TIDO YEREMIA 3
3
Ukum, Uren, Idi Rapet
1Ui ini pangeh nekali' dereh idi useh Allah.
2Ieh nenguyut negku amé' bang su luk medacem.
3Dengan na méi' Ieh nenecat negku kidi-kidi.
4Ieh nengurat bururku, idi nemutul tulangku.
5Ieh nenganau' negku bang tutup dereh idi susa'.
6Ieh nenganau' negku tudo bang dacem até.
7Ieh nengaling negku, pad na miak mepuit ratnan su luk inanku tinutup.
8Ui ngitang mutuh pedengan, iamo' sembayangku na pedingeren!
9Ui idar-idar karebku nalan, linibut ku libung batu.
10Ieh nenginulat negku mepad kudeng beruang;
Ieh nengeramit negku mepad kudeng balang.
11Ieh nengerada' negku ratnan dalan idi nengerarak negku idi nenecan negku.
12Ieh nengalap binorNeh idi nengelatik negku ku ilebNeh.
13Ieh nengelatik negku ku ilebNeh.
14Lemulun meriruh negku tebaco-tebaco.
Ui ini luk inan uang tana' ini situnga.
15Dengan mesaad Ieh nemaré luk mepét rupenku idi luk kenenku.
16Ieh nengasa kiungku luun tana', idi nemutul lipenku luun batu.
17Ui nekelupan ratnan do' ulun, do' udeng, idi awang.
18Na mio teh ui maté; rapetku nan Tuhan pangeh neburo.
19Terawé ratnan dereh idi dat udengku pelaba galih;
20pad ui megéi' meberat niat.
21Iamo' rapetku lemubed kareb ui ngerawé ini:
22Awa idi éi' Tuhan na miak ugka',
23mebaruh kudeng pekak, idi lutep kudeng masat aco.
24Tuhan mo' luk kuanku, idi ui merapet Neneh.
25Tuhan ineh do' kuan lemulun luk merapet Neneh.
26Meluun do' tau mulai niat nginulat Neneh, pad Ieh ngulun netau.
27Idi meluun do' sibada' mulai niat karebmu mangud.
28Kareb tau medereh do' tau tudo idi ungeng.
29Aleg tau ngedureng, ngaceku inan teh rapet.
30Kudeng tau bibal idi dinat, nima'neh.
31Tuhan luk méi', idi na Ieh necan netau ruked-ruked.
32Kareb Ieh ngacing susa' netau, Ieh na ugka' méi' netau.
33Na Ieh mawang niat ngedereh netau.
34Tuhan kali' kareb niat tau nurat bang tutup;
35Tuhan kali' kareb tau bibpeng lun na nganau' luk petulu.
36Idi teh Ieh kali' kareb lemulun mutut ukum luk na matu.
37Pian Tuhan mo' sebuleng miak mangun.
38Luk do' idi luk dat mangun maya' ecukNeh.
39Petuluké tau ngedureng kareb tau kumin ngaceku sala' tau?
40Do' tau ngerawé lawé tau, idi lumi inan Tuhan.
41Do' tau sembayang idi ngukab niat tau kuan Allah luk déi' surga, kesembayang tau,
42“Kai nenganau' sala' idi sikal metueh rat Namu, O Tuhan, idi na Iko maré do' nekai.
43“Iko nengerada' idi nengaté nekai, éi'Mu liniged ku usehMu.
44UsehMu mepad kudeng laput pad sembayang kai na miak petacu amé' Namu.
45Iko nenganau' nekai ku lubang arap bang tana' ini.
46“Kai dinat idi inan bunu' kai situnga.
47Kai nekali' dereh idi usag, pad kai mulun dengan merapang.
48Abpa' matehku mebpeh idi manud mepad kudeng abpa' ngaceku usag pupuku.
49“Abpa' matehku mepad kudeng arur luk na mekeket,
50pad macing Tuhan nier rat surga.
51Susa' bawangku nengesusa' niatku.
52“Mepad kudeng suit ui nekaneh abpung bunu'ku luk megateh negku dengan na punneh.
53Ideh nenala' negku bang aceh lubang idi nemapen neneh ku batu.
54Abpa' temubu', idi ui ngerawé maté.
55“Ui nenawar Namu O Tuhan rat bang lubang ineh.
56Kareb ui nemutuh Namu ninger sembayangku, idi Iko neninger.
57Iko nengua' putuhku, idi nemada' negku pad ui na matot.
58“Iko nengedengan negku O Tuhan, idi nengulun negku.
59Mutut kuanku dengan méi'; Iko kali' sala'deh negku.
60Iko kali' gateh bunu'ku negku, idi gayamdeh luk sikal ngaté negku.
61“O Tuhan, Iko neninger nedeh ngedat negku idi kali' gayamdeh.
62Tebaco kedangan ideh pegayam ngedat negku.
63Rat pekak macing malem ideh situnga negku.
64“O Tuhan, ngukum nedeh idi ngua' kekamendeh.
65Ngediman nedeh pad ideh na tuman ku dat niatdeh.
66Ngusu nedeh rat bang tana' ini!”
Currently Selected:
TIDO YEREMIA 3: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
TIDO YEREMIA 3
3
Ukum, Uren, Idi Rapet
1Ui ini pangeh nekali' dereh idi useh Allah.
2Ieh nenguyut negku amé' bang su luk medacem.
3Dengan na méi' Ieh nenecat negku kidi-kidi.
4Ieh nengurat bururku, idi nemutul tulangku.
5Ieh nenganau' negku bang tutup dereh idi susa'.
6Ieh nenganau' negku tudo bang dacem até.
7Ieh nengaling negku, pad na miak mepuit ratnan su luk inanku tinutup.
8Ui ngitang mutuh pedengan, iamo' sembayangku na pedingeren!
9Ui idar-idar karebku nalan, linibut ku libung batu.
10Ieh nenginulat negku mepad kudeng beruang;
Ieh nengeramit negku mepad kudeng balang.
11Ieh nengerada' negku ratnan dalan idi nengerarak negku idi nenecan negku.
12Ieh nengalap binorNeh idi nengelatik negku ku ilebNeh.
13Ieh nengelatik negku ku ilebNeh.
14Lemulun meriruh negku tebaco-tebaco.
Ui ini luk inan uang tana' ini situnga.
15Dengan mesaad Ieh nemaré luk mepét rupenku idi luk kenenku.
16Ieh nengasa kiungku luun tana', idi nemutul lipenku luun batu.
17Ui nekelupan ratnan do' ulun, do' udeng, idi awang.
18Na mio teh ui maté; rapetku nan Tuhan pangeh neburo.
19Terawé ratnan dereh idi dat udengku pelaba galih;
20pad ui megéi' meberat niat.
21Iamo' rapetku lemubed kareb ui ngerawé ini:
22Awa idi éi' Tuhan na miak ugka',
23mebaruh kudeng pekak, idi lutep kudeng masat aco.
24Tuhan mo' luk kuanku, idi ui merapet Neneh.
25Tuhan ineh do' kuan lemulun luk merapet Neneh.
26Meluun do' tau mulai niat nginulat Neneh, pad Ieh ngulun netau.
27Idi meluun do' sibada' mulai niat karebmu mangud.
28Kareb tau medereh do' tau tudo idi ungeng.
29Aleg tau ngedureng, ngaceku inan teh rapet.
30Kudeng tau bibal idi dinat, nima'neh.
31Tuhan luk méi', idi na Ieh necan netau ruked-ruked.
32Kareb Ieh ngacing susa' netau, Ieh na ugka' méi' netau.
33Na Ieh mawang niat ngedereh netau.
34Tuhan kali' kareb niat tau nurat bang tutup;
35Tuhan kali' kareb tau bibpeng lun na nganau' luk petulu.
36Idi teh Ieh kali' kareb lemulun mutut ukum luk na matu.
37Pian Tuhan mo' sebuleng miak mangun.
38Luk do' idi luk dat mangun maya' ecukNeh.
39Petuluké tau ngedureng kareb tau kumin ngaceku sala' tau?
40Do' tau ngerawé lawé tau, idi lumi inan Tuhan.
41Do' tau sembayang idi ngukab niat tau kuan Allah luk déi' surga, kesembayang tau,
42“Kai nenganau' sala' idi sikal metueh rat Namu, O Tuhan, idi na Iko maré do' nekai.
43“Iko nengerada' idi nengaté nekai, éi'Mu liniged ku usehMu.
44UsehMu mepad kudeng laput pad sembayang kai na miak petacu amé' Namu.
45Iko nenganau' nekai ku lubang arap bang tana' ini.
46“Kai dinat idi inan bunu' kai situnga.
47Kai nekali' dereh idi usag, pad kai mulun dengan merapang.
48Abpa' matehku mebpeh idi manud mepad kudeng abpa' ngaceku usag pupuku.
49“Abpa' matehku mepad kudeng arur luk na mekeket,
50pad macing Tuhan nier rat surga.
51Susa' bawangku nengesusa' niatku.
52“Mepad kudeng suit ui nekaneh abpung bunu'ku luk megateh negku dengan na punneh.
53Ideh nenala' negku bang aceh lubang idi nemapen neneh ku batu.
54Abpa' temubu', idi ui ngerawé maté.
55“Ui nenawar Namu O Tuhan rat bang lubang ineh.
56Kareb ui nemutuh Namu ninger sembayangku, idi Iko neninger.
57Iko nengua' putuhku, idi nemada' negku pad ui na matot.
58“Iko nengedengan negku O Tuhan, idi nengulun negku.
59Mutut kuanku dengan méi'; Iko kali' sala'deh negku.
60Iko kali' gateh bunu'ku negku, idi gayamdeh luk sikal ngaté negku.
61“O Tuhan, Iko neninger nedeh ngedat negku idi kali' gayamdeh.
62Tebaco kedangan ideh pegayam ngedat negku.
63Rat pekak macing malem ideh situnga negku.
64“O Tuhan, ngukum nedeh idi ngua' kekamendeh.
65Ngediman nedeh pad ideh na tuman ku dat niatdeh.
66Ngusu nedeh rat bang tana' ini!”
BALA LUK DO' Lun Bawang Bible © The Bible Society of Malaysia 1982, Second Edition 1998.