Jénésis 8
8
Nkéré mú Buce bu/sáng
1Osówo o*da/ráp Núwa ne enyam nyí e/mû ne nyǐ ké ńsukyíkang*. O/chi bufú bu-tugi, omu o-kpet enúng. 2Osówo o/cít bambyí-omu ḿbé kyísí ne afyi-omu nyí kyíbóng. Omu o-mîng ena, 3ne omu o-kpet enúng o-câ dekdek ké bajam-ací káchâtkányi esim diǐkpú. 4Ké ací onyiryiká ne afee, ké etukáku káchâtkányi, ńsukyíkang o/datwôom ké eku nyí Arárat. 5Omu o-sep ng o-câ kyísí, ne ké mbwôp kashú-dyicí, ké etukáku diǐkpú, ashí-eku a-byí kyíjí.
6Ké nkéré mú kii/rí bajam-ací bafee, Núwa o-kuu wíndu 7o-twóm kanurung kabónge ńké badakó rében ka-byí kyíjí. Kanurung ánke ka*da/chîbwa esim*. Ka/wâa ka-byí i ka-wáp ng tete buce bu-sáng gbât. 8Núwa o-chîtwóm ámalê abónge o/fu, nyǐ o-nyît ng â buce boo/sáng, 9nké ké nǎ, omu o/mû o/tôong o-cít ng kángkáng byěm, ámalê a*da/ri kyikit ńkyí adatû*. A-pín a-bwa esim, Núwa o-tan bubwô o-níbî kányí o-fé ké kafâ-ńsukyíkang. 10Núwa o/chîbám ací káchâtkányi ne o-chîtwóm ámalê a-ca kyíjí. 11Ámalê ányi a/bwa esim ké dyikurúku a-kâm Núwa ne bushǎan-ólif ké ocím. Ne Núwa o-nyît kâng o/fu, kace kaa/sáng. 12Núwa o/chîbám ací káchâtkányi ne o-chîtwóm ámalê ányi kyíjí. Ńdyí a/byí éné, a*da/chîbwa esim*.
13Ńdyí Núwa o/rí égot-aje echât ne dyije dyibónge, ké mbwôp kashú-dyicí ńdyí mbwôp kashú-otukáku, omu o/núng kángkáng. Núwa o-bâa bubóng-ńsukyíkang, o-tún achi kyíjí, o-ri o/fu, esí e-kú e-jwóm m. 14Ké nkéré nnyinyěng-otukáku o/rí ací bujam esim káchâtkányi, esí e/jwóm kanong kanong.
15Osówo o-sét Núwa o/fu, 16byí ké ńsukyíkang ne onyi eyên ne bwǎn eyên ne banyi ebe. 17Fîm kángkáng enyam ne bunurung byi-byí ne wo ké kyikû, eringe nyí edakpet efwon e-káng ejíí emúmú. 18Ne Núwa kâng o-byí ké ńsukyíkang ne onyi emen ne bwǎn emen ne banyi ebe. 19Kángkáng enyam ne bunurung byi/byí to ké ńsukyíkang dyizong ne dyizong ké dyizu ńdyí emen.
Núwa o/chi Kyifen o-kye Osówo
20Núwa o/bi kyikit-kyifen echi o-tî Óburúkpâbí. O-kúng enyam ebónge ebónge ne kanurung kabónge kabónge, ké burwám ḿbú baa*ciring* o-shí kámbyí kángkáng o-chi kyifen. 21Kyinung-byěm-kyifen ánkyi kyi/nyîn Óburúkpâbí, ne o-raa ne byiko emen o/fu, ne banyá mm*ba/chi n-chîshú ejíí* ké bubwô ḿbú ńkyí onet odachi*. Me mu n-nyît ng n/fu, kyi-fím ké dyikwá emen, okabe emen o*fí kanong*. Mm*ba/chi n-chîju kángkáng byěm ḿbyí mbyi byi-kpen n ké ejíí* wǎ eringe nyí n/chi něen*. 22Ké kyikim-nkéré ńkyí ejíí e/chi e-waa, nkéré o/chi o-kyú mú badakpang kyifát ne mú badafuu byiryíng. Kángkáng nkéré, nsísóngé ne dyibyi, kyifang ne burwom, buchú ne esû byi-man byi-kyú.
Currently Selected:
Jénésis 8: BKY
Highlight
Share
Compare
Copy
Want to have your highlights saved across all your devices? Sign up or sign in
Published by the Bible Society of Nigeria @ 1985
Videos for Jénésis 8
Episode 36:Are We Near the End? The Bible’s Hidden Pattern
Under The Hood
EP 25. Why Do So Many Cultures Have Flood Myths? The Truth Behind the Stories
Under The Hood
Episode 29: Did a Meteor Really Trigger Noah’s Flood?
Under The Hood
Ep 32. Genesis 6-7: The Flood: A Heartbroken God Brings Justice and Mercy
The Bible Show