Sâm 126
126
Nshwam-Onyii
1Kyi/mû wǎ chwǒm-burê eri
ké nkéré Óburúkpâbí [o/bwa ne be esim Jerúsélem.]
2Byi/jwó kanong kanong byi-kwán kanong kanong ké bunyîn-dyityém.
Eshê nyí áku kâng e/raa kyi-kim ne be e/fu,
Óburúkpâbí o/chi biǐtí-byěm o-kye kámbé.
3Ké ntûntû, nyǐ o/chi biǐtí-byěm o-kye bě.
Be byi/mû ké bunyîn-dyityém kanong kanong.
4Óburúkpâbí, [yip bě a-bwa ne be esim ké esí eten]
wǎ eringe bubóng mbu bu-bwa ng esim ne omu ké buce ḿbú boo/núng.
5Kyi/bát banet ḿbé ba/sen batíí
ké nkéré ba/kwón esang-byichí ebe bafuu kányí ne bunyîn-dyityém.
6Banet ḿbé ba/mû ba-tii ng
ké nkéré ba/tû esang-byichí ba-dim edakwón ba/chi ba-kûkwán ne bunyîn-dyityém
ké nkéré ba-kú ba-bwa ng esim ne esang-byichí nyí mbé baa/fuu.
Currently Selected:
Sâm 126: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
