Náhum 2

Orông mú Nyínyíve

1Nyínyíve, ba-kú ba-kyâ ǒ bunwa.

Busa ḿbú bu/chi bu-man ne wo boo/bê.

Tî n̂g banet ké byikit-mbâm.

Bám m̂ bukwóp.

Kpá n̂g byiko-byití.

2Ké nǎ, Óburúkpâbí o-kú o-bâ ebwa esim ne butu ḿbú Ézerel

bu-firi wǎ eringe nyí bu/mû ne banet-bushwôn emen ba-bên kámbú.

3Basúja ḿbé banet-bushwôn-Nyínyíve ba/níbî édem nyí shétshét

ba-fé to byidóng-byití ḿbyí shétshét.

Mbe ba-kpá ng byiko ḿbyí badakye bunwa.

Bamútu ebe ḿbé bubyî-orá budatut mbe ba-két ng kasabang wǎ okwâ.

[Bubyî-orá] ebe bu*fí to bu-man n ekám byiko*.

4Bamútu ḿbé bubyî-orá budatut mbe ba-cen n ké byiká-oshê,

ba-yú u oyǔng, ba-shû ng oshǔng ké otyém-oshê.

Mbe ba-san n wǎ okwâ,

ba-két ng wǎ kasabang.

[ 5Ba-kú ba-kó ng banet-ashí-basúja ba-bâ kyikit kyibónge,

ne nang yeě mu o-ryuu ng o/fu,

nyǐ o-bwóp ng kashú.]

Ba-kú ba-zóngê e ba-bâ ké ekpe nyí e/wáp oshê e-fé ké kafâ,

ne ba-kú ba-yip ng édem nyí eryên ba-fárâng ng ekpe.

6Afyi nyí a/fárâng ne kace aa/bâa.

Bushî boo/róng ké kyibám-butu.

7Baa/kám onyi-otu ba-dim ne nyǐ.

Bǎmgbán emen ba-kú ba-tii ng wǎ burúú,

ba-díp ng abwô ké kakim ké bafip.

[ 8Banet ḿbé oshê mú Nyínyíve baa/pwôo byiryibyiryi wǎ baya ḿbé baa/sú].

Mbe ba-kó ng kámbé ba/fu, bwom m̂,

nké onet o*fí mú o/bwa esim*.

9Yip n̂g basyílyíba, yip n̂g bagûl.

Esang ee/sú ké oshê mún.

10Baa/bên Nyínyíve,

banet baa/chêe ké mǔ ne oo/waa kafâ dyikáá.

Atyém aa/kyee ké bushî,

arông a-kú a-tím m kámbé banê,

busa boo/man kámbé, bashú baa/kpú.

11Oshê mún mu nyá kántîk,

mú o/mû wǎ bucim-ekpang ḿbú ekpang edanen bwǎn emen.

Kyikit ńkyí otyép ne buma-ekpang badanung,

chwǒm kii*ta bwǎn ebe*.

12Ekpang e/ju enyam,

e-ját kányí boǒcê boǒcê e-kye óbe ne bwǎn emen,

e-yip boǒcê bukíri e-fé ké bucim emen.

13Óburúkpâbí mú o/rêe o-shwôm o/raa ne Nyínyíve o/fu, me n-chi i onet-bushwôn enen. N/chi n-shí bamútu enen ḿbé bubyî-orá budatut. N/chi n-ju basúja enen ké byití, ne n/chi n-kúng kángkáng byěm ḿbyí ben ba/koo ne banet. Banet baa*ba/chi ba-chîjwo kyi-kim ne busa enen ké ejíí*.

Currently Selected:

Náhum 2: BKY

Highlight

Copy

Compare