Sâm 109
109
Kyiraa ńkyí Onet mú mu ké Afaníkong
1Osówo, me mu n-kyâ ǒ akpee.
*Dawaa pyêppyêp*.
2Bambên atyém-banet ne bansêt byisédéng baa/rim bunwa ne me.
Mbé mbe ba-sét ng byisédéng ba-bât ng mě,
3ne mbé mbe ba-raa ng byibî-byěm ba-kim ne me,
ba-nwa ng ne me chwǒm n*da/chi*.
4Mbé ba*da/bángê ne me*
nang ké mbé mbe ba-jê ng mě,
ne [me nn/fé nshwam ké bubwô ebe.]
5Me n/chi kámbé kanong,
mbé ba-chi mě kyibî.
Mbé ba-jê ng mě,
me n-sa ng kámbé kafâ.
6Cá nkêt mpan mú odaryí ngu o-pan onet-bushwôn ejí mpan,
a-mîng onet-bushwôn emen obónge o-bât ǎ kyiraa.
7Kyi/bát bapan ǎ mpan ba/fu, o/chi kyibî.
Kyi/bát nang nshwam emen efé okyú chwǒm-kyibî.
8Kyi/bát dyikpen emen dyiman ké abe ké abe.
Kyi/bát onet okíri okúng kyikit-bǎmkpóngé emen.
9Kyi/bát bwǎn emen bafiri bwǎn-byibén.
Kyi/bát onyi emen ofiri onyǐnkú.
10Kyi/bát bwǎn emen bafiri banrêm byěm ḿbé ba*fí ne kyise*.
Kyi/bát [baró kámbé] ké biinkut ḿbyí mbe ba-kyú u.
11Kyi/bát banet ḿbé nyǐ o/ryí kámbé afwá bakoo ǎ byěm emen kángkáng.
Kyi/bát bacinbánet bakoo ǎ kángkáng byěm ḿbyí o/já ké bǎmkpóngé echi.
12Kyi/bát onet nang obónge o*dacángê dyityém ne nyǐ*
ba-tún nang bwǎn-byibén emen ḿbé nyǐ o/mîng*.
13Kyi/bát bwǎn emen kángkáng bakpú.
Kyi/bát bwǎn ḿbé bwǎn emen baráp dyizîn emen.
14Kyi/bát Óburúkpâbí ozîim byibî ḿbyí banchí emen ḿbé kpákpá ba/chi.
Kyi/bát Óburúkpâbí o*dachi o-pwoo byibî ḿbyí boné emen*.
15Kyi/bát Óburúkpâbí ozîim byibî ebe kángkáng nkéré,
[nké kyi/bát banet baráp kámbé.]
16Onyinchéng ámu oo*kabe ne banyá kyi-kim ne dyityém ecángê*.
Nyǐ o/kye banet ḿbé mbe kyikpu ne ḿbé ba*fí ne chwǒm*
ne ḿbé ba*fí ne ochwâp* busông, o-ju kámbé.
17Banet ba-nyîn n ǎ eshú.
Kyi/bát bashú ǎ.
Banet baa*nyîn ǎ ekye ojware*.
Kyi/bát onet nang obónge o*da ǎ ekye ojware*.
18Nyǐ o/shú banet wǎ eringe nyí mu o-bwá ng byídí.
Kyi/bát byishû emen byinung ǎ ké byiko wǎ omu,
ne ké byikúú wǎ bakút.
19Kyi/bát byicít ǎ wǎ byídí,
ne byiwáp ǎ wǎ emâp kángkáng nkéré.
20Óburúkpâbí, kye banet-bushwôn ejí ḿbé mbe ba-raa ng byibî-byěm ámbyi ba-bât ng mě dyizong-busông ándyi.
21Nké Óburúkpâbí mú mu Osówo ejí,
chwáp mě wǎ eringe a/ryí ocím,
a-nyii mě ké bubwô ḿbú kanong ńké kyijé eyên.
22Me mu kyikpu, n*fí ne chwǒm*.
Nkyi kyi-bán n mě kyi-ribi ng ké kafâ-dyityém ejí.
23Me n-kú m-bâ eríbî wǎ busun-dyikurúku.
Baa/pâ mě ba-twóp kú wǎ kaǎnyâa.
24Arông aa/nyii mě ké byiryíng ḿbyí byi*fí mě*.
Enyam-byiko ejí e/firi byikúú byíkuu.
25Banet mbe ba-jwó ng mě ké nkéré baa/ri mě.
Mbé mbe ba-ninge e ashí ba-kyâ mě edángé.
26Ô Osówo Óburúkpâbí ejí, chwáp mě.
Nyii mě ké bubwô-kyijé eyên ńkyí kii*man*.
27Chi banet-bushwôn ejí ba-nyît ba/fu,
wo nké amu a-nyii ng mě.
28Kyi/nyîn kámbé bashú mě,
nké wo a-jware ng mě.
[Kyi/bát éshwân ewuri banet ḿbé mbe ba-kyâ mě busông,]
ne kyi/bát me mú ḿgbán eyên nkyú ké bunyîn-dyityém.
29Kyi/bát éshwân esú banet-bushwôn ejí ké byiko.
Kyi/bát bafé éshwân ebe ké byiko wǎ byídí.
30Me n/chi n-kó Óburúkpâbí asǎma ne ejá kyíbóng kyíbóng.
Me n/chi m-kpee ǎ ké burwám-banet emen,
31ké nǎ, nyǐ mu o-bám m onet-kyikpu,
ne mu o-nyii ng ǎ ké abwô nyí banet ḿbé ba/fu, baju ǎ.
Currently Selected:
Sâm 109: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
