YUNUS 4
4
Useh Yunus Idi Ei' Allah
1Idi Yunus pelaba dat niat idi museh. 2Idi ieh nesembayang inan Tuhan, kesembayangneh, “O Tuhan, kareb nateh ui nenalan ui pangeh kali' Iko miak nganau' kudeng ini. Idi punneh ui pian buro amé' Spaniol. Ui kali' Iko Allah luk mawa idi méi', idi megéi' mulai niat, idi mekatu, idi megéi' nginuud pad Iko na ngukum. 3O Tuhan, do' ngalap niatku nekini, ngaceku meluun do' ui maté.”
4Idi Tuhan nengua' sembayangneh, kebalaNeh, “Ngudeh iko museh?”
5Idi Yunus neremuat rat bang bawang ineh idi netudo pa busat aco. Idi ieh nenganau' aceh ducung inanneh tudo nganét luk mangun bang bawang ineh. 6Idi Tuhan Allah nenganau' aceh tabuh mulun iring ducungneh, pad ieh na medereh ku ét idang. Idi Yunus pelaba awang niat ku tabuh ineh. 7Iamo' kenebpa kareb nateh aco masat, Allah nenganau' aceh uled kuman tabuh ineh pad ieh naté. 8Idi kareb aco masat Allah nemaré aceh bui luk melau' rat pa busat aco, idi Yunus lélé nelepu ku ét idang. Idi ieh pian maté. Kebalaneh, “Meluun do' ui maté.”
9Iamo' kebala Allah neneh, “Ngudeh iko pelaba useh ku tabuh ineh!”
Idi Yunus nengor balaneh, “Kali' rungen ui pelaba useh, ngaceku ui geregan ku tabuh ineh!”
10Idi kebala Tuhan neneh, “Tabuh ini netemubu' bang sedacem idi mekarang bang seaco. Na iko nengasa' neneh, idi na iko nenganau' neneh temubu' — iamo' iko méi' ku idi! 11Meluun teh Ui méi' kuan bawang Ninewé luk rayeh ineh dengan meratu dueh ngepulu' ribu mela anak luk na mesala' idi aya'deh luk mula' teh!”
Currently Selected:
YUNUS 4: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
YUNUS 4
4
Useh Yunus Idi Ei' Allah
1Idi Yunus pelaba dat niat idi museh. 2Idi ieh nesembayang inan Tuhan, kesembayangneh, “O Tuhan, kareb nateh ui nenalan ui pangeh kali' Iko miak nganau' kudeng ini. Idi punneh ui pian buro amé' Spaniol. Ui kali' Iko Allah luk mawa idi méi', idi megéi' mulai niat, idi mekatu, idi megéi' nginuud pad Iko na ngukum. 3O Tuhan, do' ngalap niatku nekini, ngaceku meluun do' ui maté.”
4Idi Tuhan nengua' sembayangneh, kebalaNeh, “Ngudeh iko museh?”
5Idi Yunus neremuat rat bang bawang ineh idi netudo pa busat aco. Idi ieh nenganau' aceh ducung inanneh tudo nganét luk mangun bang bawang ineh. 6Idi Tuhan Allah nenganau' aceh tabuh mulun iring ducungneh, pad ieh na medereh ku ét idang. Idi Yunus pelaba awang niat ku tabuh ineh. 7Iamo' kenebpa kareb nateh aco masat, Allah nenganau' aceh uled kuman tabuh ineh pad ieh naté. 8Idi kareb aco masat Allah nemaré aceh bui luk melau' rat pa busat aco, idi Yunus lélé nelepu ku ét idang. Idi ieh pian maté. Kebalaneh, “Meluun do' ui maté.”
9Iamo' kebala Allah neneh, “Ngudeh iko pelaba useh ku tabuh ineh!”
Idi Yunus nengor balaneh, “Kali' rungen ui pelaba useh, ngaceku ui geregan ku tabuh ineh!”
10Idi kebala Tuhan neneh, “Tabuh ini netemubu' bang sedacem idi mekarang bang seaco. Na iko nengasa' neneh, idi na iko nenganau' neneh temubu' — iamo' iko méi' ku idi! 11Meluun teh Ui méi' kuan bawang Ninewé luk rayeh ineh dengan meratu dueh ngepulu' ribu mela anak luk na mesala' idi aya'deh luk mula' teh!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.