Azáya 4
4
1Â nkéré ámu o/fyi, banyinyi ashí káchâtkányi ba/chi ba-níbî onyinchéng obónge ba-sét ǎ ba/fu, be byi-man n enen byiko eten, byi-bwá byídí, nké mîng byi-kûsét byi/fu, wo a-chi i otyép eten eringe nyí bii*koo to éshwân nyí byimu akpe*.
Óburúkpâbí o/chi o-bwa ne Jerúsélem eringe nyí o/mû
2Nkéré mu o-bâ mú Óburúkpâbí o/chi o-chi kyicat emen kyi-tím ké kyichí ńkyí kyiryên ńkyí nkyi ké esí kyi-kán, kyi-kûnwa. Kángkáng banet-Ézerel ḿbé ba/chi ba-kpen kyi/chi kyi-nyîn kámbé, ba-kûtông byiko ké byíkwôn ḿbyí mbyi ké esí ebe. 3Nang yeě mú o/waa ké Jerúsélem, mú Osówo oo/cá ǎ o/fu, okpen, ba/chi ba-kó ǎ onet mú o/já Óburúkpâbí. 4Ké busa emen, Óburúkpâbí o/chi o-pan oshê mpan o-chi kámú o-cé, o-soo byibî ḿbyí Jerúsélem ne baróng ḿbé ba/pwó ké mǔ. 5Ké kaku ńké Záyon, ne ké ashí nyí kángkáng banet ḿbé ba/cibi ányi, Óburúkpâbí o/chi o-twóm ófíbí ké esû, o-twóm erúkwâ ne bumang-okwâ ké buchú. Busan-Osówo ḿbú ragerage bu/chi bu-cít bu-ku oshê omúmú. 6Busan emen ḿbú ragerage bu/chi bu-ku oshê ké busông-esû, bu-chi to kámú o-firi kyikit ńkyí onet odarem, omu ne afú bii*ta ǎ*.
Currently Selected:
Azáya 4: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
