Matthew 13

24Jesusim hivunniurniq aippaa uqautigijaa tapkununga uqaqhuni, “Qilaum atan'nguvia nauttiviliktun ilijuq tamna nauttivingminun nakuujunik nauttiijivangman. 25Inuillu hiniktillugit nauttivilgum akiraa qaivaktuq nauttijiqhipluni nauttiakhainnik nakuunngittunik akun'nganun. Taimailiurami angilraqtuq. 26Aahiin ilaani nauttiakhait nuingmata nakuunngittuttauq nuiqataujun. 27Talva nauttivilgum kivgaita upagamitku uqallautijaat, ‘Ataniiq, nauttiijikhivanngillatiin nakuujuniik nauttivingnuun? Qanuq nakuunngitpiaqtun nauliqqan?’ 28Taffuma kiujain, ‘Akirara uuminga pivagunaqhijuq.’ Kivgain uqarmijun taffumunga, ‘Tapkununga nakuunngittunik katitigiquniaqqitiguut?’ 29Kiujugaluaq, ‘Imannaq, katitiruffigit nakuunngittun nakuujullu piniarungnaqhijahi nautinnagit. 30Tamarmik nauttiqhimmaarlit katitirivik tikinniarutaanun, katitirivinnguqqan uqallautitjavatka havaktiit imaatun. “Hivullirmik katitiritjavuhi nauhimajunik nakuunngittunik qilirlugillu ikualaaqtillugit, muqpaujakhaillu nakuujun katitiqhigit tutquqhimavingmun.”’”

Currently Selected:

Matthew 13: AQ

Highlight

Copy

Compare