Matthew 21

1Jerusalemun tikiliramik Bethphagekuuqhutik maniilrumun Olivesmik taijaujumun, talva Jesusim malirutini malruuk tilijaik 2uqautiplugik, “Igluqarluanngittumun hivuniptingniittumun talvungaugittik takuniaraptikkik qinmiqpak hiutiqquqtujuq ipiqhimajuq, nurangalu. Ipiiqarlugik qaritihigik uvamnun. 3Inuum pittailiqpatik uqainnarlutik imaatun, ‘Atan'ngum aturumangmatik,’ tatjainnarlu pipkarniaqtaatik.” 4Taimailivaktuq nalauttaijim uqauhiit itqaumapkaktauquplugit uqaqhimangman, 5“Zionim inungit uqautihigit. Ilaa Ataniqhi iliffingnun qailiqtuq qinmiqpaktuqhuni hiutiqquqtujumik anangaijangitkipluni nurrarlu atuqhugu.” 6Malirutiglu tapkuak tuhaagamik Jesusmun pivaktuk pitqujaugamik; 7qaritiplugik qinmiqpak hiutiqquqtujuq nurangalu, qaanganun aannuraatik ilingmatigit Jesusim atuqtaa. 8Talva inuit amigaittun aannuraatik apqunmun ihivitiliqtain aallattauq napaaqtun kihiktuutain kipigamitigik ihiptiqtait apqunmun. 9Inugiaktillugu hivulliit, maliktingillu pihukhutik tuqhulauqtun, “Hosana Davidim irninganun, nakuugijauli tamna tikittuq Atan'ngum atingani, Hosana kingitqijaujumi.” 10Jerusalemun tikinman igluqarvingmiut tamarmik quglukpiaqtun uqaqhutik, “Kinauva una?” 11Inuit kiujun, “Tamna nalauttaijiujuq Nazarethmiutaq Galileemin atiqaqhuni Jesusmik.” 12Talva Jesus angaatjuvikpagjuamun itirami niuvaajiit, niuviqpaktullu iluaniittun anipkaqtain; maniliqijillu ikpatain ulrutittugit, qupanualgillu ikhivautain, 13uqallautijain, “Titiraqhimajuq, ‘Iglua taijaujukhaq qin'ngarvingmik,’ iliffi kukivinguqtaqhi kihimi.”

Currently Selected:

Matthew 21: AQ

Highlight

Copy

Compare