हिब्रू 6
6
1उहओर्से आब हम्र ख्रीष्टक बारेम घरीघरी आधारभूत शिक्षा सिख्ना बातओर नैलागी। बेनसे आपन समझम हम्र परिपक्व बनी। मृत्युम लैजैना काममसे मन परिवर्तन कैक परमेश्वरम विश्वास कर्ना जसिन विषयम सिखक लाग फेदोस्र सुरु कर्ना आवश्यक नैहो। 2धेर किसिमक बप्तिस्मक बारेम सिख्ना बात, केक्रोम हाँठ ढैक प्रार्थना कर्ना बात, मुवलमसे फेदोस्र जिना बात ओ आखिरी न्याय हुइना विषयम टुँहन फेदोस्र सिखाइपर्ना जरुरी नैहो। 3यदि परमेश्वर अनुमति देहीँ कलसे, हम्र पैल्हक शिक्षासे आघ बहर्क परिपक्व शिक्षाओर लग्बी।
4काकरकि एक फ्यारा परमेश्वरक ज्योति पाइल, स्वर्गक वरदान फे चिखल, पवित्र आत्मक भाग फे पाइल, 5परमेश्वरक वचनक मीठ स्वाद पाइल, अइना युगक लाग कैजिना परमेश्वरक शक्तिशाली काम द्याखल, 6मनै होक फे परमेश्वरह फेदोस्र छोर्क जैना मनैन पापी मन परिवर्तन कर लगाक परमेश्वरकठे घुमाई नैसेक्जाइट्! काकरकि असिन मनै त परमेश्वरक छावह द्वासर फ्यारा क्रूसम टङ्गैठ ओ सबजन्हक आघ उहाँक बेइज्जत कर्ठ।
7जौन जमिन उप्परसे घरीघरी बर्सल पानीले भिज्ठा, ओ मनैद्वारा खनजोत कैजैठा, ओ हुँकन्हक लाग मन परल बाली उब्जैठा, उ जमिनम परमेश्वरक आशिष पर्ठा। 8तर यदि उ जमिनम काँट ओ सिहुँर केल जामल कलसे, उ त बिनकामक हुइठा। असिन जमिनम त परमेश्वरक सराप परसेक्ठा ओ अन्तम ओहीह आगीले जराजैठा।#उत ३:१७-१८
9प्रियहुँक्र, हम्र असिक बोल्लसे फे हमन पूरा विश्वास बा, कि टुन्हक जीवनम यहीसे असल चिज, अर्थात् मुक्तिसे मिल्ना चिज बा। 10टुह्र परमेश्वरक मनैन्हक सेवा कैक परमेश्वरप्रति आपन प्रेम देखारख्लो, ओ आम्ही फे असिन सेवा कर्टिबाटो। परमेश्वर अन्यायी नैहुइट। टुन्हक करल यी सेवा ओ प्रेमह उहाँ नैबिस्रैट। 11टुह्र सबजन्हक यिह जोश आखिरी समयसम पलिरही ओ टुन्हक आशा फे पूरा हुई, यिह हमार कामना बा। 12हमार चाहना यी बा, कि टुह्र अल्छी जिन होओ, तर ओसिन मनैअस होओ जे विश्वास ओ धैर्यद्वारा प्रतिज्ञा कैगिल् चिज पैठ।
परमेश्वरक प्रतिज्ञा करल बातक निश्चयता
13परमेश्वर अब्राहामह प्रतिज्ञा करबेर आपनसे बरा और किहुह नैपैलकओर्से उहाँ आपन नाउँम किर्या खैल, 14ओ कल, “मै टोहीह जाट्टीसे आशिष देहम, ट्वार सन्तान गन नैसेक्जैना धेर हुइहीँ।”#उत २२:१६-१७ 15असिक अब्राहाम धीरजी होक अश्या लग्लरल ओ परमेश्वरक प्रतिज्ञा करल आशिष पैल।
16मनै त किर्या खाइबेर आपन कहल बात पक्का हो कैक आपनसे बरा व्यक्तिक नाउँम किर्या खैठ, ओ किर्याद्वारा वाद-विवाद फे शान्त हुइठा। 17परमेश्वरक प्रतिज्ञा पैना मनैन उहाँ आपन करल प्रतिज्ञा पक्का हो ओ कबु फे परिवर्तन नैहुइट् कैक देखाइक लाग उहाँ किर्या समेत खैल। 18परमेश्वरक करल प्रतिज्ञा ओ खाइल किर्या दुनु बात परिवर्तन नैहुइट्, काकरकि परमेश्वर झूट ब्वाल नैसेक्ट। उहओर्से यी दुनु बातले हम्र उहाँकम शरण लिह जाइ चहुइयन हमार सामुन्नेम ढरल आशा पक्रलरना भारी हौसला पारख्ली। 19यिह आशम हमार जीवन अर्याइल बा। यी आशा त सुरक्षित ओ भरपर्दो बा, ओ हमन स्वर्गीय मन्दिरक पर्दाभित्तर महापवित्र स्थानसम लैजिठा।#लेवी १६:२ 20हमार लाग येशू हमनसे आघहेँ उ ठाउँम गैरल। उहाँ त मल्कीसेदेकअस सड्डभरिक लाग प्रधान पूजारी होरल।#भज ११०:४
Currently Selected:
हिब्रू 6: thl
Highlight
Copy
Compare
Share
Want to have your highlights saved across all your devices? Sign up or sign in
© 2020, Wycliffe Bible Translators, Inc. All rights reserved.
