍ a̍bi̍ije ɔlyɛnɛ̍nu̍ ɔha̍ nīi ē ku̍ wɔwu̍ chi̍yɛ ma̍ ɛnɛ ta̍tū ga yenyi la u̍tu yī wɔwu̍. E̍ gblāa abɔ̍ɔ ē jɔhā yī eyī ɔnyɔ̄nyā bɛ̍ɛ̄nɛ̄. 30Āchɛ ɔpwɔ̍wu̍ yɛ ge̍ē ku̍ gwɛ̍ɛnya ē hī wɔwu̍. E̍ wu̍ i̍kpwɔ̍ɔ̄wu̍ ta̍ tū ga yenyi, warīmɛ̄ ka aɛ̍lɛ yɛ gāa ge̍ē wu̍ a̍bi̍ije ɔlyɛnɛ̍nu̍ ɔha̍ nīi ē ku̍ wɔwu̍ chi̍yɛ ma̍ abɔ̍ɔ la lɛhu̍ yī wɔwu̍ ɔnɔ̄kɔ̄kū. 31Ipɔ̍ɔli koko̍o de ɔlɛhu̍ icho̍ojiya ɔla̍ā ba̍la āchɛ yī nū hīka, āchɛ ɛla̍ā ɛ̍lɛ i̍ ge̍ tū amu la wɔwu̍ ni̍, ɔ̄chɔ̄chɛ ɔ̍lɔ i̍ ge̍ē wōwi lipu̍ yī alwɔwu̍ nūma̍ wa̍a̍ ni̍. 32Wu̍chē yī ɔla̍ā, icho̍ojiya gāa ge̍ de orī yī i̍kpwɔ̍ɔ̄wu̍ ɔla̍ā hɛ̍, pi̍ye̍mā nīi yenyi bī ɔ̄ pīya.
33Eyī ɔnyɔ̄nyā yɛ ē wā ma̍, Ipɔ̍ɔli ra̍ābɔ̄ de alwɔwu̍ ɔla̍ā wa̍a̍ ka ɛ̍lɛ ge̍ re̍ ojōre̍. O̍ koko̍o de wa̍ hīka, “I̍chɛ tū ɔ̄chī omigwo̍lɛnɛ nīi ala̍ gblāa ma̍ ē gbēyī ma̍; ala̍ i̍ de oko̍o tū ɔjɔ̄jā ni̍. 34Ala̍ chu̍chu̍u! Ala̍ ā re̍ ojōre̍ gɛ! Wu̍chē yī ode wōwi yī ala̍ nɛ. Ūkpō yī inyɛ̄lɛ̄hu̍ ūkpo̍he yī ɔ̄chɔ̄chɛ i̍ ge̍ē pīyēbi̍ lipu̍ yī ala̍ ni̍.” 35Ipɔ̍ɔli kwɛ̍ɛjī la lɛlā ɔla̍ā ɔkɔ̄ka ma̍, o̍ wu̍ ibrɛ̍ɛdi ɛha̍ bī la abɔ̄. O̍ da Ɔwɔ o̍be la iyɔ̄bū yī āchɛ ɛla̍ā wa̍a̍ de ibrɛ̍ɛdi hɛ̍ bī abɔ̍ɔ ē re̍ bɛ̍ɛ̄nɛ̄. 36Āchɛ ɛla̍ā titi wā ge̍ mlɔtū bɛ̍ɛ̄nɛ̄, pra̍a kū la ojōre̍ la oro̍ōre̍. 37Alɔ āchɛ wa̍a̍ nīi tū abɔ̍ɔ la wɔwu̍ ɔla̍ā ma̍ lɛ āchɛ ohu igwo̍lɛta̍ che āchɛ igwe̍erīiyī. 38Aa̍ wa̍a̍ re̍ ɔjā jɛ̄ wā hwɔhi hwɔhi. E̍ wā ge̍ kpo̍ obuhū yī igu nīi re̍ka iwi̍iti tū abɔ̍ɔ la wɔwu̍ wa̍a̍ ma̍ chīyētū la yenyi. E̍ ya̍ hɛ̄ɛbɛ nīi wɔwu̍ i̍ ge̍ē lɛ yɛnɛ̍nu̍ ɔ̄kɔ̄kū gɛ ni̍.
Wɔwu̍ ku̍ chiya la aa̍ Ipɔ̍ɔli
39Eyī wā ge̍ nyā ma̍, āchɛ ɔpwɔ̍wu̍ ma̍ ajɛ ɔha̍. E̍ i̍ chī je̍ ɔcha nīi o̍ wɛ ma̍ ni̍. E̍ ma̍ oko̍o yī o̍chi ɔha̍ nīi lɛ wɔjɔjɛ ma̍, e̍ miya ka aɛ̍lɛ ge̍ē ya̍ nīi wɔwu̍ ɔ̍lɔ ē yɛ ge̍ē rutū abɔ̍ɔ. 40E̍ wā ge̍ de orī hɛ̍ hī a̍bi̍ije ɔlyɛnɛ̍nu̍ nīi ē ku̍ wɔwu̍ chi̍yɛ ma̍ chīyētū abɔ̍ɔ la yenyi. E̍ de orī wī hī ɔchi̍ ɔpwɔ̍wu̍ nīi e̍ ē bī ji̍ya ɔkɔ yī wɔwu̍ ma̍ i̍ngi̍ngɔ̍ɔ ɔpɔ̄ɔpɛ̄. E̍ de ɔ̄pa̍ nīi e̍ ya̍ nīi owu ē bī wɔwu̍ rɛ̄ɛnya ma̍ wī ta̍ ɔpɔ̄ɔpɛ̄. E̍ ya̍ hɛ̄ɛbɛ nīi o̍ ge̍ē yɛ ge̍ē ru ē tū la wɔjɛ ɔla̍ā. 41Wɔwu̍ chōo̍chē pīya ge̍ rutū la ɛbɛ nīi wɔjɛ lɔ̄kɔ̄kū la yenyi ma̍. Lɛhu̍ yī wɔwu̍ rutū la wɔjɛ kpɛ̍ɛ, o̍ i̍ yɛ ga iyɔ̄bū mɛ gɛ ni̍. A̍kpa̍yēenyi chī rɛ amu dra̍ tū u̍tu yī wɔwu̍ kpɛ̍ɛ nīi o̍ ku̍ mīyanya wa̍a̍.
42Icho̍ojiya miya ge̍ de aligbakɔbɔ wa̍a̍ ē kpo̍ ē ngmo̍, hɛ̄ɛbɛ nīi e̍ i̍ ge̍ē ta̍gwā ga o̍chi de ē gwɛ̍ɛnya ni̍. 43Ɔlɛhu̍ icho̍ojiya ɔla̍ā chī chikpo̍ ge̍ē hɛ̍ Ipɔ̍ɔli ē ta̍ ma̍, o̍ i̍ chɛ̄ nīi e̍ ya̍ i̍ngɔ̍ɔ lɔkɔ nīi e̍ miya ma̍ ni̍. O̍ koko̍o de alwɔwu̍ ɔla̍ā wa̍a̍ bɛ̍ɛ̄nɛ̄ hīka, “Ala̍ āchɛ nīi ē ta̍gwā mɛ ma̍, ala̍ ā ta̍gwā ga o̍chi o̍bū gɛ! 44Ala̍ āchɛ ehēhī, ala̍ hi̍bi gwō yenyi nīi ala̍ ge̍ de abɔ̄ kpla tū a̍krɔ̍ɔkpa kɛ̄ɛ wāā yī wɔwu̍ ɔha̍ ga o̍chi.” I̍ngɔ̍ɔ nīi o̍ lɛ nīi alɔ wa̍a̍ ga ga o̍chi ke̍e̍ a̍nɛ.
Currently Selected:
U̍ku̍rɔ̍ yī Alɛrɔ̄ 27: YBASR
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)
U̍ku̍rɔ̍ yī Alɛrɔ̄ 27
27
Ipɔ̍ɔli tū wɔwu̍ pīya yī Iro̍om
1E̍ de miya bɛ̍ɛ̄nɛ̄ ka aɛ̍lɛ ge̍ē tū wɔwu̍ yī yenyi ē ga I̍tāli. Ɔlɛhu̍ icho̍ojiya ɔha̍ nīi re̍ka Iju̍līyɔsi ma̍ nīi e̍ de Ipɔ̍ɔli ba̍la aligbakɔbɔ ehēhī wa̍a̍ tū ɔ̄ la abɔ̄ a̍nɛ. Ribi yī icho̍ojiya nīi re̍ka “Iyī Ɔgɔ̍sītusi Ɔchwɔ̄lɛ̍ Ɔnɔ̄kɔ̄kū” ma̍ nīi Iju̍līyɔsi - ɔlɛhu̍ yī wā a̍nɛ. 2Alɔ wā ge̍ tū wɔwu̍ ɔha̍ nīi bū la ipwo̍gra nīi re̍ka Adrami̍tiyum ma̍ bɛ̍ɛ̄nɛ̄. Wɔwu̍ nīi ē ku̍ jī rɛ ē ta̍ lɛgɛga yī ajɛ yī E̍siya wa̍a̍ ma̍ nɛ. Alɔ wā ge̍ pīya bɛ̍ɛ̄nɛ̄. Ɔngrɔ̄ɔ nīi re̍ka Ari̍si̍tākusi bū la ipwo̍gra yī Itɛsalona̍yīka la Imɛsɛdo̍niya ma̍ yɛ abɔ̍ɔ ba̍la alɔ. 3La eyī ɔnyɔ̄nyā yī nū, alɔ ku̍ jī rɛ la lɛga yī ipwo̍gra yī Isa̍yi̍dɔn. Iju̍līyɔsi lɛ yaya tāa Ipɔ̍ɔli kpɛ̍ɛji. O̍ pi̍ye̍mā hī Ipɔ̍ɔli ka ɔ̍lɔ ge̍ gāa ge̍ ma̍ aɛ̍ɛya yī ɔ̍lɔ hɛ̄ɛbɛ nīi e̍ ge̍ē de ɔjā nīi ku̍ ɔ̄ ɔkɔ ma̍ de ɔ̍. 4Alɔ gba̍a wā ge̍ hu bū abɔ̍ɔ bɛ̍ɛ̄nɛ̄. Wu̍chē lɔkɔ nīi ahuhu yɛ ē gwō pīyeyīta̍ alɔ ma̍, alɔ gāa ge̍ ga la wāā ɔha̍ yī ajɛ yī Isa̍yi̍prɔ̄ɔsi nīi gbo dɔ̍dɔ̍ ma̍. Yenyi ta̍kakatū ajɛ yī Isa̍yi̍prɔ̄ɔsi. 5Alɔ hɛ̍ li̍hu ārɛ̄ abɔ̍ɔ bla̍a Isili̍siya ba̍la Ipamfi̍liya. Alɔ wā ge̍ gbajɛ la ipwo̍gra yī Ima̍yi̍ra la ɔcha yī Ila̍yi̍siya bɛ̍ɛ̄nɛ̄. 6Ɔlɛhu̍ ɔla̍ā ma̍ wɔwu̍ ɔha̍ nīi bū la Alɛsa̍ndriya yɛ gāa ɔcha yī I̍tāli ma̍ abɔ̍ɔ ma̍, o̍ kpo̍ alɔ tū la anu̍.
7Alɔ yɛ bāa odu̍mɔ̍ du̍mɔ̍ ma̍ gbajɛ la ɔ̄chī ɛmɛ̍ɛmla̍a. Alɔ mi̍chi̍ kpɛ̍ɛji, o̍bū nīi alɔ wā ge̍ gbajɛ la ipwo̍gra yī Ina̍yi̍dūusi. Ahuhu yɛ ē gwō pīyeyīta̍ alɔ wɔhɔ̍hu̍ ma̍, alɔ i̍ yɛ ga iyɔ̄bū mɛ gɛ ni̍. Wu̍chē yī ɔla̍ā, wɔwu̍ yī alɔ chōo̍chē pīya ge̍ ga la ɔcha yī Ikre̍eti la wāā yī ɛbɛ nīi ahuhu i̍ lɔ̄kɔ̄kū gba̍a̍ ni̍ ma̍. Alɔ ga la ɛbɛ ɔha̍ nīi re̍ka “Ɛ̍ngɔ̍ yī Ajɛ yī Isalo̍me” ma̍. 8Wɔwu̍ yī alɔ ga la ɛkɛ̄ɛkū. O̍ lichi̍ de alɔ kpɛ̍ɛ o̍bū nīi alɔ gbajɛ ga ɛbɛ nīi re̍ka “Lɛga Ogbodɔ̍dɔ̍” ma̍. Ɛbɛ ɔla̍ā lɛ kurɛkurɛ ga ipwo̍gra yī Ila̍siya.
9Alɔ hɔ̄ abɔ̍ɔ ligbi̍gbo̍, kpɛ̍ɛ nīi o̍ de yu̍uhuhwi de alɔ la ɔgba̍a yɛ ga iyɔ̄bū. Yɛ̄grāa nīi e̍ ē ya̍ ɔbɔ̄bla yī Lɛlā Ɔdwɔ̄bi̍ Ode Kɔ̄kɔ̄ ma̍ hɛ̍ga la olo̍ ɔla̍ā mɛ̍. Wu̍chē yī ɔla̍ā, Ipɔ̍ɔli ta̍ wā ɔna. 10O̍ ka de wa̍ hīka, “Ādā yī u wa̍a̍, ɔpɛ̄ nīi n yɛ ma̍ ē ma̍ ma̍, ɛyɛ yī alɔ bū amu u̍ma̍ ga iyɔ̄bū ge̍ē luhuhwi ē de alɔ kpɛ̍ɛji. I̍hi ge̍ē ya̍ iho̍ nīi tū la wɔwu̍ ma̍ ba̍la wɔwu̍ ɔlɔjā ba̍la alɔ ɛlɛjā.” 11Ɔlɛhu̍ icho̍ojiya ɔla̍ā i̍ chɛ̄ pɔ̍ɔkɔ yī Ipɔ̍ɔli ni̍. Lɛlā yī ɔlɛhu̍ yī wɔwu̍ ɔla̍ā ba̍la ɔlɔjā yī wɔwu̍ nīi o̍ po̍ a̍nɛ. 12Ɛbɛ ɔla̍ā i̍ gba̍a hwɔhi la ode wɔwu̍ ku̍ lɛga kpɛɛ yɛ̄grāa yī owu ni̍ ma̍, āchɛ ɛha̍ chikpo̍ ge̍ē yɛ ē gāa iyɔ̄bū. E̍ je̍ka aɛ̍lɛ ge̍ gbajɛ ē gāa Ifɛ̍nīisi o̍bū nīi aɛ̍lɛ ē jī hɔ̄ abɔ̍ɔ yɛ̄grāa yī owu. Lɛga yī Ifɛ̍nīisi - lɛga ogbodɔ̍ɔ̍ nīi yenyi i̍ ha̍kpa̍ ni̍ ma̍ nɛ. O̍ hɔ̄ la ɔcha yī Ikre̍eti pīyeyīta̍ wāā yɛnɔ ɔ̄nɛ̄.
Ahuhu ɔnɔ̄kɔ̄kū nīi gwō abɔ̍ɔ la li̍hu ma̍
13Owu yɛ ē ta̍ pepe ē bū la ihi̍yajɛ ma̍, āchɛ ɛla̍ā wa̍a̍ gbɛri̍ya̍ ka ɔmɔ̄miya yī aa̍ ɔ̍lɔ de ngmɛ̍rɛ̍ de aa̍ mɛ̍. E̍ hu a̍bi̍ije ɔlyɛnɛ̍nu̍ nīi ku̍ wɔwu̍ chi̍yɛ ma̍ hī ɔ̄. E̍ hu wɔwu̍ bū abɔ̍ɔ bɛ̍ɛ̄nɛ̄. E̍ yɛ la ɛkɛ̄ɛkɛ̄ɛkū yī li̍hu yī ɔcha yī Ikre̍eti ɔla̍ā. 14O̍ i̍ lɔ̄lɛ igbi̍gbo̍ o̍bū ni̍, ahuhu ɔlwɔhɔ̍hu̍ ɔha̍ kū la ogwōgwō bū la Ikre̍eti bɛ̍ɛ̄nɛ̄. E̍ ē hī ita yī ahuhu ɔla̍ā ka “Ahuhu yī Abɔ̄ Līfīyē yī Yɛnɔ Ɔ̄chī.” 15Ahuhu ɔla̍ā wā ge̍ dra̍ wɔwu̍ yī alɔ bɛ̍ɛ̄nɛ̄. Ɔyɛ ga iyɔ̄bū lipu̍ yī ahuhu gɛ, o̍ i̍ ngmɛ̍rɛ̍ gɛ ni̍. Wu̍chē yī ɔla̍ā, e̍ wā ge̍ pi̍ye̍mā nīi ahuhu ge̍ē pɛ̍ wɔwu̍ gāa ɛbɛ nīi o̍ yɛ gāa ma̍ bɛ̍ɛ̄nɛ̄. 16Wɔwu̍ yī alɔ gbajɛ bla̍a ajɛ ɔha̍ nīi yenyi ta̍kakatū ɔ̄ re̍ka Iklɔ̍da ma̍ la wa̍a̍ yī ihi̍yajɛ yī nū, ajɛ ɔla̍ā ku̍ ahuhu chi̍yɛ de alɔ. Abɔ̍ɔ la ɛbɛ ɔla̍ā, alɔ chɛ̄rī de i̍kpwɔ̍ɔ̄wu̍ nīi pla la ɔnɔ̄kɔ̄kū ma̍ pi lɔ̄lā hwɔhi hwɔhi. O̍ lichi̍ de alɔ kpɛ̍ɛ o̍bū. 17E̍ de ɔ̍ nāa tū wā lipu̍ yī wɔwu̍ ɔnɔ̄kɔ̄kū ke̍e̍. E̍ de orī ha̍aba ku̍ wɔwu̍ ɔnɔ̄kɔ̄kū ɔla̍ā brii bɛ̍ɛ̄nɛ̄. E̍ yɛ ē tūuhwi ka ɔ̍lɔ ge̍ē bī aa̍ ge̍ē chiya ē gblāa la wɔjɛ ɔdwɔ̄bi̍ ɔha̍ abɔ̍ɔ la li̍hu bla̍a ɔcha yī Ili̍biya. Wu̍chē yī ɔla̍ā, e̍ de ɔ̄pa̍ nīi ē bī wɔwu̍ rɛ̄ɛnya ma̍ hā. E̍ pi̍ye̍mā hi wɔwu̍ nīi ahuhu ge̍ē bī ɔ̄ ga ɛbɛ nīi hī ɔ̄ ɔtū ma̍ bɛ̍ɛ̄nɛ̄. 18Ahuhu ɔdwɔ̄bi̍ ɔla̍ā de hɛ̍ wɔbi̍ dɛ̄ la ɔ̄chī ɔmɛpa. E̍ kū la okpo̍ iho̍ yī wɔwu̍ ɔla̍ā wu̍ chīyenū bɛ̍ɛ̄nɛ̄. 19La ɔ̄chī ɔmɛta̍, āɛ̄jā yī wɔwu̍ ɔlɔjā nīi e̍ bī abɔ̄ kpo̍ ɛha̍ chīyenū bɛ̍ɛ̄nɛ̄ a̍nɛ. 20Ɔ̄chī ɛmɛ̍ɛmla̍a, alɔ i̍ ma̍ yɛnɔ kɛ̄ɛ i̍nyi̍nyɔ̍ɔwīyā la eyī ni̍. Ahuhu ɔnɔ̄kɔ̄kū ɔla̍ā de dwɔ̄bi̍ ga iyɔ̄bū iyɔ̄bū. Alɔ i̍ de ɔtū che ɔhɛ̍ta̍ yī alɔ gɛ ni̍ lachi̍lachi̍.
21O̍ ligbo̍ kpɛ̍ɛji mɛ̍ nīi alwɔwu̍ ɔla̍ā wa̍a̍ i̍ re̍ ojōre̍ gɛ ni̍ ma̍. Ipɔ̍ɔli nīichō yarɛ koko̍o de wa̍ bɛ̍ɛ̄nɛ̄ hīka, “O̍ ge̍ re̍ka ala̍ pɔ̍ɔkɔ yī u nɛ, alɔ i̍ ge̍ hu wɔwu̍ pīya hī ɔcha yī Ikre̍eti we̍ ni̍. Nɛ̄ni̍, i̍hi nūma̍ wa̍a̍ i̍ ke̍ ge̍ ya̍ alɔ gɛ ni̍. 22U̍ma̍ama nūma̍, n yɛ ē ra̍ābɔ̄ de ala̍! Ala̍ chu̍chu̍u, ala̍ ā mla ɔtū! Ɔ̄chɔ̄chɛ yī ala̍ i̍ ge̍ē bi̍ ni̍. Wɔwu̍ lōri̍īnū ge̍ē ku̍ chiya ē hunū a̍nɛ. 23Wu̍chē oji̍ nɛ, i̍ni̍īnɛ̄ la otu̍, ɔyɛ̍ɛ̄chɛ̄rɔ̄ yī Ɔwɔ nīi hɔ̍chɛ̍ yī nū nīi ē ya̍ otūlichō de ɔ̄ ma̍ wā dikpo̍ba̍ u. 24O̍ hī um ɛra̍ ka ɔ̍lɔ ge̍ Ipɔ̍ɔli! Amɔ̍lɔ ge̍ e̍e tūuhwi ni̍, ma̍a amɔ̍lɔ ge̍ē gbajɛ ē gāa iyɔ̄bū yī Isi̍sa gblɛ̍ɛgblɛ̍ɛ. Wu̍chē yī lɛhi ɔyɔ̍ɔ̄ya̍ yī Ɔwɔ, Ɔwɔ ɔ̍lɔ ge̍ē de ɔhɔ̄leyī yī āchɛ nīi - ɔ̍lɔ tū la wɔwu̍ nūma̍ ma̍ hɛ̍ta̍ de amɔ̍lɔ. 25O̍ lɛ i̍ngɔ̍ɔ ma̍, ala̍ ā mlɔtū, ma̍a n de ɔtū che Ɔwɔ. O̍ ge̍ē ya̍ i̍ngɔ̍ɔ ke̍e̍ lɔkɔ nīi ɔyɛ̍ɛ̄chɛ̄rɔ̄ yī nū ka de u ma̍. 26Ajɛ ɔha̍ nīi yenyi ta̍kakatū ɔ̄ ma̍ nīi wɔwu̍ ge̍ē bī alɔ ge̍ chīyenū a̍nɛ.”
27La otu̍ omigwo̍lɛnɛ, ahuhu yɛ ē gwō alɔ ē hɛ̍ Li̍hu yī Imɛditare̍niya ārɛ̄ bɛ̍ɛ̄nɛ̄. La iyārōtu̍ yī nū, āchɛ ɔpwɔ̍wu̍ yɛ ē gbɛri̍ya̍ ka aɛ̍lɛ tu̍ bla̍a o̍chi ɔha̍ mɛ̍. 28Wu̍chē yī ɔla̍ā, e̍ de ɔjā miya yenyi ga ajɛ ma̍. E̍ ma̍ hīka yenyi yī ɛbɛ ɔla̍ā ɔ̍lɔ lɛ ikpo̍ ohu erīiyī ga ajɛ. E̍ yɛ pi̍nyɛ̍ gba̍a miya yenyi ga ajɛ ma̍, e̍ ma̍ hīka ɔ̍lɔ lɛ ikpo̍ ohu ɛnɛ che igwo̍ ga ajɛ bɛ̍ɛ̄nɛ̄. 29E̍ yɛ ē tūuhwi ka wɔwu̍ ɔ̍lɔ ge̍ē yɛ la aa̍ ge̍ē dra̍ lɛchɔ̄ ɔha̍. Wu̍chē yī ɔla̍ā ē wu̍ a̍bi̍ije ɔlyɛnɛ̍nu̍ ɔha̍ nīi ē ku̍ wɔwu̍ chi̍yɛ ma̍ ɛnɛ ta̍tū ga yenyi la u̍tu yī wɔwu̍. E̍ gblāa abɔ̍ɔ ē jɔhā yī eyī ɔnyɔ̄nyā bɛ̍ɛ̄nɛ̄. 30Āchɛ ɔpwɔ̍wu̍ yɛ ge̍ē ku̍ gwɛ̍ɛnya ē hī wɔwu̍. E̍ wu̍ i̍kpwɔ̍ɔ̄wu̍ ta̍ tū ga yenyi, warīmɛ̄ ka aɛ̍lɛ yɛ gāa ge̍ē wu̍ a̍bi̍ije ɔlyɛnɛ̍nu̍ ɔha̍ nīi ē ku̍ wɔwu̍ chi̍yɛ ma̍ abɔ̍ɔ la lɛhu̍ yī wɔwu̍ ɔnɔ̄kɔ̄kū. 31Ipɔ̍ɔli koko̍o de ɔlɛhu̍ icho̍ojiya ɔla̍ā ba̍la āchɛ yī nū hīka, āchɛ ɛla̍ā ɛ̍lɛ i̍ ge̍ tū amu la wɔwu̍ ni̍, ɔ̄chɔ̄chɛ ɔ̍lɔ i̍ ge̍ē wōwi lipu̍ yī alwɔwu̍ nūma̍ wa̍a̍ ni̍. 32Wu̍chē yī ɔla̍ā, icho̍ojiya gāa ge̍ de orī yī i̍kpwɔ̍ɔ̄wu̍ ɔla̍ā hɛ̍, pi̍ye̍mā nīi yenyi bī ɔ̄ pīya.
33Eyī ɔnyɔ̄nyā yɛ ē wā ma̍, Ipɔ̍ɔli ra̍ābɔ̄ de alwɔwu̍ ɔla̍ā wa̍a̍ ka ɛ̍lɛ ge̍ re̍ ojōre̍. O̍ koko̍o de wa̍ hīka, “I̍chɛ tū ɔ̄chī omigwo̍lɛnɛ nīi ala̍ gblāa ma̍ ē gbēyī ma̍; ala̍ i̍ de oko̍o tū ɔjɔ̄jā ni̍. 34Ala̍ chu̍chu̍u! Ala̍ ā re̍ ojōre̍ gɛ! Wu̍chē yī ode wōwi yī ala̍ nɛ. Ūkpō yī inyɛ̄lɛ̄hu̍ ūkpo̍he yī ɔ̄chɔ̄chɛ i̍ ge̍ē pīyēbi̍ lipu̍ yī ala̍ ni̍.” 35Ipɔ̍ɔli kwɛ̍ɛjī la lɛlā ɔla̍ā ɔkɔ̄ka ma̍, o̍ wu̍ ibrɛ̍ɛdi ɛha̍ bī la abɔ̄. O̍ da Ɔwɔ o̍be la iyɔ̄bū yī āchɛ ɛla̍ā wa̍a̍ de ibrɛ̍ɛdi hɛ̍ bī abɔ̍ɔ ē re̍ bɛ̍ɛ̄nɛ̄. 36Āchɛ ɛla̍ā titi wā ge̍ mlɔtū bɛ̍ɛ̄nɛ̄, pra̍a kū la ojōre̍ la oro̍ōre̍. 37Alɔ āchɛ wa̍a̍ nīi tū abɔ̍ɔ la wɔwu̍ ɔla̍ā ma̍ lɛ āchɛ ohu igwo̍lɛta̍ che āchɛ igwe̍erīiyī. 38Aa̍ wa̍a̍ re̍ ɔjā jɛ̄ wā hwɔhi hwɔhi. E̍ wā ge̍ kpo̍ obuhū yī igu nīi re̍ka iwi̍iti tū abɔ̍ɔ la wɔwu̍ wa̍a̍ ma̍ chīyētū la yenyi. E̍ ya̍ hɛ̄ɛbɛ nīi wɔwu̍ i̍ ge̍ē lɛ yɛnɛ̍nu̍ ɔ̄kɔ̄kū gɛ ni̍.
Wɔwu̍ ku̍ chiya la aa̍ Ipɔ̍ɔli
39Eyī wā ge̍ nyā ma̍, āchɛ ɔpwɔ̍wu̍ ma̍ ajɛ ɔha̍. E̍ i̍ chī je̍ ɔcha nīi o̍ wɛ ma̍ ni̍. E̍ ma̍ oko̍o yī o̍chi ɔha̍ nīi lɛ wɔjɔjɛ ma̍, e̍ miya ka aɛ̍lɛ ge̍ē ya̍ nīi wɔwu̍ ɔ̍lɔ ē yɛ ge̍ē rutū abɔ̍ɔ. 40E̍ wā ge̍ de orī hɛ̍ hī a̍bi̍ije ɔlyɛnɛ̍nu̍ nīi ē ku̍ wɔwu̍ chi̍yɛ ma̍ chīyētū abɔ̍ɔ la yenyi. E̍ de orī wī hī ɔchi̍ ɔpwɔ̍wu̍ nīi e̍ ē bī ji̍ya ɔkɔ yī wɔwu̍ ma̍ i̍ngi̍ngɔ̍ɔ ɔpɔ̄ɔpɛ̄. E̍ de ɔ̄pa̍ nīi e̍ ya̍ nīi owu ē bī wɔwu̍ rɛ̄ɛnya ma̍ wī ta̍ ɔpɔ̄ɔpɛ̄. E̍ ya̍ hɛ̄ɛbɛ nīi o̍ ge̍ē yɛ ge̍ē ru ē tū la wɔjɛ ɔla̍ā. 41Wɔwu̍ chōo̍chē pīya ge̍ rutū la ɛbɛ nīi wɔjɛ lɔ̄kɔ̄kū la yenyi ma̍. Lɛhu̍ yī wɔwu̍ rutū la wɔjɛ kpɛ̍ɛ, o̍ i̍ yɛ ga iyɔ̄bū mɛ gɛ ni̍. A̍kpa̍yēenyi chī rɛ amu dra̍ tū u̍tu yī wɔwu̍ kpɛ̍ɛ nīi o̍ ku̍ mīyanya wa̍a̍.
42Icho̍ojiya miya ge̍ de aligbakɔbɔ wa̍a̍ ē kpo̍ ē ngmo̍, hɛ̄ɛbɛ nīi e̍ i̍ ge̍ē ta̍gwā ga o̍chi de ē gwɛ̍ɛnya ni̍. 43Ɔlɛhu̍ icho̍ojiya ɔla̍ā chī chikpo̍ ge̍ē hɛ̍ Ipɔ̍ɔli ē ta̍ ma̍, o̍ i̍ chɛ̄ nīi e̍ ya̍ i̍ngɔ̍ɔ lɔkɔ nīi e̍ miya ma̍ ni̍. O̍ koko̍o de alwɔwu̍ ɔla̍ā wa̍a̍ bɛ̍ɛ̄nɛ̄ hīka, “Ala̍ āchɛ nīi ē ta̍gwā mɛ ma̍, ala̍ ā ta̍gwā ga o̍chi o̍bū gɛ! 44Ala̍ āchɛ ehēhī, ala̍ hi̍bi gwō yenyi nīi ala̍ ge̍ de abɔ̄ kpla tū a̍krɔ̍ɔkpa kɛ̄ɛ wāā yī wɔwu̍ ɔha̍ ga o̍chi.” I̍ngɔ̍ɔ nīi o̍ lɛ nīi alɔ wa̍a̍ ga ga o̍chi ke̍e̍ a̍nɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020 Bible Society of Nigeria (second edition)