Jóna 2
2
Nshwam mú Jóna o/fé o-kye Óburúkpâbí
1Jóna o/waa ké dyifít-kakworê o-fé nshwam o-kye Osówo Óburúkpâbí emen o/fu,
2ké bafip ejí, ô Óburúkpâbí,
me n/kó ǒ, wo a-jwo mě.
Me n/kyú ké oshê-bakúsí, n-tii n-kó ǒ, n/fu,
chwáp mě, wo a-jwo mě.
3Wo a/yip mě a-twóp ké kiǐríbíríbí-baya ḿbé baryên
n-shû n-da-rí ké kyikû emen,
ké kyikit ńkyí kace eyên ńké nke ka-náng ng kakânkakân nke ka-kúng ng mě kashú ne esim.
4Me m/mû n/kabe n/fu, wo aa/ró mě ké bushú eyên,
ne mm*ba/chi n-chîri kiǐtí-kyise-kyifen eyên echi ńkyí ociring*.
5Omu o/cít mě, n*fí to m-man n eshû kiǐnjáng*
baya ba-cít mě kángkáng,
biǐbyâa ḿbyí ké kafâ-kace byi-cít dyishí ejí dyimúmú.
6Me n/shû n-da-rí ké kyikû-eku nyí ejíí,
n-ribi ké esí nyí afyi emen nyi a-waa ng fínfín
ne banyá ne banyá.
Nké wo Osówo Óburúkpâbí ejí,
a/fîm mě ké biǐríbíríbí-byikit ámbyi,
a-bwa ne me esim okpó.
7Ké nkéré mú n/ri dyikpen ejí dyi-kú dyi-sep ng dyi-câ,
me n/fé nshwam kâng n-kye ǒ, ǎ Óburúkpâbí,
ne wo a/kyú ké kiǐtí-kyise-kyifen echi eyên a-jwo mě.
8Banet ḿbé mbe ba-sháng ng bakye ḿbé ba*da/byí chwǒm* baa/mîng ǒ ofê ekye.
9Nké me n/chi n-kwán ekwan-akpee n-kye ǒ.
Me n/chi n-chi kyifen n-kye ǒ,
n-chi to eringe nyí me n/ryí ocím.
Onyii-banet mu o-fím m ké abwô nyí Óburúkpâbí.
10Ne Óburúkpâbí o-nyán kakworê ánke kâng o/fu, kafám Jóna ka-twóp ké nkwon, ne ka-chi éné.
Currently Selected:
Jóna 2: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
