MIKA 1
1
1 #
2 Rac 15.32–38; 2 In 27.1–7; 2 Rac 16.1–20; 2 In 28.1–27; 2 Rac 18.1—20.21; 2 In 29.1—32.33 Ini bala luk biré Tuhan ni Mika luk rat Moresét, kareb Yotam, Akas, idi Hesekia ngimet Yahuda. Idi ini luk sinier Mika ratnan Samaria idi Yerusalem.
Tido Kuan Samaria Idi Yerusalim
2O amung pupu, ninger bala ini
idi amung muyuh luk tudo bang tana' ini!
Tuhan Allah miak mangun ku lun nekali' ratnan muyuh.
Ninger! Tuhan pebala rat ruma'Neh luk déi' Surga.
3Tuhan macing rat su inanNeh luk meligan.
Ieh temurun idi nalan luun pegkung.
4Idi pegkung miak ubpa' liang daperNeh,
mepad kudeng semara' luk remuno bang apui,
idi raked pana' meturan,
mepad kudeng abpa' luk manud rat luun surud.
5Amung ini miak mangun ngaceku pupu Israil pangeh nenganau' sala', idi sikal metueh ratnan Allah. Idéké luk uen ngesala' ratnan dat lun Israil? Lun Samaria mo'! Idéké luk nguit nelun Yahuda sembayang inan akang? Lun Yerusalim mo'! 6Ngaceku ineh kebala Tuhan, “Ui miak nganau' Samaria mangun ku aceh luk inan batu luk inusag, idi ku su luk inan nibu anggur. Ui miak ngutang amung usag bawang ineh luun raked, idi ngusag amung alen ruma'neh. 7Amung-amung akangneh luk meraga miak uen mila' idi sabpen. Pupu ineh nengalap akangdeh ineh ku tabpar sétdeh dengan allah baken, idi nekini sala'deh pa kiung Allah miak uen ngua'.”
8Idi kebala Mika, “Ngaceku ineh ui miak temido idi nalan lubpa dengan na kasut. Ui miak muni mepad kudeng bungalé idi suit luk muni kareb medacem. 9Ngaceku urat Samaria na miak uen ngedo'. Yahuda pana' malé murat kudeng ineh teh. Até pangeh nacing inan amung-amung tanga' Yerusalim, su luk inan pupuku ineh mulun.”
Bunu' Amé' Matun Yerusalim
10Aleg mada' nelun Gat ratnan laya' tau. Aleg nima' nedeh nier nemuyuh nangi'. O muyuh lun Bait Lapra, do' muyuh siluti bang abuh. 11O lun Sapir, do' muyuh tebanen dengan lubpa idi migu'. Lun luk tudo déi' Sanan na miak mulun. Kareb muyuh ninger lun Baitesel temido, idi muyuh kali' na luk inan sigapung su ineh. 12Lun Marot tebukut ku étdeh, idi ideh pian uen ngedo', ngaceku Tuhan pangeh nengacing susa' muneng ku Yerusalim. 13O muyuh lun Lakis, nganau' kuda muyuh pa atun keréta. Iko nenginud sala' lun Israil, pad iko nguit nelun Yerusalim nganau' sala'. 14Idi nekini O pupu Yahuda, do' muyuh buro rat Moresét Gat. Raca'-raca' Israil na miak ngalap pedengan rat bawang Aksib.
15O lun bang bawang Marisa, Tuhan miak maré nemuyuh bang palad aceh bunu' luk miak ngaro bawang muyuh. Raca' Israil miak sigapung bang lubang batu déi' Adulam. 16O lun Yahuda, do' muting abpuk muyuh idi temido anak luk inan muyuh mawa. Mutal uluh muyuh mepad kudeng kanui, ngaceku ideh miak lapen rat nemuyuh.
Currently Selected:
MIKA 1: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
MIKA 1
1
1 #
2 Rac 15.32–38; 2 In 27.1–7; 2 Rac 16.1–20; 2 In 28.1–27; 2 Rac 18.1—20.21; 2 In 29.1—32.33 Ini bala luk biré Tuhan ni Mika luk rat Moresét, kareb Yotam, Akas, idi Hesekia ngimet Yahuda. Idi ini luk sinier Mika ratnan Samaria idi Yerusalem.
Tido Kuan Samaria Idi Yerusalim
2O amung pupu, ninger bala ini
idi amung muyuh luk tudo bang tana' ini!
Tuhan Allah miak mangun ku lun nekali' ratnan muyuh.
Ninger! Tuhan pebala rat ruma'Neh luk déi' Surga.
3Tuhan macing rat su inanNeh luk meligan.
Ieh temurun idi nalan luun pegkung.
4Idi pegkung miak ubpa' liang daperNeh,
mepad kudeng semara' luk remuno bang apui,
idi raked pana' meturan,
mepad kudeng abpa' luk manud rat luun surud.
5Amung ini miak mangun ngaceku pupu Israil pangeh nenganau' sala', idi sikal metueh ratnan Allah. Idéké luk uen ngesala' ratnan dat lun Israil? Lun Samaria mo'! Idéké luk nguit nelun Yahuda sembayang inan akang? Lun Yerusalim mo'! 6Ngaceku ineh kebala Tuhan, “Ui miak nganau' Samaria mangun ku aceh luk inan batu luk inusag, idi ku su luk inan nibu anggur. Ui miak ngutang amung usag bawang ineh luun raked, idi ngusag amung alen ruma'neh. 7Amung-amung akangneh luk meraga miak uen mila' idi sabpen. Pupu ineh nengalap akangdeh ineh ku tabpar sétdeh dengan allah baken, idi nekini sala'deh pa kiung Allah miak uen ngua'.”
8Idi kebala Mika, “Ngaceku ineh ui miak temido idi nalan lubpa dengan na kasut. Ui miak muni mepad kudeng bungalé idi suit luk muni kareb medacem. 9Ngaceku urat Samaria na miak uen ngedo'. Yahuda pana' malé murat kudeng ineh teh. Até pangeh nacing inan amung-amung tanga' Yerusalim, su luk inan pupuku ineh mulun.”
Bunu' Amé' Matun Yerusalim
10Aleg mada' nelun Gat ratnan laya' tau. Aleg nima' nedeh nier nemuyuh nangi'. O muyuh lun Bait Lapra, do' muyuh siluti bang abuh. 11O lun Sapir, do' muyuh tebanen dengan lubpa idi migu'. Lun luk tudo déi' Sanan na miak mulun. Kareb muyuh ninger lun Baitesel temido, idi muyuh kali' na luk inan sigapung su ineh. 12Lun Marot tebukut ku étdeh, idi ideh pian uen ngedo', ngaceku Tuhan pangeh nengacing susa' muneng ku Yerusalim. 13O muyuh lun Lakis, nganau' kuda muyuh pa atun keréta. Iko nenginud sala' lun Israil, pad iko nguit nelun Yerusalim nganau' sala'. 14Idi nekini O pupu Yahuda, do' muyuh buro rat Moresét Gat. Raca'-raca' Israil na miak ngalap pedengan rat bawang Aksib.
15O lun bang bawang Marisa, Tuhan miak maré nemuyuh bang palad aceh bunu' luk miak ngaro bawang muyuh. Raca' Israil miak sigapung bang lubang batu déi' Adulam. 16O lun Yahuda, do' muting abpuk muyuh idi temido anak luk inan muyuh mawa. Mutal uluh muyuh mepad kudeng kanui, ngaceku ideh miak lapen rat nemuyuh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.