2 TIMOTIUS 4
4
1Ui mada' namu pa kiung Allah idi Keristus Yésus, luk mangun ku Lun luk Mutut Besara' kuan amung lemulun luk mulun idi luk pangeh naté: ngaceku acingNeh idi ImetNeh ui ngecuk namu; 2mada' bala ineh, idi do' iko temina', do' bang kareb luk do' idi bang kareb luk na do', ngegala' sala' lemulun, mebpeng idi mada' dengan mekadang niat. 3Karebneh miak macing idi lemulun na miak ngimet bada' luk matu; iamo' ngaceku laliddeh megatal sikal ninger, idi ideh ngamung tuda'-tuda' guru kuan bururdeh maya' pinian bururdeh sebuleng. 4Ideh miak teketed ratnan ninger luk matu, idi lumi inan bala luk mebalih. 5Iamo' bang luk amung-amung do' iko ngimet bururmu, tuman ratnan luk medereh, nganau' kekamen lemulun luk mada' Bala' luk Do', idi ngeriput kekamenmu mepad kudeng demulun Allah.
6Ui miak barén idi tarekku pangeh nacing. 7Ui pangeh mekél pebunu' bang bunu' luk do'. Ui pangeh peribatun macing su garis luk kekiped, idi ui pangeh nematar anuku ineh. 8Idi nekini pata ratnan luk matu pangeh tinina' kuanku idi Tuhan, ieh ineh Lun luk Mutut Besara' luk matu ineh miak maré pata ineh kuanku kareb Aco ineh; idi baken kuanku mo', iamo' kuan amung-amung lemulun luk pangeh geregan ku acingNeh.
Bada' Kuan Timotius
9Do' nutun macing negku dengan mesaget. 10#Kol 4.14; Plim 24; 2 Kor 8.23; Gal 2.3; Tit 1.4 Dimas pangeh nenecan negku ngaceku mawa kuan tana' ini, idi ieh pangeh iné' Tesalonika; Kreskes iné' Galatia, idi Titus iné' Dalmatia. 11#Kol 4.14; Plim 24; Kek 12.12; 25; 13.13; 15.37–39; Kol 4.10; Plim 24 Lukas mo' luk pad-pad denganku. Do' ngalap Markus idi nguit neneh denganmu, ngaceku ieh miak ngedengan negku bang kekamenku. 12#Kek 20.4; Ep 6.21–22; Kol 4.7–8 Idi Tikikus pangeh icukku amé' déi' Epesus. 13#Kek 20.6 Kareb iko macing, do' nguit kuyu' boyor luk pangeh ticanku déi' Troas déi' ruma' Karpus, idi amung-amung surat, meluun teh amung-amung kubil luk uen ngayud.
14 #
1 Tim 1.20; Nani 62.12; Rum 2.6 Iskandar lun mileh nganau' belawan ineh pangeh nenganau' mula' luk dat kuanku, idi Tuhan miak ngua' neneh maya' kekamenneh. 15Matar bururmu rat neneh, ngaceku ieh pangeh metueh ratnan bala tau.
16Kareb ui pun-pun nengor bala bang besara', na luk idi seburur pana' luk ngeruyung negku; iamo' amung-amungdeh nenecan negku. Ui merapet amung ineh na mangun ku babeh kuandeh. 17Iamo' Tuhan nengedengan negku idi nengetueh negku, pad ui miak mada' Bala luk Do' ineh, idi amung-amung lun pupu baken miak ninger. Idi ui mepuit ratnan tang balang ineh. 18Tuhan miak muit negku ratnan anid-anid luk dat idi miak ngulun negku pad semuet bang IemtNeh luk bang surga, idi rayeh kuanNeh ruked-ruked. Amin.
Tabi' Luk Kekiped
19 #
Kek 18.2; 2 Tim 1.16–17 Tabi' kuan Priskila idi Akila, idi kuan uang ruma' Onesiporus. 20#Kek 19.22; Rum 16.23; Kek 20.4; 21.29 Erastus neketecan déi' Korintus: idi Tropimus pangeh ticanku déi' Militus ngaceku ieh mét. 21Do' nutun macing tungé' kareb nateh meteneb.
Ubulus, Pudenus, Linus, Klaudia, idi amung-amung kinanak maré tabi' kuanmu.
22Do' Tuhan ngedengan rohmu. Do' katu Allah ngedengan amung-amung muyuh.
Currently Selected:
2 TIMOTIUS 4: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
2 TIMOTIUS 4
4
1Ui mada' namu pa kiung Allah idi Keristus Yésus, luk mangun ku Lun luk Mutut Besara' kuan amung lemulun luk mulun idi luk pangeh naté: ngaceku acingNeh idi ImetNeh ui ngecuk namu; 2mada' bala ineh, idi do' iko temina', do' bang kareb luk do' idi bang kareb luk na do', ngegala' sala' lemulun, mebpeng idi mada' dengan mekadang niat. 3Karebneh miak macing idi lemulun na miak ngimet bada' luk matu; iamo' ngaceku laliddeh megatal sikal ninger, idi ideh ngamung tuda'-tuda' guru kuan bururdeh maya' pinian bururdeh sebuleng. 4Ideh miak teketed ratnan ninger luk matu, idi lumi inan bala luk mebalih. 5Iamo' bang luk amung-amung do' iko ngimet bururmu, tuman ratnan luk medereh, nganau' kekamen lemulun luk mada' Bala' luk Do', idi ngeriput kekamenmu mepad kudeng demulun Allah.
6Ui miak barén idi tarekku pangeh nacing. 7Ui pangeh mekél pebunu' bang bunu' luk do'. Ui pangeh peribatun macing su garis luk kekiped, idi ui pangeh nematar anuku ineh. 8Idi nekini pata ratnan luk matu pangeh tinina' kuanku idi Tuhan, ieh ineh Lun luk Mutut Besara' luk matu ineh miak maré pata ineh kuanku kareb Aco ineh; idi baken kuanku mo', iamo' kuan amung-amung lemulun luk pangeh geregan ku acingNeh.
Bada' Kuan Timotius
9Do' nutun macing negku dengan mesaget. 10#Kol 4.14; Plim 24; 2 Kor 8.23; Gal 2.3; Tit 1.4 Dimas pangeh nenecan negku ngaceku mawa kuan tana' ini, idi ieh pangeh iné' Tesalonika; Kreskes iné' Galatia, idi Titus iné' Dalmatia. 11#Kol 4.14; Plim 24; Kek 12.12; 25; 13.13; 15.37–39; Kol 4.10; Plim 24 Lukas mo' luk pad-pad denganku. Do' ngalap Markus idi nguit neneh denganmu, ngaceku ieh miak ngedengan negku bang kekamenku. 12#Kek 20.4; Ep 6.21–22; Kol 4.7–8 Idi Tikikus pangeh icukku amé' déi' Epesus. 13#Kek 20.6 Kareb iko macing, do' nguit kuyu' boyor luk pangeh ticanku déi' Troas déi' ruma' Karpus, idi amung-amung surat, meluun teh amung-amung kubil luk uen ngayud.
14 #
1 Tim 1.20; Nani 62.12; Rum 2.6 Iskandar lun mileh nganau' belawan ineh pangeh nenganau' mula' luk dat kuanku, idi Tuhan miak ngua' neneh maya' kekamenneh. 15Matar bururmu rat neneh, ngaceku ieh pangeh metueh ratnan bala tau.
16Kareb ui pun-pun nengor bala bang besara', na luk idi seburur pana' luk ngeruyung negku; iamo' amung-amungdeh nenecan negku. Ui merapet amung ineh na mangun ku babeh kuandeh. 17Iamo' Tuhan nengedengan negku idi nengetueh negku, pad ui miak mada' Bala luk Do' ineh, idi amung-amung lun pupu baken miak ninger. Idi ui mepuit ratnan tang balang ineh. 18Tuhan miak muit negku ratnan anid-anid luk dat idi miak ngulun negku pad semuet bang IemtNeh luk bang surga, idi rayeh kuanNeh ruked-ruked. Amin.
Tabi' Luk Kekiped
19 #
Kek 18.2; 2 Tim 1.16–17 Tabi' kuan Priskila idi Akila, idi kuan uang ruma' Onesiporus. 20#Kek 19.22; Rum 16.23; Kek 20.4; 21.29 Erastus neketecan déi' Korintus: idi Tropimus pangeh ticanku déi' Militus ngaceku ieh mét. 21Do' nutun macing tungé' kareb nateh meteneb.
Ubulus, Pudenus, Linus, Klaudia, idi amung-amung kinanak maré tabi' kuanmu.
22Do' Tuhan ngedengan rohmu. Do' katu Allah ngedengan amung-amung muyuh.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.