Azáya 31
31
Osówo o/chi o-ku Jerúsélem ké Afaníkong
1Banet ḿbé mbe ba-câ ba-kâm Éjip ba/fu, echwáp kámbé, mbe ké busông. Mbé mbe ba-jêem m esim ké busa-byití ḿbú Éjip, ké bubyî-orá ebe ne bamútu-byití ebe ne basúja ebe. Nké ba*da/jêem esim ne Osówo Óburúkpâbí mú onong mú Ézerel* ba-bí ǎ nang obî ba/fu, ochwáp kámbé*. 2Osówo mu o-nyît ng ńkyí mu o-chi i. Nyǐ mu o-twóm m busông. Mu o-câ kashú ne bushî emen efé ne busông ḿbú o/chi o-kye byibî-banet ne banet ḿbé mbe ba-ku ng kámbé ké afaníkong. 3Banet ḿbé Éjip baa*chi esówo* ba-chi i banet. Bubyî-orá ebe bu*fí ne busa ḿbú bu/shwôm enyam*. Ké nkéré Óburúkpâbí oo/fé abwô, oshê mú mu ne busa o/chi o-róng, ne oshê mú mu kyeekyee mú oshê-busa ámu mu o-chwáp ng kámú o/chi o-róng to. Ba/chi ba-bên eshê ányi efee.
4Óburúkpâbí mú o/rêe o-shwôm o/raa ne Azáya o/fu, nang bambâm ebû ba-tii ng, ba-wonge nǎ, baa*man eró ekpang e-dim e-mîng enyam nyí ee/ju*. Ké bukwóp ámbu bubónge, chwǒm kyi*fí ńkyí kyi/chi kyi-chi mě me Óburúkpâbí m-mîng kaku ńké Záyon eku ké afaníkong*. 5Eringe nyí kanurung kadatû ké dyiju ka-kûbám eringe nyí chwǒm kii*chi bwǎn emen* éné to nké me Óburúkpâbí mú o/rêe o-shwôm n/chi n-ku Jerúsélem ké afaníkong n-nwa ne banet-bushwôn emen.
6Óburúkpâbí o/raa o/fu, ben banet ḿbé Ézerel baa/chi kyibî ba-bât mě, ba-kán mě ké dyishí. Nké kántîk, bwa n̂g esim ba-kâm mě. 7Nkéré mu o-bâ mú ben ashí amúmú ba/chi ba-pwó byibî-erím-bakye enen ḿbyí ba/chi ké syílyíba ne gûl. 8Ba/chi ba-bên oshê mú Asyírya ké byití, nké *chí ké busa ḿbú banet*. Banet ḿbé Asyírya ba/chi ba-chêe byití, ne ba/chi ba-chi byisat ebe byi-firi básóng. 9Otu ebe o/chi o-chêe ké bushî, ne bushî bu/chi bu-róng banet-ashí-basúja emen ḿbú bu/chi bu-chi kámbé ba-chêe ba-mîng ekap-oshê ebe. Óburúkpâbí oo/raa, Óburúkpâbí mú mbe ba-fâ ǎ ké Jerúsélem, ne mú okwâ emen mú mbe ba-chi i byifen mu o-mang ng to áku ké Jerúsélem.
Currently Selected:
Azáya 31: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
