AMOS 6
6
Usag Bawang Israil
1Pelaba susa' kuan muyuh luk do' udeng déi' Sion, idi kuan muyuh luk mawang niat déi' Samaria — muyuh lun rayeh ratnan pupu Israil luk mebala ineh, luk inan pupu tau merapet ngalap pedengan! 2Amé' nier bawang Kalni. Idi amé' bawang Hamat luk rayeh, idi macing bawang Gat déi' bawang Pilistin. Ideh meluun do' ratnan imet Yahuda idi Israilké? Inanké tana'deh meluun rayeh ratnan tana' muyuh? 3Muyuh nutun ngiuk aco susa', iamo' kekamen muyuh ngacing susa'. 4Pelaba susa' kuan muyuh luk telubid luun pagau luk do', idi teh luun kerusi, idi kuman uang anak sapi' idi teh uang anak dumba. 5Muyuh pain nganau' nani idi nateg gita mepad kudeng Daud. 6Muyuh ucet ngirup abpa' anggur idi ngumau burur muyuh ku umau luk pelaba do', iamo' na muyuh mesusa' ratnan usag Israil. 7Ngaceku ineh muyuh luk pun-pun tebanen. Irau idi lawé rayeh muyuh miak mabud.
8Tuhan sebuleng pangeh nepebulung. Kebala Tuhan luk Melalud, “Ui megateh ku dita' niat lun Israil. Ui megateh ku ruma' raca'deh. Ui maré bawangdeh idi amung uangneh kuan bunu'deh.”
9Kudeng pulu' burur deléi ketecan bang setetek ruma', amung-amungdeh miak maté. 10Kareb pupu lun luk maté ineh amé' ngalap butungdeh pad ideh sabpen, ieh nawar lemulun luk sigapung bang ruma' ineh, kebalaneh, “Inanké butung baken?”
Idi kebaladeh, “Na luk idi!”
Idi kebala pupudeh ineh, “Pirud iko! Tau na miak neten ngadan Tuhan pana'.”
11Kareb Tuhan ngecuk, amung ruma' luk rayeh idi luk isuut uen ngareg. 12Miakké kuda upun luun batu? Miakké lemulun ngeradu abpa' rayeh ku sapi'? Iamo' muyuh nengisu' ukum luk mesiri mangun ku racun, pad luk matu mangun ku sala'.
13Muyuh mawang niat ku luk na ulek, idi pebala dengan medita' niat, “Kai metueh ngaceku lalud kai sebuleng.”
14Tuhan Allah luk Melalud ngor bala muyuh, “Ui ngecuk aceh pupu ngerieng nemuyuh lun Israil. Ieh miak ngedereh nemuyuh rat Ruan Hamat luk pa tinueh busat aco macing Raked Araba luk pa kabing busat aco.”
Currently Selected:
AMOS 6: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
