Matthew 2
2
1Jesus inuungman Bethlehemi Judeami, ataniq Herod ataniutillugu, talva ihumatujun qaiplutik kivataanin Jerusalemun tikittun uqaqhutik, 2Tamna anihimajuq ataninguqtukhaq Jewmiunun naniitpa? Uplurianga kivatiptingni takugaptigu qaijugut angaatjuvigijumaplugu. 3Atan'ngum Herod tamna tuhaagamiuk ihumaaluktuq Jerusalemiullu ihumaaluqatauplutik. 4Heruodiplu angaatjuvikpagjuakkut ataningit inuit titiraqtingillu qaitqugamigit tapkuninga apiqhuqtuq Christim aniniarutaanik. 5Tapkua uqaallautijaat, “Bethlehemiguuq Judeam nunaani, nalauttaijikkun titiraqhimangmat. 6Iliffi Bethlehemiujuhi Judaum nunaani, Judaum ataninginnin mikitqijaujukhaunngitkaluaqtuhi; iliffingnun atanikhaq qaihungungman atanniqtuiquplugit inutka Israelmiun.” 7Talva Herodim kihimngiukhuni ihumatujun qaitqujain tapkunangalu tuhaajuq upluriam nuivikhaa qanuitilanganik. 8Taffumalu Bethlehemmun tilijain uquqhuni, “Aullagitti nutaramik qiniriaqturluhi akhun, qatqaruffiuk utiritti unniutiquplunga uvangattauq angaatjugvigijumagapku. 9Tapkua ataniup tuhaagamitku aullarmijun tatjainnaqtauq upluriaq kivataani takuvagaat hivulliurmijain nutqaqhuni nutaraum irningata qulaanun. 10Tapkualu takugamitku upluriaq quviattakpiaqtun, 11iglumullu itiqhutik nutaraq arnangalu Mary takujaik; hiitquqhutiglu angaatjukvigijaat, aahiin piqutitik angmaramikkit taffumunga aittuqtun; goldmik, tipigiktumiglu, nanuunmiglu. 12Talva ihumatujun hinnakturnikkun pitqujaugamik Herodmun utiqqunatik nunamingnun utiqtun aahiagun.
Currently Selected:
Matthew 2: AQ
Highlight
Share
Copy
Want to have your highlights saved across all your devices? Sign up or sign in