तितस 1
1
1अ़ङ्का पावल निनाम्हाङ्ओ अ़चुहारुक खोन्कि ख्रिस्त येसुओ छाम्माय़ङ्आ ओ छाप्लावा छाप्तुङ्योङ। निनाम्हाङ्आ म़छेन्तुचिओचिओ अ़चुसाकोङ्छ़ङ पोइसि खोन्कि निनाम्हाङ्ओ अ़ऩङानुओ अ़छ़ङ य़ङ म़नाचिआ तुप्मा निकि फासि निनाम्हाङ्आ अ़ङ्का ऩछाम्साङ। 2ओ साकोङ्छ़ङ्लाम्पा आन्कान अ़लुक्निन्ओ ह़ङ्म़ङ तोक्तुम निकिना तामामित्मा मुन। देम्खाछाङ सोज्जेओ मान्चेप्कादा निनाम्हाङ्आ निनाम्मा हेन्खामा मुन्मा बुयाङा आन्कान ओ ह़ङ्म़ङ प़नानिन निकिना म़हिप्तायुङ्साओ। 3खोन्किना तोङ्ओ ग़रिदाङा निनाम्हाङ्आ खोक्कोसोओ मो य़ङ खाङ्अ़मुसा। ओक्को नुय़ङ्खान खाएत्मा पाङ्खुन आन्कालेन्पा निनाम्हाङ्ओ अ़लोमावा अ़ङ्का ऩपुवाङ।
4अ़ङ्काएनान अ़क्निवाओ साकोङ्छ़ङ कामु अ़ङ्को अ़नुछ्याओ अ़ङ्छावाको तितस ओ छाप्लावा छाप्तुङ्योङ। आन्पापा निनाम्हाङ खोन्कि आन्कान कालेन्पा ख्रिस्त येसुआ खाना सोमातुक्मा खोन्कि सेवाङ्नि ऩप़ने।
क्रेतदा तितस्ओ अ़काचि
5मोदा छिरादाओ काचिचि त़चिउचिने निकिना अ़ङ्का खाना क्रेतदा छित्नादानाओ। खोन्कि झारा सहराचिदाओ साकोङ्छ़ङ कामुचिएदा ताङ्पाचि त़छेन्तुचिने निकिना अ़ङ्का खाना मोदा छित्नादाना। 6साम्भुङ्दाओ ताङ्पा साङ्आछाङ ह़त्मा ऩऱन्लो लिमादोत, अ़क्छासो ओन्ङा ओ अ़खिम्हाङ्पा लिमादोत, खोसोओ अ़छाचि साकोङ्छ़ङ कामु खोन्कि अ़अ़त्पा च़माथाङ्मा मात्दङ्ओ, खोन्कि लोमाय़ङ काकाङ लिमादोत। 7धिकाखाङ्पा निनाम्हाङ्ओ अ़काचि कामु ओ। खोन्ओसा मो खोक्कोछाङ ह़त्माय़ङ मात्द़ङ्ओ म़ना लिमादोत। खोन्कि अ़ताकावा काच़, च़क्नि अ़माइसुङ्कात्ओ, खाबात सेत्चाले, धात्काधात कामु खोन्कि म़प्याङ्सा छेन्बि कादुप लिमा अ़नुनिन। 8खोक्को तावाङ्चि साऩङ्वा कामेत खोन्कि अ़नुवाक य़ङ ऩङाकानु खोन्किना अ़खारु च़ङ्तुकि काचि कामु, अ़नुवाक काचि कामु, निनाम्हाङ कामित खोन्कि आप्पि क़म्मान्चिन काऱ लिमादोत। 9आन्कान्काआ चिन्तुम्च़म्काओ अ़नुछ्याओ तायादा युङ्युङ्ओ खोन्कि नि म़नाचिछाङ ओ ताया प़चिकि राक प़मा काऱ लिमादोत। ओ ताया आन्कान्काआ चिन्निओवात्नि लिमादोत। खोन्किना ओसोओ देङ्सा काच़चिओ अ़चुफिमाछाङ खाङ्मेत्मा काऱ लिमादोत।
10देकिनालो ब़द्धे म़नाचि कोङ्क़त्वा, सोज्जेओ दुम कालु, म़ना काधान्चि ओ। ओवाकोचिएदा ना अ़नुछ्या सिप्मायाम्बुन पाक्मादोत नि कायुङ्चि ओचिङा ओ। 11मोचिओ अ़चुदोदा मान्ह़माङ अ़नुनिन। देकिनालो मोचिआ ना चिन्माङा अ़नुनिन्ओ य़ङ्चि म़चिन्तुचिकि झारा खिम्लुम्पादा अ़चुताकावा च़मा अ़बान्खान्याङ। अ़धुन फेक्वा दुप्मा ओन्ङा मोचि ओवात्नि म़च़याङ्ओ। 12क्रेतदाओ अ़क्छा खालाकाह़ ओवात्नि य़ङायुङ्सा, “क्रेतदाओ म़नाचि झारा सोज्जे काचेप, अ़त्लोकाच़ साक्स़ङ खोन्कि सोसे बुक्ध़राक्चि ओ।” 13ओ य़ङ अ़नुछ्या ओ। खोन्ओसा मोचि चात्लो रेन्तुचि खोन्कि मोचि अ़छ़ङ साकोङ्छ़ङ मुमा म़ऱने, 14खोन्कि यहुदिचिओ सोज्जेओ दोय़ङ्ला खोन्कि अ़नुछ्याओ य़ङ ऩङाकाछित म़नाचिओ अ़चुय़ङ्चि एन्माइ ऩएनुन्ने। 15म़सेङ्याङ्ओ म़नाचिओ निकि झारा सामाचि म़सेङ्याङ्ङा, मेन ऩसेङ्निन्ओ खोन्कि साकोङ्छ़ङ मान्मुकादाचिओ निकि दिचिछाङ ऩसेङ्निनिन देकिनालो मोचिओ अ़चुमिन्मा खोन्कि साकोङ्वाङा अ़सेङ्निन्लो मुयाङ। 16मोचि “निनाम्हाङ सिन्तुङ्योङ”नि ना म़य़ङ, मेन मोचिओ अ़चुकाचिआ ओन निनाम्हाङ ऩङाअ़छित निकिना खाङ्मुसु। मोचि ना चिप्माकात्तुचिओ, लोमान्तेत खोन्कि खाक्कोछाङ अ़नुवाक काचि मुमा खान्तुओचि मात्द़ङ्चि।
Currently Selected:
तितस 1: bap
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.