Sâm 124
124
Osówo, Onet-Onyii mú Banet Emen
1Ô Ézerel, faa ḿbím mún.
Kyi/mû kyi/chi kyi-chi nǎ,
â Óburúkpâbí o/mû o*da/bwom ne be*.
2Â Óburúkpâbí o/mû o*da/bwom ne be
ké nkéré banet-bushwôn eten ba/rim bunwa ne be*
3mbé kâng ba/mû ba-myii ng bě bakpó
ké kyibî-kafâ esa ebe ne be.
4Ne kiǐsúsú-kace kyi/mû kyi-tut ng bě.
Omu o/mû o-cít ng bě.
5Okínkán-oci-kace o/mû o-chi i bě byi-jâ ké kace.
6Bâ n̂g byi-kó Óburúkpâbí asǎma,
mú o*da/bángê banet-bushwôn eten ba-ju bě*.
7Be bii/fem wǎ kanurung ńké ka/mû ka/kpú ké kaǎtám.
Kaǎtám kaa/bên,
ne be bii/fem.
8Ochwâp eten mu o-fím m ne Óburúkpâbí
mú o/chi bubóng ne esí.
Currently Selected:
Sâm 124: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
