१ युहन्ना 1
1
ह़ङ्म़ङ्ओ य़ङ
1अ़पुङ्चिपुक्दाङ्का युङाङाओ, मो आन्कान्का एनुम्काओ, आन्काओ म़क्आङा आन्कान्का खाम्का ओ, खोन्कि आन्काओ छुक्आ नोप्तुम्काओ, मोक्को ह़ङ्म़ङ य़ङ्ओ अ़तुक्वादा आन्कान्का छाप्तुम्योम्का। 2अ़नुछ्याङा मो ह़ङ्म़ङ खाङ्म़मुसान्चिन, खोन्कि आन्कान्का मो खाम्काकि सालुम्स़ङ प़म्का, खोन्किना खानानिन अ़लुक्निन्ओ ह़ङ्म़ङ आन्कान्का खाएत्नि, मो निनाम्हाङ पापाएदा याआङा खोन्कि आन्कान्का खाङ्ऩमेत्तिन्युङ्सिन्का। 3मो आन्कान्का खाम्काओ खोन्कि एनुम्युङ्सुम्काओ, आन्कान्का खानानिन्छाङ खाएत्निङ्नि, खोवात्निओसा आन्कान्काएनान आम्नुओ यावायोक लिने। खोन्कि आन्यावायोक निनाम्हाङ पापा खोन्कि खोक्कोसोओ अ़चुछा येसु ख्रिस्तएनान ओ। 4आन्ऩङानुसिन्चिन्ने निकिना आन्कान्का ओ य़ङ्चि छाप्तुम्योम्च़म्का।
साम्दा कोन्मा
5आन्कान्का निनाम्हाङ्ओ अ़चुछाएदाङ्का एनुम्काओ य़ङ्खान ओङा ओ, खोन्कि आन्कान्का खानानिन खाएत्निङ्नि, मेन निनाम्हाङ साम म़युङ्याङ खोन्कि खोक्कोएदा कुन्यामा मात्माइमात्द़ङ। 6आन्कान खोक्कोसोओ अ़चुयावायोक्दा युङिन्येन्नि य़ङिन, मेन कुन्यामादाङा युङिन्युङ्सिन्नालो ना आन्कान सोज्जेओ चेविन, खोन्कि अ़छ़ङ य़ङ्वात्नि अ़कोलिमिन। 7मेन खोक्को साम्दा म़मुयाङ्वात्निङा आन्कान्छाङ साम्दा कोलिन्नालो अ़क्छा निएदा आन्यावायोक लि, खोन्कि निनाम्हाङ्ओ अ़चुछा येसुओ अ़चुह़आ झारा आन्हेवादाङ्का म़सेङ।
8आन्कान्एदा हेवा मात्द़ङ्नि य़ङिन्नालो ना आन्कान आप्पि धान्तिन्चिन, खोन्कि आन्कान्एदा अ़छ़ङ अ़याक्निन। 9आन्कान आन्हेवाचि निनाम्हाङ्ओ अ़चुबुदा लोउम्च़म्नालो खोक्कोसाआ आन्हेवाचि आन्कान म़लेत प़, खोन्कि झारा मान्साम्योक्मिचिदाङ्का म़सेङ, देकिनालो खोक्को साकोङ्छ़ङ मुमा खान्तुओ खोन्कि साम्योक्मि म़मुयाङ। 10आन्कान हेवा मान्मुयुक्तिन्नि य़ङिन्नालो आन्कान निनाम्हाङ काम़प्पा मुम, खोन्कि खोक्कोसोओ अ़चुय़ङ आन्कान्एदा अ़याक्निन।
Currently Selected:
१ युहन्ना 1: bap
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.