2 TIMOTIUS 3
3
Kareb Aco Luk Kekiped
1Ngerawé do'-do', kareb Aco luk kekiped miak macing aceh kareb luk medereh. 2Lemulun miak mawa inan bururdeh sebuleng, melili ku usin, ngerayeh bururdeh, medita' niat, nguyo lemulun, ngelaba bala taman-tinandeh, na maré ubur, idi na meligan. 3Ideh na méi', na sikal pedo', ngesala' lemulun, na ngimet bururdeh, mesangit, idi megateh inan luk do'. 4Ideh na inan merapet, sikal metueh, mesido' niat, meluun sikal ngawang niatdeh ratnan mawa inan Allah. 5Ideh siayu maya' Tuhan, iamo' lalud baya' ineh kinarungdeh. Do' iko ngado bururmu ratnan lemulun ini. 6Inan lemulun luk kudeng ineh semuet bang ruma' idi naban decur luk mebacé luk panu' ku sala'deh, idi luk kinuyut tuda'-tuda' lili, 7decur-decur luk megéi' sibada', iamo' na ideh miak kali' ratnan luk matu. 8#Pur 7.11 Mepad kudeng Yanes idi Yambris pekedaluh dengan Musa, kudeng ineh teh lemulun ini sikal metueh ratnan luk matu. Ideh na mileh ngerawé, idi anudeh mo'-mo'. 9Iamo' na ideh miak mekél, ngaceku bacédeh miak megala' kuan amung-amung, mepad kudeng bacé dueh burur lemulun ini.
Bada' Luk Kekiped
10Iamo' iko pangeh nemaya' bada'ku, ulunku, idi luk pianku. Iko pangeh nekali' anuku, kadang niatku, awaku, ulai niatku, 11#Kek 13.14–52; Kek 14.1–7; Kek 14.8–20 idi amung-amung dereh idi susa'ku. Iko kali amung-amung luk nangun kuanku déi' Antiokia, Ikonium, idi Listra, ieh ineh tuda'-tuda' dereh. Iamo' Tuhan nemuit negku ratnan amung ineh. 12Amung lemulun luk sikal mulun mepicet inan Allah dengan Keristus Yésus miak ngalap medereh. 13Lemulun luk dat idi siayu, luk amé' rayeh datdeh. Ideh naluk nelun baken, idi ideh pana' sinaluk teh. 14Iamo' do' iko lutep bang bada' luk pangeh bida' kuanmu, idi luk inanmu manu, dengan ngerawé idé luk pangeh nangun ku guru-gurumu. 15Do' ngerawé rat isuut iko pangeh nekali' ratnan Surat luk Meligan luk miak maré ileh kuanmu luk macing inan ulun ngaceku manu inan Keristus Yésus. 16Anid-anid Surat Allah pangeh ginala' Allah, idi inan ulek kareb mada' luk matu. Bala ineh ngegala' luk mesala', ngesiri luk tekilu', idi mada' dalan luk petulu dengan pian Allah, 17pad demulun Allah ineh meligan, idi tinina; kuan amung-amung kekamen luk do'.
Currently Selected:
2 TIMOTIUS 3: BLD
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.
2 TIMOTIUS 3
3
Kareb Aco Luk Kekiped
1Ngerawé do'-do', kareb Aco luk kekiped miak macing aceh kareb luk medereh. 2Lemulun miak mawa inan bururdeh sebuleng, melili ku usin, ngerayeh bururdeh, medita' niat, nguyo lemulun, ngelaba bala taman-tinandeh, na maré ubur, idi na meligan. 3Ideh na méi', na sikal pedo', ngesala' lemulun, na ngimet bururdeh, mesangit, idi megateh inan luk do'. 4Ideh na inan merapet, sikal metueh, mesido' niat, meluun sikal ngawang niatdeh ratnan mawa inan Allah. 5Ideh siayu maya' Tuhan, iamo' lalud baya' ineh kinarungdeh. Do' iko ngado bururmu ratnan lemulun ini. 6Inan lemulun luk kudeng ineh semuet bang ruma' idi naban decur luk mebacé luk panu' ku sala'deh, idi luk kinuyut tuda'-tuda' lili, 7decur-decur luk megéi' sibada', iamo' na ideh miak kali' ratnan luk matu. 8#Pur 7.11 Mepad kudeng Yanes idi Yambris pekedaluh dengan Musa, kudeng ineh teh lemulun ini sikal metueh ratnan luk matu. Ideh na mileh ngerawé, idi anudeh mo'-mo'. 9Iamo' na ideh miak mekél, ngaceku bacédeh miak megala' kuan amung-amung, mepad kudeng bacé dueh burur lemulun ini.
Bada' Luk Kekiped
10Iamo' iko pangeh nemaya' bada'ku, ulunku, idi luk pianku. Iko pangeh nekali' anuku, kadang niatku, awaku, ulai niatku, 11#Kek 13.14–52; Kek 14.1–7; Kek 14.8–20 idi amung-amung dereh idi susa'ku. Iko kali amung-amung luk nangun kuanku déi' Antiokia, Ikonium, idi Listra, ieh ineh tuda'-tuda' dereh. Iamo' Tuhan nemuit negku ratnan amung ineh. 12Amung lemulun luk sikal mulun mepicet inan Allah dengan Keristus Yésus miak ngalap medereh. 13Lemulun luk dat idi siayu, luk amé' rayeh datdeh. Ideh naluk nelun baken, idi ideh pana' sinaluk teh. 14Iamo' do' iko lutep bang bada' luk pangeh bida' kuanmu, idi luk inanmu manu, dengan ngerawé idé luk pangeh nangun ku guru-gurumu. 15Do' ngerawé rat isuut iko pangeh nekali' ratnan Surat luk Meligan luk miak maré ileh kuanmu luk macing inan ulun ngaceku manu inan Keristus Yésus. 16Anid-anid Surat Allah pangeh ginala' Allah, idi inan ulek kareb mada' luk matu. Bala ineh ngegala' luk mesala', ngesiri luk tekilu', idi mada' dalan luk petulu dengan pian Allah, 17pad demulun Allah ineh meligan, idi tinina; kuan amung-amung kekamen luk do'.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BALA LUK DO' Lun Bawang Bible © The Bible Society of Malaysia 1982, Second Edition 1998.