TIDO YEREMIA 2
2
Tuhan Ngukum Yerusalim
1Nekini Tuhan pangeh nemapen
Sion ku dacem ngaceku usehNeh.
Kareb aco usehNeh, Ieh nenecan ruma'Neh pana'.
2Dengan na méi' Tuhan nengusag amung bawang Yahuda,
idi Ieh nengusag libung batu luk ku matar bawang.
Ieh nengigu' imet ineh idi lun luk ngimet pana'.
3Ieh nengelaya' Israil dengan usehNeh.
Ieh na nengedengan neneh kareb bunu' nacing.
Ieh museh ni Yakub mepad kudeng apui luk ngeseb.
4Ieh nengelatik ilebNeh mepad kudeng bunu'.
Dengan tuehNeh Ieh nengaté amung lemulun luk do' taga.
Ieh nengacing apui usehNeh bang ruma'deh pana'.
5Mepad kudeng aceh bunu', Tuhan nengusag Israil,
dengan amung libung batu idi ruma' raca' pana'.
Ieh nengacing susa' luk na miak ugka' kuan lun Yahuda.
6Ieh nengareg Ruma'Neh luk inandeh tebubpun.
Ieh nengagka' aco rayeh idi Aco luk inan Mudeng.
Raca' idi imam pana' kali' tueh usehNeh.
7Tuhan nenecan bubpunNeh idi Ruma'Neh luk meligan.
Ieh nenima' bunu' ngusag aladneh.
Ideh nengitang bang Ruma' Allah mepad kudeng kareb aco rayeh.
8Tuhan nengeletep usag libung Sion;
Ieh nenari libung ineh, pad ngeletep usagneh.
Pudutneh luk medita' idi libungneh pad-pad netabpa.
9Tanga'neh nepapen ku usagneh, idi palin-palindeh neputul.
Raca' idi lun rayehdeh pangeh tiban.
Ukum Musa na badén, idi na luk siren nabi-nabi ratnan Allah.
10Lun mengered rat Yerusalim tudo idi ungeng;
idi nacung dengan abuh luun uluhdeh.
Anak adi' decur munel idi nier i tana'.
11Matehku mebara' ku tangi'; idi ui pelaba susa' niat.
Ui medereh ku susa' niatku, ngaceku usag pupuku.
Anak-anak dari idi luk niti' pana' melepu luun dalan.
12Kebaladeh nan tinandeh, “Iapehké nuba'?”
Ideh mebpeh luun dalan, mepad kudeng lun nurat,
idi maté bang abin tinandeh.
13O Yerusalim luk inanku mawa, anunké luk belénku?
Kudeng apehké ui ngubuk namu? Na luk medereh kudeng iko.
Susa'mu meluun rayeh ratnan abpa' rayeh;
idi na iko miak uen ngubat.
14Amung nabimu mebalih mo'.
Bada'deh nenaluk namu idi na nengegala' sala'mu.
Ideh nengeraruh namu pad iko na miak uren.
15Lemulun luk maya' dalan lemaba bawang, situnga idi mepag palad.
Ideh siguling idi meriruh ku usag Yerusalim.
“Iniké bawang luk pelaba do' taga?”
Ideh meriruh. “Iniké luk ku awang amung tana' ini?”
16Amung bunu'mu situnga namu idi nutong namu dengan gateh niatdeh.
Ideh ngeraceng, kebaladeh, “Kai nengusag ineh!
Ini aco luk inan kai nginulat!”
17Tuhan pangeh nenganau' luk litepNeh atun.
Ieh nengusag namu dengan na méi', mepad kudeng luk bilaNeh atun.
Ieh nemaré tueh kuan bunu'mu, pelé ideh mawang niat ku ebpehmu.
18O Yerusalem, do' libungmu ngitang kuan Tuhan.
Nima' abpa' matehmu manud tebaco kedangan.
Do' iko merur kidi-kidi ku tangi' idi dat niat!
19Do' megéi' kulat medacem idi ngitang pa kiung Allah.
Ngegala' amung-amung luk bang niatmu kuan Allah,
idi mutuh éi' kuan anak-anakmu,
luk maté ku lau déi' lisangen dalan!
20O Tuhan, nier nelun luk uenMu ngedereh!
Decur kuman butung anak luk inandeh mawa!
Imam idi nabi pana' pitayen bang Ruma' Allah!
21Butung anak adi' idi lun mengered telubid luun dalan,
anak adi' luk deléi idi decur luk pinaté bunu'.
Dengan na méi' Iko nengaté nedeh, kareb aco usehMu.
22Iko nenawar bunu'ku nganau' aco rayeh luk ngatot negku.
Idi aco sineh seburur pana' nateh luk mepuit ratnan usehMu.
Ideh nengaté anak luk isa'ku idi luk inanku mawa.
Currently Selected:
TIDO YEREMIA 2: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
TIDO YEREMIA 2
2
Tuhan Ngukum Yerusalim
1Nekini Tuhan pangeh nemapen
Sion ku dacem ngaceku usehNeh.
Kareb aco usehNeh, Ieh nenecan ruma'Neh pana'.
2Dengan na méi' Tuhan nengusag amung bawang Yahuda,
idi Ieh nengusag libung batu luk ku matar bawang.
Ieh nengigu' imet ineh idi lun luk ngimet pana'.
3Ieh nengelaya' Israil dengan usehNeh.
Ieh na nengedengan neneh kareb bunu' nacing.
Ieh museh ni Yakub mepad kudeng apui luk ngeseb.
4Ieh nengelatik ilebNeh mepad kudeng bunu'.
Dengan tuehNeh Ieh nengaté amung lemulun luk do' taga.
Ieh nengacing apui usehNeh bang ruma'deh pana'.
5Mepad kudeng aceh bunu', Tuhan nengusag Israil,
dengan amung libung batu idi ruma' raca' pana'.
Ieh nengacing susa' luk na miak ugka' kuan lun Yahuda.
6Ieh nengareg Ruma'Neh luk inandeh tebubpun.
Ieh nengagka' aco rayeh idi Aco luk inan Mudeng.
Raca' idi imam pana' kali' tueh usehNeh.
7Tuhan nenecan bubpunNeh idi Ruma'Neh luk meligan.
Ieh nenima' bunu' ngusag aladneh.
Ideh nengitang bang Ruma' Allah mepad kudeng kareb aco rayeh.
8Tuhan nengeletep usag libung Sion;
Ieh nenari libung ineh, pad ngeletep usagneh.
Pudutneh luk medita' idi libungneh pad-pad netabpa.
9Tanga'neh nepapen ku usagneh, idi palin-palindeh neputul.
Raca' idi lun rayehdeh pangeh tiban.
Ukum Musa na badén, idi na luk siren nabi-nabi ratnan Allah.
10Lun mengered rat Yerusalim tudo idi ungeng;
idi nacung dengan abuh luun uluhdeh.
Anak adi' decur munel idi nier i tana'.
11Matehku mebara' ku tangi'; idi ui pelaba susa' niat.
Ui medereh ku susa' niatku, ngaceku usag pupuku.
Anak-anak dari idi luk niti' pana' melepu luun dalan.
12Kebaladeh nan tinandeh, “Iapehké nuba'?”
Ideh mebpeh luun dalan, mepad kudeng lun nurat,
idi maté bang abin tinandeh.
13O Yerusalim luk inanku mawa, anunké luk belénku?
Kudeng apehké ui ngubuk namu? Na luk medereh kudeng iko.
Susa'mu meluun rayeh ratnan abpa' rayeh;
idi na iko miak uen ngubat.
14Amung nabimu mebalih mo'.
Bada'deh nenaluk namu idi na nengegala' sala'mu.
Ideh nengeraruh namu pad iko na miak uren.
15Lemulun luk maya' dalan lemaba bawang, situnga idi mepag palad.
Ideh siguling idi meriruh ku usag Yerusalim.
“Iniké bawang luk pelaba do' taga?”
Ideh meriruh. “Iniké luk ku awang amung tana' ini?”
16Amung bunu'mu situnga namu idi nutong namu dengan gateh niatdeh.
Ideh ngeraceng, kebaladeh, “Kai nengusag ineh!
Ini aco luk inan kai nginulat!”
17Tuhan pangeh nenganau' luk litepNeh atun.
Ieh nengusag namu dengan na méi', mepad kudeng luk bilaNeh atun.
Ieh nemaré tueh kuan bunu'mu, pelé ideh mawang niat ku ebpehmu.
18O Yerusalem, do' libungmu ngitang kuan Tuhan.
Nima' abpa' matehmu manud tebaco kedangan.
Do' iko merur kidi-kidi ku tangi' idi dat niat!
19Do' megéi' kulat medacem idi ngitang pa kiung Allah.
Ngegala' amung-amung luk bang niatmu kuan Allah,
idi mutuh éi' kuan anak-anakmu,
luk maté ku lau déi' lisangen dalan!
20O Tuhan, nier nelun luk uenMu ngedereh!
Decur kuman butung anak luk inandeh mawa!
Imam idi nabi pana' pitayen bang Ruma' Allah!
21Butung anak adi' idi lun mengered telubid luun dalan,
anak adi' luk deléi idi decur luk pinaté bunu'.
Dengan na méi' Iko nengaté nedeh, kareb aco usehMu.
22Iko nenawar bunu'ku nganau' aco rayeh luk ngatot negku.
Idi aco sineh seburur pana' nateh luk mepuit ratnan usehMu.
Ideh nengaté anak luk isa'ku idi luk inanku mawa.
BALA LUK DO' Lun Bawang Bible © The Bible Society of Malaysia 1982, Second Edition 1998.