Azáya 35
35
Bukwóp-Ociring
1Kyikim-dyikán kyi/chi kyi-jêe,
ne ekong-byichí e/chi e-paam ké nkyí.
2Kyikim-dyikán kyi/chi kyi-kwán ekwan,
kyi-wonge ké bunyîn-dyityém.
Kyi/chi kyi-kûnwa wǎ eku nyí Lebánon,
ne kyi/chi kyi-kûbát byiryíng
wǎ byifát ḿbyí ké Kámel ne Sháron.
Nang yeě o/chi o-ri busan ḿbú Óburúkpâbí ḿbú ragerage,
o-ri busa emen ne eringe nyí mu kiǐtí.
3Fé n̂g abwô nyí aa/kyee busa
ne arông to nyí nyi a-tím m banê ké kyikyee.
4Sét n̂g nang yeě mú asa aa/jwâa ǎ ba/fu,
okyú shwaneshwane,
o*dachi o-shî*.
Osówo mu o-bâ běn ebanyii.
Mu o-bâ banet-bushwôn emen busông ekye.
5Bansêe achi ba/chi ba-kûrángê,
ne banrwôm atông ba/chi ba-kûjwo.
6Bankwa ba/chi ba-pyiryi kyíbóng, ba-ne ane,
ne banet ḿbé baa*man eraa* ba/chi ba-wonge ké bunyîn-dyityém.
Buce bu/chi bu-sen bu-shwôm ké kyikit ńkyí omu o*fí*.
7Éshíshě nyí nyi e-sóng ng wǎ okwâ e/chi e-firi baya ḿbé baryên,
ne esí nyí jwómjwóm e/chi e-firi ne buce.
Byikit ḿbyí enyam nyí edakyú ké éshíshě byi/chi byi-firi ne biǐbyâa
ḿbyí byidachi ké kafâ-kace.
8Bukwóp bu/chi bu-kyú ányi.
Ba/chi ba-kûkó kámbú bukwóp-ociring.
Nchi kyibî o*fí nang obónge mú o/chi o-cen ké mbú*.
[Enyam-banet e*fí nyí e/chi e-nîm banet ḿbé mbe ba-cen n ké mbú*.]
9Ekpang ee*ba/chi e-kyú ké mbú*
kyibî-enyam kyi*fí ńkyí kyi/chi kyi-cen ányi*.
Banet ḿbé Óburúkpâbí oo/nyii kámbé ba/chi ba-cen ké bukwóp ámbu ba-jâ.
10Ba/chi ba-ribi Jerúsélem ne bunyîn-dyityém,
ba-kwán n ekwan,
ba-wonge e ne bunyîn-dyityém.
Ba/chi ba-kyú ké bunyîn-dyityém ne banyá,
ba-fem ké bafip ne busông eri ne banyá.
Currently Selected:
Azáya 35: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
